ប្រភពសារព័ត៌មានក្នុងស្រុកមួយបានរាយការណ៏ថាមានស្រ្តីបម្រើការលើយន្តហោះសិង្ហបុរី SIA ម្នាក់ត្រូវបានចាប់ខ្លួននៅក្នុងប្រទេសជប៉ុន ពីបទលួចរបស់របរដែលមានតម្លៃប្រហែល ១០,០០០ យ៉េន ស្មើនឹង៦៦ ដុល្លាអាមេរិកពីហាងមួយកន្លែងក្នុងប្រទេសជប៉ុន។
![](https://cambodiaflashnews.com/wp-content/uploads/2021/06/top-banner.gif)
កាសែតក្នុងស្រុក Chiba Nippo បានរាយការណ៍ថាកាលពីថ្ងៃទី ៨ ខែវិច្ឆិកាមានស្ត្រីអាយុ ៣៣ ឆ្នាំជនជាតិសិង្ហបុរី ម្នាក់ត្រូវបានចាប់ខ្លួន ពីបទលួចកន្សែងងូតទឹក និងរបស់របរផ្សេងទៀតពីហាងមួយក្នុងទីក្រុង Narita ដែលជាទីប្រជុំជនមួយនៅក្នុងខេត្ត Chibaរបស់ប្រទេសជប៉ុន ។
សារព័ត៌មានជប៉ុនបានរាយការណ៍ថា ស្ត្រីជាជនសង្ស័យរូបនេះបានបដិសេធការចោទប្រកាន់នេះ ដោយនិយាយថា នាងមិនបានលួចរបស់របរទេ ហើយបានបញ្ជាក់ថា “នាងនិងបង់ប្រាក់ឲ្យពួកគេនៅពេលក្រោយ” ។
តាមសេចក្តីរាយការណ៍ ជនជាតិសិង្ហបុរីរូបនេះក៏បានខាំដៃឆ្វេងរបស់បុរសអាយុ ៥១ ឆ្នាំម្នាក់ផងដែរ នៅពេលដែលគាត់ព្យាយាមរារាំងនាងមិនឲ្យរត់គេចខ្លួន។
នាងបាននិយាយថា នាងខាំបុរសនោះព្រោះនាងចង់ឲ្យគេលែងកនាងនេះបើយោងតាមទីភ្នាក់ងារសារព័ត៌មានក្នុងស្រុក FNN ។
ក្រុមហ៊ុនអាកាសចរណ៍Singapore Airlines បាននិយាយកាលពីថ្ងៃអង្គារទី ១៤ ខែវិច្ឆិកាថា “SIA អាចបញ្ជាក់បានថាបុគ្គលិករបស់យើងម្នាក់ត្រូវបានចាប់ខ្លួននៅក្នុងប្រទេសជប៉ុន” នេះជាការឆ្លើយតបទៅនឹងសំណួររបស់សារព័ត៌មាន CNA ។
“ បញ្ហានេះកំពុងស្ថិតក្រោមការស៊ើបអង្កេតនៅឡើយ យើងមិនអាចផ្តល់ការអត្ថាធិប្បាយបន្ថែមទៀតបានទេ”។
ក្រសួងការបរទេសសិង្ហបុរីបានប្រាប់សារព័ត៌មាន CNA ថាខ្លួនកំពុងផ្តល់ជំនួយផ្នែកច្បាប់ដល់កុងស៊ុលសិង្ហបុរីសម្រាប់ជួយដល់កូនក្តី “ឲ្យស្របតាមច្បាប់នៅក្នុងប្រទេសជប៉ុន”៕
ប្រភព៖ Agency