ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
បុរសជនជាតិឥណ្ឌូណេស៊ីពីរនាក់ដែលមានអាយុ ៣០ ឆ្នាំត្រូវបានប៉ូលិសសិង្ហបុរីចាប់ខ្លួនពីបទលួចចូលប្រទេសសិង្ហបុរីដោយខុសច្បាប់តាមច្រកសមុទ្រកាលពីថ្ងៃចន្ទ ទី ២០ ខែវិច្ឆិកា។
នៅយប់ថ្ងៃអាទិត្យវេលាម៉ោង ១១.៥៨ ប្រព័ន្ធតាមឃ្លាំមើលរបស់ឆ្មាំសមុទ្រ (PCG) បានរកឃើញកាណូតមួយគ្រឿងកំពុងរត់ក្នុងល្បឿនលឿនបំផុតដែលគេមិនស្គាល់អត្តសញ្ញាណកំពុងបោះពួយរឆ្ពោះទៅច្រាំងស្របតាមផ្លូវ Tanah Merah Coast Road ដោយបានគេចចេញពីរបាំងសីម៉ាដែនសមុទ្រដែលដាក់ពង្រាយជារនាំងនៅចំច្រកចេញចូលតាមដៃសមុទ្រ Tanah Merah ក្រោយមកបានចូលសំចតនៅត្រង់ឆ្នេរសមុទ្រក្បែរទីនោះ។
កាលពីថ្ងៃចន្ទមន្រ្តីប៉ូលិសសិង្ហបុរី (SPF) បានថ្លែងនៅក្នុងសេចក្តីប្រកាសព័ត៌មានមួយថា “នៅក្រោយពេលដែលបានរកឃើញជនលបលួចឆ្លងដែលភ្លាមៗនោះ មន្រ្តីមកពី PCG, មកពីនាយកដ្ឋានប៉ូលិស Bedok, Gurkha Contingent និងបញ្ជាការប្រតិបត្តិការពិសេសបានសហការគ្នាធ្វើការចាប់ខ្លួនបុរសពីរនាក់នេះបានដោយជោគជ័យនៅក្នុងខណ:ពេលដែលពួកគេបានចេញពីកាណូត” ។
បុរសទាំង២នាក់ដែលធ្វើដំណើរក្នុងកាណូតប្រវែង៥ម៉ែត្រត្រូវបានប៉ូលិសរកឃើញថាធ្វើដំណើរឆ្លងដែនដោយគ្មានឯកសារត្រឹមត្រូវ។
សមត្ថកិច្ចប៉ូលិសបានដកហូតកាណូតមួយគ្រឿង រួមនឹងម៉ូតូ១គ្រឿងទុកជាវត្ថុតាង។ SPF បាននិយាយថាប៉ូលិសកំពុងបន្តនីតិវិធីស៊ើបអង្កេត។
បុរសពីរនាក់ដែលម្នាក់មានអាយុ ៣៦ និងម្នាក់ទៀតមានអាយុ ៣៣ ឆ្នាំនឹងត្រូវចោទប្រកាន់ដោយតុលាការនៅថ្ងៃអង្គារពីបទលបលួចឆ្លងដែនចូលទៅក្នុងទឹកដីរបស់ប្រទេសសិង្ហបុរីដោយខុសច្បាប់ដែលត្រូវកាត់ទោសដាក់ពន្ធនាគាររហូតដល់ ៦ ខែនិងត្រូវវាយបីថ្នាំងអំពៅ។
ប៉ូលិសបានបញ្ជាក់ថាពួកគេនឹងបន្តចាត់វិធានការយ៉ាងតឹងរឹងបំផុតប្រឆាំងនឹងជនល្មើសឆ្លងដែនប្រភេទនេះ ដើម្បីការពារសុវត្ថិភាពដែនសមុទ្រប្រឆាំងនឹងអំពើឧក្រិដ្ឋកម្មនាៗ និងការគំរាមកំហែងផ្នែកសន្តិសុខរួមមានការលបលួចឆ្លងដែនចូល និងលូចចាកចេញដោយគ្មានការអនុញ្ញាតពីអាជ្ញាធររបស់ប្រទេសសិង្ហបុរី៕
ប្រភព៖ CNA