ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
សិង្ហបូរី៖បុរសម្នាក់ក្នុងចំណោមជនសង្ស័យ១០ នាក់បានដាក់ប្រាក់ធានាខ្លួនក្នុងចំនួនដ៏ច្រើនបំផុតដើម្បីស្នើសុំនៅក្រៅឃុំបណ្តោះអាសន្ន។រូបគាត់ត្រូវបានចោទប្រកាន់ពីបទសម្អាតលុយកខ្វក់រាប់ពាន់លានដុល្លារចំនួន ២.៤ពាន់លានដុល្លារសិង្ហបុរីស្មើនឹង ១.៧៦ ពាន់លានដុល្លារ បានព្យាយាមម្តងទៀតសម្រាប់ការស្នើសុំឲ្យដោះលែងនៅក្រៅឃុំបណ្តោះអាសន្នទៅកាន់តុលាការកំពូលដើម្បីពិនិត្យនិងពិចារណាឡើងវិញលើបទឧក្រិដ្ឋមួយនេះ។
.Vang Shuiming អាយុ ៤២ ឆ្នាំបានច្រានចោលពាក្យសុំរបស់គាត់ម្តងទៀតនៅថ្ងៃព្រហស្បតិ៍ ១២ តុលា ដោយចៅក្រមបានរំលឹកគាត់ថាប្រសិនបើពាក្យសុំនៅក្រៅឃុំបណ្តោះអាសន្នត្រូវបានបដិសេធគឺដោយសាពីមុន មកតុលាការមានការ “ស្ទាក់ស្ទើរ” ក្នុងការសម្រេចឱ្យនៅក្រៅឃុំជាបណ្តោះអាសន្នយោងតាមពាក្យស្នើសុំជាបន្តបន្ទាប់លុះត្រាតែមានភ័ស្តុតាងដោះបន្ទុកបន្ថែមទៀតនៅក្នុងកាលៈទេសៈនេះ។
មេធាវីរបស់លោក Vang មកពី Drew & Napier ភាគច្រើនបានលើកទឡ្ហីករណ៍ដូចគ្នាដែលពួកគេបានជជែកតវ៉ានៅក្នុងតុលាការសាលាដំបូងកាលពីថ្ងៃទី ២៩ ខែកញ្ញា។
លោក វ៉ាង ប្រឈមមុខនឹងការចោទប្រកាន់ចំនួនប្រាំ ដែលក្នុងនោះមានបួនករណីមិនអាចសម្រេចឲ្យនៅក្រៅឃុំបានមានន័យថា ការដោះបន្ទុកគឺស្ថិតនៅលើរូបគាត់ដើម្បីបញ្ជាក់ថាគាត់គួរតែទទួលបានការអនុញ្ញាតឲ្យនៅក្រៅឃុំ។
ការចោទប្រកាន់នេះគឺធ្វើទៅលើការប្រើប្រាស់ឯកសារក្លែងបន្លំ និងការកាន់កាប់ផលប្រយោជន៍ទុច្ចរិតដែលជាបទល្មើសព្រហ្មទណ្ឌមានតម្លៃជាប្រាក់ចំនួន ២.៤ លានដុល្លារសិង្ហបុរី ពីការខ្ចីប្រាក់ដោយគ្មានអាជ្ញាបណ្ណនៅក្នុងប្រទេសចិន។
Vang ដែលជាឪពុករបស់កូនពីរនាក់ដែលបានផ្លាស់ប្តូរគ្រួសារទាំងមូលរបស់គាត់មកទីនេះនៅក្នុងឆ្នាំ ២០១៩ ត្រូវបានចុះបញ្ជីនៅលើសន្លឹកបន្ទុកជាជនជាតិទួកគី។ ទោះយ៉ាងណា លោកក៏នៅតែកាន់លិខិតឆ្លងដែនមកពីប្រទេសចិន វ៉ានូអាទូ និងមកពីកម្ពុជាផងដែ។
គាត់ត្រូវបានចាប់ខ្លួនកាលពីខែសីហា ហើយត្រូវបានឃុំខ្លួនរួមជាមួយជនបរទេសប្រាំបួននាក់ផ្សេងទៀតដែលត្រូវបានចាប់ខ្លួនក្នុងការវាយឆ្មក់របស់ប៉ូលិសក្នុងពេលដំណាលគ្នា។
ពីរថ្ងៃបន្ទាប់ពីគាត់ត្រូវបានចាប់ខ្លួន រូបិយបណ្ណគ្រីបតូដែលមានតម្លៃជាង ២.៨ លានដុល្លារអាមេរិកត្រូវបានគេដកចេញពីគណនី Binance របស់គាត់ដោយមន្ត្រីស៊ើបអង្កេតនាំមុខគេបាននិយាយនៅក្នុងលិខិតបញ្ជាក់ប្រឆាំងនឹងការធានាឱ្យនៅក្រៅឃុំរបស់វ៉ាង។
![](https://cambodiaflashnews.com/wp-content/uploads/2023/10/002-3-300x170.png)
លោក វ៉ាង មានទំនាក់ទំនងជាមួយជនសង្ស័យបីនាក់ផ្សេងទៀតដែលកំពុងរត់គេចខ្លួន រួមទាំងប្អូនប្រុសរបស់គាត់។
ដោយហេតុផលទាំងអស់នេះ ចៅក្រមសាលាដំបូងបានច្រានចោលពាក្យសុំនៅក្រៅឃុំចុងក្រោយបង្អស់របស់គាត់នៅថ្ងៃទី ២៩ ខែកញ្ញា។
ទោះជាយ៉ាងណា មេធាវីរបស់លោក Vang បានដាក់ពាក្យទៅកាន់តុលាការកំពូលកាលពីថ្ងៃព្រហស្បតិ៍ ដើម្បីស្វែងរកការកែប្រែបទចោទពីបទឧក្រិដ្ឋ។ លោក Wendell Wong និងក្រុមរបស់លោកចង់ឲ្យចៅក្រម Vincent Hoong បដិសេធដីការបស់តុលាការជាន់ទាបដើម្បីបដិសេធការនៅក្រៅឃុំ និងផ្តល់ប្រាក់ធានាជាជំនួសវិញ។
មេធាវីបានគូសបញ្ជាក់ពីការសន្មត់នៃភាពគ្មានទោសពៃរ៍ ហើយបាននិយាយថា តុលាការសាលាដំបូងមិនគួរយល់ស្របជាមួយអយ្យការនោះទេការបញ្ជាក់ចុងក្រោយនេះវាគ្រាន់តែជា “ការអះអាងគ្មានភ័ស្តុតាង”។
លោក Wong បាននិយាយថា លោក Vang “សុខចិត្តដាក់ខ្លួនគាត់បន្ថយសេរីភាពផ្ទាល់ខ្លួន ទោះបីជាត្រូវបានដោះលែងឱ្យនៅក្រៅឃុំក៏ដោយ” ហើយអាចត្រូវបានដាក់ឱ្យស្ថិតនៅក្រោមការឃ្លាំមើល ដែលសំខាន់គឺត្រូវតាមដាន ២៤ ម៉ោងក្នុងមួយថ្ងៃ។
ដើម្បីឱ្យតុលាការជាន់ខ្ពស់អនុវត្តអំណាចកែប្រែបទចោទរបស់ខ្លួនគាត់ត្រូវតែបង្ហាញថាមានភាពអយុត្តិធម៌ធ្ងន់ធ្ងរលើការសម្រេចរបស់តុលាការសាលាដំបូង។
ចៅក្រម Hoong បាននិយាយថា គាត់មិនបានរកឃើញថាបទចោទក្នុងកម្រិតនេះអាចសម្រេចបាននោះទេ។
លោកបាននិយាយថា វាមិនអាចប្រកែកបានត្រង់ថាលោក វ៉ាង ប្រឈមមុខនឹងការចោទប្រកាន់ធ្ងន់ធ្ងរ ហើយខណៈពេលដែលមេធាវីការពារក្តីបាននិយាយថា លោក វ៉ាង អាចទទួលត្រឹមតែការផាកពិន័យ ប៉ុន្តែការកាត់ទោសដែលមានបន្ទុកអតិបរមាបានបង្ហាញពីបន្ទុកធ្ងន់ធ្ងរដែលរដ្ឋអាជ្ញាចាត់ទុកថាំជាបទល្មើសក្នុងករណីនិមួយៗ។
ក្នុងករណីនេះ គឺអាចជាប់ពន្ធនាគាររហូតដល់១០ឆ្នាំ និងពិន័យជាប្រាក់រហូតដល់៥០ម៉ឺនដុល្លារសិង្ហបុរីពីបទលាងលុយកខ្វក់។
ចៅក្រម Hoong បានកត់សម្គាល់ថា ការចោទប្រកាន់ពីបទលាងលុយកខ្វក់ចំនួន ៤ករណី របស់ វ៉ាង គឺជាបទល្មើសដែលមិនអាចអនុញ្ញាតឲ្យនៅក្រៅឃុំបាន ដូច្នេះការធានានៅក្រៅឃុំគឺមិនមានសម្រាប់គាត់ទេ។
ផ្ទុយទៅវិញ ទំនួលខុសត្រូវតាមគតិយុត្តគឺស្ថិតនៅលើលោក វ៉ាង ដើម្បីបង្ហាញថាការនៅក្រៅឃុំគួរតែត្រូវបានផ្តល់ឱ្យគាត់តាំងពីនៅក្នុងសំណុំរឿងមុនៗ។
ទោះជាយ៉ាងនេះក្តី ជំនួសឱ្យការឆ្លើយតប ឬបដិសេធការអះអាងរបស់មន្ត្រីស៊ើបអង្កេតដែលថា វ៉ាង គឺមានហានិភ័យប្រសិនបើគាត់លួចហោះហើរចេញទៅឆ្ងាយ លោក វ៉ាង បានលើកយកសេចក្តីថ្លែងហេតុដែលវាមិនមែនជាកាដោះបន្ទុកសម្រាប់គាត់ក្នុងការបង្ហាញនូវភស្តុតាងដោះបន្ទុកដើម្បីបញ្ជាក់ពីភាពគ្មានទោសកំហុសរបស់គាត់។
![](https://cambodiaflashnews.com/wp-content/uploads/2023/10/003-1-300x186.png)
លោកបានមានប្រសាសន៍ថា “សម្រាប់ខ្ញុំគឺមិនទទួលយកទាំងស្រុង។គាត់បានលើកឡើងម្តងទៀតនូវហានិភ័យប្រសិនបើវ៉ាងរត់គេចខ្លួនដោយសារគាត់មានលិខិតឆ្លងដែនកម្ពុជាដែលប៉ូលិសសិង្ហបុរីមិនអាចកំណត់ទីតាំង និងទ្រព្យសម្បត្តិសំខាន់ៗនៅក្រៅប្រទេស ជាពិសេសនៅកម្ពុជា។
លោកក៏បានច្រានចោលការអះអាងរបស់លោក Vang ដែលថាលោកចាក់ឫគល់ស៊ីជម្រៅនៅក្នុងប្រទេសសិង្ហបុរី។
“សរុបសេចក្តីមក ខ្ញុំគិតថាវាមានប្រយោជន៍សម្រាប់គាត់គឺជាប់ឃុំនៅទីនេះដោយរំលឹកដល់អ្នកដាក់ពាក្យថា ខណៈពេលដែលនៅមានជម្រើសគឺនៅតែបើកចំហសម្រាប់គាត់ក្នុងការស្វែងរកការពិចារណាឡើងវិញក្នុងការស្នើសុំនៅក្រៅឃុំបណ្តៅះអាសន្ន ឬ ការពិនិត្យឡើងវិញរបស់តុលាការកំពូលហើយគាត់ត្រូវតែធានាថាមានហេតុផលត្រឹមត្រូវដើម្បីដោះបន្ទុកក្នុងការសម្រេចឲ្យនៅក្រៅឃុំ។
“នៅពេលដែលពាក្យសុំនៅក្រៅឃុំត្រូវបានច្រានចោលគឺដោយសារតុលាការមានការស្ទាក់ស្ទើរយ៉ាងខ្លាំងក្នុងការផ្តល់ការធានាឲ្យនៅក្រៅឃុំ លុះត្រាតែមានការផ្លាស់ប្តូរជាសារវន្តក្នុងកាលៈទេសៈណាមួយ ឬមានអង្គហេតុថ្មីមកបំភ្លឺដោះបន្ទុក”។
លោក Wong បាននិយាយថាលោកបានកត់សម្គាល់ការអត្ថាធិប្បាយរបស់ចៅក្រម Hoong លើបញ្ហានៅក្រៅឃុំ ហើយបាននិយាយថាលោកនឹងព្យាយាមកែប្រែសំណុំរឿងនេះ “ឱ្យបានលឿនតាមដែលអាចធ្វើទៅបាន” ។ លោកធ្លាប់បាននិយាយនៅតុលាការសាលាដំបូងថា កូនក្តីរបស់លោកមានបំណងតតាំងនឹងការចោទប្រកាន់។
ដោយឡែក សហជនជាប់ចោទ Su Haijin របស់ Vang បានជូលរួមក្នុងសវនាការមុនការកាត់ក្តីកាលពីថ្ងៃពុធ ដែលតុលាការបាននិយាយថា អយ្យការអាច “ពិចារណាលើការដោះលែង” គណនីធនាគារ ឬទ្រព្យសម្បត្តិណាមួយដែល “មិនស្អុយ”។
បន្ទាប់ពីមេធាវីរបស់ Su មកពី Lee & Lee បានសរសេរទៅកាន់នាយកដ្ឋានកិច្ចការពាណិជ្ជកម្មអំពីករណីនេះ។
តុលាការនឹងបើកសវនាការជាមួយតំណាងអយ្យការលើសំណុំរឿងនេះមុនការជំនុំជម្រះបន្ទាប់របស់លោក Su៕
ប្រភព៖ CNA