ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
ក្រុងប៉េកាំង ៖ លោក Xi Jinping មេដឹកនាំរបស់ប្រទេសចិនបានប្រាប់សមភាគីអាមេរិកលោក Joe Biden ថាត្រូវ “បញ្ឈប់ការផ្តល់អាវុធដល់កោះតៃវ៉ាន់” ដោយអះអាងថាការបង្រួបបង្រួមកោះតែវ៉ាន់ដែលគ្រប់គ្រងដោយខ្លួនឯងតាមលទ្ធិប្រជាធិបតេយ្យគឺ “មិនអាចបញ្ចប់បានទេ” ក្រុងប៉េកាំងបានធ្វើសេចក្តីថ្លែងការយ៉ាងដូច្នេះនៅក្នុងថ្ងៃព្រហស្បតិ៍ទី១៦ ខែវិច្ឆិកានេះ ។
លោក Xi បានប្រាប់លោក Biden ថា “ភាគីអាមេរិកគួរតែបញ្ឈប់ការផ្តល់អាវុធដល់កោះតៃវ៉ាន់”។ក្នុងកិច្ចពិភាក្សាកាលពីថ្ងៃពុធ មេដឹកនាំកំពូលរបស់អាមេរិក លោក Biden បានស្នើឲ្យលោក Xi គោរពការបោះឆ្នោតនាពេលខាងមុខរបស់តៃវ៉ាន់ ដែលជាកោះមួយគ្រប់គ្រងតាមលទ្ធិប្រជាធិបតេយ្យដោយខ្លួនឯង ហើយក្រុងប៉េកាំងធ្វើការទាមទារយកមកគ្រប់គ្រងវិញ។ យើងបានស្នើឲ្យចិនគោរពដំណើរការបោះឆ្នោតនៅតៃវ៉ាន់។
កាលពីថ្ងៃពុធលោក Xi ក៏បានប្រាប់លោក Biden ផងដែនៅក្នុងកិច្ចប្រជុំអស់រយៈពេលជាងបួនម៉ោងថា តៃវ៉ាន់គឺជាបញ្ហាដ៏រសើបបំផុតមួយដែលនឹងនាំមកនូវគ្រោះថ្នាក់ដ៏ធំបំផុតក្នុងការស្តារទំនាក់ទំនងរវាងអាមេរិក និងចិន។
មន្ត្រីអាមេរិកបានដកស្រង់សម្តីលោក Xi មកនិយាយថាមហិច្ឆតារបស់ចិនគឺការបង្រួបបង្រួមដោយសន្តិវិធីជាមួយកោះតៃវ៉ាន់ប៉ុន្តែក៏នៅតែបន្តរក្សាលក្ខខណ្ឌក្នុងការប្រើប្រាស់កម្លាំងទ័ពផងដែរ។
មន្ត្រីអាមេរិករូបនេះបានបន្តថា លោក Xi ខិតខំព្យាយាមបង្ហាញថាប្រទេសចិនមិនបានត្រៀមសម្រាប់ការលុកលុយដ៏ធំលើកោះតៃវ៉ាន់នោះទេ ក៏ប៉ុន្តែមិនផ្លាស់ប្តូរយុទ្ធសាស្រ្តសម្រាប់ទប់ទល់ជាមួយអាមេរិកនោះទេ។
លោក Xi បានធ្វើការគូសបញ្ជាក់យ៉ាងច្បាស់លាស់ថាបញ្ហាដ៏គ្រោះថ្នាក់បំផុតក្នុងការស្តារទំនាក់ទំនងរវាងអាមេរិក និងចិនគឺបញ្ហាកោះតៃវ៉ាន់ដែលចិនបានបង្ហាញអំពីមហិច្ឆតារបស់ខ្លួនក្នុងការបង្រួបបង្រួមកោះតៃវ៉ាន់ដោយសន្តិវិធី ប៉ុន្តែមិនបានផ្លាស់ប្តូរលក្ខខណ្ឌដែលប្រកបដោយសក្តានុពលក្នុងការប្រើកម្លាំងទ័ពនោះទេ។
មន្ត្រីជាន់ខ្ពស់អាមេរិកបានប្រាប់អ្នកសារព័ត៌ដោយដកស្រង់សម្តីរបស់លោក Xi ជុំវិញបញ្ហាកោះតៃវ៉ាន់។
ជាការឆ្លើយតបរបស់លោក Biden គឺការធានាដល់លោក Xi ថា ក្រុងវ៉ាស៊ីនតោនបានប្ដេជ្ញារក្សាសន្តិភាពនៅក្នុងតំបន់។
មន្ត្រីរូបនេះបានបន្តថា “លោកប្រធានាធិបតី Biden បានឆ្លើយតបយ៉ាងច្បាស់ថា គោលជំហរដ៏យូរអង្វែងរបស់សហរដ្ឋអាមេរិកគឺការប្តេជ្ញាចិត្តរក្សាសន្តិភាព និងស្ថិរភាពនៅក្នុងតំបន់” ។
មន្ត្រីនោះបានបន្ថែមថា “លោកប្រធានាធិបតី Xi បានឆ្លើយតបថា បើមើលពីខាងក្រៅឃើញថាមានសន្តិភាពហើយទាំងអស់នេះគឺល្អហើយប៉ុន្តែបើមើលទៅលើចំណុចខ្លះៗនោះឃើញថាសន្តិភាព និងស្ថិរភាពមានលក្ខណ:ផុយស្រួយនិងគ្របដណ្តប់ទៅដោយបញ្ហាដ៏ចម្រូងចម្រាស់ដែលយើងត្រូវស្វែងរកដំណោះស្រាយដ៏ទូលំទូលាយជាទូទៅមួយ” ។
លោក Biden និងលោក Xi បានជួបគ្នាជាលើកដំបូងកាលពីថ្ងៃពុធក្រោយរយៈពេលជាងមួយឆ្នាំ សម្រាប់កិច្ចពិភាក្សាដែលមានគោលបំណងបន្ធូរបន្ថយភាពតានតឹងវាងមហាអំណាចទាំងពីរលើជម្លោះយោធា ការជួញដូរគ្រឿងញៀន និងបញ្ញាសិប្បនិមិត្ត ដែលគេសង្កេតឃើញថា”មានការរីកចម្រើនដ៏គួរឲ្យកត់សម្គាល់” ។
ចិនបានបង្កើនសកម្មភាពយោធាដោយព្យាយាមបង្ខិតបង្ខំតៃវ៉ាន់ឲ្យជ្រកក្រោមអធិបតេយ្យភាពរបស់ខ្លួនបើទោះបីជាមានការជំទាស់យ៉ាងខ្លាំងពីរដ្ឋាភិបាលរបស់ក្រុងតៃប៉ិយ៉ាងណាក៏ដោយ។
មន្ត្រីយោធាជាន់ខ្ពស់អាមេរិកបាននិយាយថា លោក Xi បានបញ្ជាកងទ័ពរំដោះប្រជាជនចិនឲ្យត្រៀមខ្លួនដើម្បីលុកលុយកោះតៃវ៉ាន់នៅឆ្នាំ ២០២៧។ ក្រុងប៉េកាំងមិនបានច្រានចោលការប្រើកម្លាំងទ័ពដើម្បីដណ្តើមយកកោះនេះនោះទេទោះបីជាចិនមិនដែលប្រកាសដោយចំហអំពីការរៀបចំសម្រាប់ធ្វើ
សង្គ្រាមក៏ដោយ៕
ប្រភព៖ Agency