ប្រែសម្រួល៖រតនា ​​​​

កីឡាករ Erling Haaland របស់ Manchester City បានរកបានពីរគ្រាប់ដំបូងរបស់គាត់នៅ Old Trafford ខណៈដែលពួកគេបានវាយសន្ធាប់ម្តងហើយម្តងទៀតទៅលើក្រុម Manchester United ក្នុងលទ្ធផល ៣-០ ក្នុងការប្រកួត Premier League derby កាលពីថ្ងៃអាទិត្យ។

លទ្ធផលដ៏ច្រចះត្រចង់ឈ្នះ៣ទល់នឹង០ដែលមានគ្រាប់ប៉េណាល់ទីមួយគ្រាប់ផងនោះបានធ្វើឲ្យលោក Pep Guardiolaដែលអ្នកចាប់ការទូទៅដ៏ឆ្នើមរបស់មេឃខៀវបានរំកឹលខ្លួនទៅឈរនៅលេខរៀងទី ៣ ក្នុងតារាងដែលមាន ២៤ ពិន្ទុបន្ទាប់ពី ១០ ប្រកួតដែលមានពីរពិន្ទុតាមពីក្រោយក្រុមកំពូលតារាង Tottenham Hotspur ។ United ដែល​បរាជ័យ​ជា​លើក​ដំបូង​ក្នុង​ការ​ប្រកួត​ចំនួន​បួន​ក្នុង​ការ​ប្រកួត​ទាំង​អស់​នោះ​គឺ​ស្ថិត​នៅ​លេខ​រៀង​ទី​ប្រាំបី​ដោយ​មាន​ ១៥ ពិន្ទុ។

United បានចាញ់ ៦ ប្រកួតក្នុងចំណោម ៨ ប្រកួតចុងក្រោយទល់នឹងគូប្រជែងក្នុងស្រុករបស់ពួកគេ រួមទាំងការបរាជ័យចុងក្រោយ ២-១ FA Cup ។

Haaland បាននិយាយថា “អស្ចារ្យណាស់។ ការឈ្នះដ៏អស្ចារ្យ ហើយការប្រកួតនេះគឺមិនគួរឱ្យជឿ។ ខ្សែបម្រើ Bernardo Silva បានបន្ថែមថា “វាពិតជាការឈ្នះដ៏ល្អបំផុតមួយ។ “ដើម្បីឈ្នះ ៣-០ នៅក្រៅដីជាមួយនឹងហ្វូងមនុស្សនេះខ្ញុំគិតថាវាពិតជាការសម្តែងដ៏ល្អបំផុតមួយ”។

ចំពោះការប្រកួតរវាងគូទាំង២ដែលគេរង់ចាំទស្សនាជាយូរមកហើយនេះក្រុម Manchester Cityបានយកប្រៀបគឺសង្កត់កជាប់ទាំងតង់ទីមួយនិងតង់ទីពីរ។ក្រុម Manchester Unitedដូចជាបានរត់តាមដេញដណ្តើមបាល់ពីគូប្រកួតពេញតារាងមើលទៅដូចគេលេងស្វាដណ្តើមទី។

អ្នកគាំទ្រភាគច្រើនរបស់បិសាចក្រហមរក្សាភាពស្ងៀមស្ងាត់ព្រោះខុសបំណងរបស់ពួកគេ។នៅជិតបញ្ចាប់តង់ទី២ពួកគេបានស្រែកថាអ្នកចាត់ការទូទៅManchester Unitedល្មមដល់ពេលចាកចេញហើយ។អ្នកគាំទ្រខ្លះទៀតបាននាំគ្នាក្រោកដើរចេញពីកន្លែងដែលគេបានទិញសំបុត្រអង្គុយមើលការប្រកួតដែលវាមិនទាន់ទាំងបានបញ្ចប់នៅឡើយផង។

រីឯក្រុមអ្នកគាំទ្រManchester Cityវិញបានក្រោកឈរកៀកស្មាគ្នាស្រែកច្រៀងចម្រៀងអបអរសាទរលាន់ឭទ្រហឹងអឺងកងដោយសារតែក្រុមមេឃខៀវរបស់ពួកគេបានចូលទៅបំបាក់ក្រុមបិសាចក្រហមដល់ក្នុងផ្ទះនៅចំពោះមុខអ្នកទស្សនាជាច្រើនម៉ឺននាក់៕