ប្រែសម្រួល៖សហការី
Erling Haaland បានបញ្ចប់ភាពខ្សត់គ្រាប់បាល់របស់គាត់ជាមួយនឹងតង់ទីពីរ ខណៈដែល Manuel Akanji បានស៊ុតបញ្ចូលទីក្នុងនាមជាម្ចាស់ជើងឯក Manchester City ហើយបានរក្សាតំណែងរបស់ពួកគេក្នុងវគ្គជម្រុះនៃក្របខ័ណ្ឌ Champions League ជាមួយនឹងជ័យជម្នះ ៣-១ លើក្រុមស្វីស Young Boys កាលពីថ្ងៃពុធ។
ក្រុមរបស់លោក Pep Guardiola បានរក្សាកំណត់ត្រាឈ្នះ ១០០ ភាគរយនៅក្នុងពូល G ជាមួយនឹងជ័យជម្នះ ៣ លើក បើទោះបីជាមានការបារម្ភមុនការប្រកួសម្រាប់ការលេងនៅលើវាលស្មៅសិប្បនិម្មិតដ៏រអិលនៅឯកីឡដ្ឋាន Wankdorf ដែលស្រោចស្រប់ទៅដោយតំណក់ទឹកភ្លៀងក៏ដោយ។
លោក Guardiola បានប្រាប់ TNT Sports ថា “វាគឺជាការប្រកួតដ៏អស្ចារ្យមួយ។ ខ្ញុំពិតជារីករាយណាស់ចំពោះយុទ្ធវិធីដែលយើងលេង។ យើងត្រូវការមួយប្រកួតទៀតដើម្បីឆ្លងកាត់ការជម្រុះតាមការគណនា ហើយបន្ទាប់មកនៅពីរទៀតដើម្បីបញ្ចប់ឲ្យបានមុនគេ។
Man City អាចដណ្តើមបានកៅអីក្នុងវគ្គជម្រុះនៅពេលដែលពួកគេប្រកួតជាមួយ Young Boys ម្ដងទៀត ដែលលើកនេះនៅផ្ទះគេតែម្តងនៅថ្ងៃទី ៧ ខែវិច្ឆិកា។
Haaland បានស៊ុតបញ្ចូលទីជាលើកដំបូងក្នុងការប្រកួត Champions League ចំនួន ៦ លើកដោយការស៊ុតបាល់ប៉េណាល់ទីនៅនាទីទី ៦៧ បន្ទាប់ពី Mohamed Camara ប៉ះ Rodri ក្នុងប្រអប់។
រន្ទះជើងស៊ុតបញ្ចូលទីរបស់ City បានបន្ថែមគ្រាប់បាល់ទី ២ ដ៏អស្ចារ្យនៅពេលដែលគាត់បានបញ្ឆោត បាល់ប្តូរពីជើងឆ្វេងរបស់គាត់ទៅជើងស្តាំរបស់គាត់ មុនស៊ុតចូលជ្រុងខាងលើនៅនាទីទី ៨៦ ។
Haaland ដែលមានកំណត់ត្រាស៊ុតបញ្ចូលទីជាច្រើនកាលពីរដូវកាលមុននោះ បានបន្ថែមមួយគ្រាប់ទៀតកាលពីថ្ងៃពុធ ដោយបំបែកកំណត់ត្រារបស់ Kylian Mbappe ជាកីឡាករក្មេងជាងគេដែលអាចរកគ្រាប់បាល់បាន ៣៧ គ្រាប់នៅ Champions League ។ ខ្សែប្រយុទ្ធន័រវេសដែលមានអាយុ២៣ឆ្នាំនៅក្នុងការប្រកួត៩៦ថ្ងៃបានចូលរួមក្នុងការប្រកួតចំនួន៣៣លើក។
លោក Guardiola បាននិយាយថា៖វាសំខាន់ណាស់ក្នុងឱកាសដែលមានដ៏កម្រ ហើយប្រជាជស្មានថាគាត់ធ្វើមិនបាន “សុំទោសបុរសម្នាក់នេះនឹងស៊ុតបញ្ចូលទីបានពេញមួយជីវិតដោយឆក់យកឱកាសវាយលុកសន្ធាប់ដែលធ្វើឲ្យគេច្របូកច្របល់ហើយស៊ុតបញ្ចូលទីរហូតដល់ថ្ងៃចុងក្រោយដែលគាត់ឈប់លេងបាល់ទាត់។
Man City ខកខានក្នុងតង់ទី ១ មុនពេល Akanji ទីបំផុតបានបំបែកភាពជាប់គាំង ៣ នាទីបន្ទាប់ពីការសម្រាក ពេលដែលការតែតបាល់បញ្ចូលទីរបស់ Ruben Dias ត្រូវបានរុញចេញពីរបារកាត់ដោយអ្នកចាំទី Anthony Racioppi ហើយខ្សែការពារសញ្ជាតិស្វីសបានបង្វិលជើងស្តាំរបស់គាត់ខ្ពស់ដើម្បីទាត់ចូល។
ប៉ុន្តែ Young Boys បានចាប់អ្នកចាំទី Ederson របស់ Man City ក្នុង ៤ នាទីក្រោយមក ដោយបញ្ជូនឱ្យ Meschack Elia ជាមួយនឹងការបញ្ជូនបាល់យ៉ាងអស្ចារ្យ ដែលគាត់បានស៊ុតបាល់បញ្ចូលទីយ៉ាងខ្ពស់លើ Ederson ចូលទៅក្នុងសំណាញ់។
គ្រាប់បាល់របស់ Man City មានអារម្មណ៍ដូចជាជៀសមិនរួច បន្ទាប់ពីខ្សែចង្វាក់នៃតង់ទី ១ មិនគួរឱ្យជឿរបស់ពួកគេដែលស្ទើរនិងខកខានទៅហើយ រួមទាំងការស៊ុតបាល់កោងរបស់ Jack Grealish ដែល Racioppi ដែលអនុញ្ញាតឱ្យ Matheus Nunes ស៊ុតបាល់ឆ្ពោះទៅរកគ្រាប់បាល់ មុនពេល Loris Benito រអិលជើងក្នុងការសង្គ្រោះបាល់នៅលើខ្សែបន្ទាត់។
ខ្សែការពារ Rico Lewis បានប្រាប់ TNT Sports ថា “នោះហើយជារបៀបដែលវាយឡើង ប្រសិនបើអ្នកមិនចាប់យកឱកាសទេ វាអាចជាការលំបាក” ។ “នៅទីបញ្ចប់ ខ្សែប្រយុទ្ធបានឆ្លៀតឱកាសរបស់ពួកគេ ហើយយើងក៏ឈ្នះការប្រកួតនេះ”។
Julian Alvarez របស់ Man City មានគ្រាប់បាល់ស៊ុតបញ្ចូលទីបន្ទាប់ពី VAR បានកំណត់ថា Grealish បានគ្រប់គ្រងបាល់បានល្អ។
Young Boys ស្ថិតក្នុងចំណាត់ថ្នាក់លេខ ៣ ក្នុងពូលដែលមានមួយពិន្ទុបន្ទាប់ពីការប្រកួតចំនួន ៣លើក ៕
ប្រភព៖ Reuters