ដោយ៖សហការី
![](https://cambodiaflashnews.com/wp-content/uploads/2021/06/top-banner.gif)
បាត់ដំបង៖ សមត្ថកិច្ចបានបញ្ជូនមុខសញ្ញាជួញដូរគ្រឿងញៀនចំនួន២នាក់ទៅកាន់ តុលាការដើម្បីផ្តន្ទាទោស ក្រោយបង្ក្រាបនិងរឹបអូសវត្ថុតាងគ្រឿងញៀនជាង កន្លះគីឡូក្រាម ក្នុងស្រុករតនមណ្ឌល។
នគរបាលបានបញ្ជាក់ឲ្យដឹងថា មុខសញ្ញាល្មើសច្បាប់ទាំង២នាក់ត្រូវបានកម្លាំង ជំនាញកសាងសំណុំរឿងបញ្ជូនទៅផ្តន្ទាទោសតាមច្បាប់នៅថ្ងៃទី២៥ ខែតុលា ឆ្នាំ២០២៣នេះ ក្រោយសមត្ថកិច្ចមូលដ្ឋាន និងកម្លាំងការិយាល័យប្រឆាំងបទល្មើស គ្រឿងញៀន សហការគ្នាបង្ក្រាបបានកាលពីថ្ងៃទី២៣ ខែតុលាកន្លងមកនេះនៅ ត្រង់ចំណុចស្រុករតនមណ្ឌល។
ជនសង្ស័យមានឈ្មោះគឹម សេងហាក់ ភេទប្រុស អាយុ២៧ឆ្នាំ និងម្នាក់ទៀតឈ្មោះសន វាសនា ភេទប្រុស អាយុ៣១ឆ្នាំ មានមុខរបរមិនពិតប្រាកដ ទាំង២នាក់មានទីលំនៅក្នុងភូមិស្វាយ ឃុំបឹងរាំង ស្រុកកំរៀង ខេត្តបាត់ដំបង។
ប្រភពដដែលបន្តថា មុខសញ្ញាល្មើសខាងលើក្រោយពីការតាមដានជាសម្ងាត់ រួចកំណត់មុខសញ្ញាយ៉ាងយកចិត្តទុកដាក់ កម្លាំងពាក់ព័ន្ធបានចុះឆ្មក់ស្ទាក់ចាប់តែម្តងខណ:ពេលដែលក្រុមជនសង្ស័យកំពុងតែធ្វើសកម្មភាពចែកចាយគ្រឿងញៀន៕