ប្រទេសចិនបានបង្ក្រាបលើការឆបោកតាមអនឡាញក្នុងតំបន់អាស៊ីអាគ្នេយ៍បានរាប់ពាន់ករណី

ប្រែសម្រួល៖សហការី

បាងកក៖ លោក Zhang Hongliang អតីតអ្នកគ្រប់គ្រងភោជនីយដ្ឋាននៅភាគកណ្តាលនៃប្រទេសចិន បានធ្វើការនៅក្រៅប្រទេសចិនដើម្បីផ្គត់ផ្គង់គ្រួសាររបស់គាត់ បន្ទាប់ពីបាត់បង់ការងារក្នុងអំឡុងជំងឺរាតត្បាត COVID-19។

កាលពីខែមីនាគាត់ទទួលបានការងារជាអ្នកបង្រៀនគេឲ្យចេះធ្វើម្ហូបចិននៅក្នុងភោជនីយដ្ឋានមួយដែលបានណែនាំគាត់ឲ្យចូលរួមក្នុងល្បែងឆបោកតាមអ៊ីនធឺណិតនៅក្នុងប្រទេសមីយ៉ាន់ម៉ា ជាកន្លែងដែលគាត់ត្រូវបានគេបញ្ជាឱ្យឆបោកជនជាតិចិនឱ្យចូលរួមប្រាក់សន្សំរបស់ពួកគេសម្រាប់គម្រោងវិនិយោគក្លែងក្លាយតាមប្រព័ន្ធផ្សព្វផ្សាយសង្គម។

Zhang គឺជាមនុស្សម្នាក់ក្នុងចំណោមមនុស្សរាប់ម៉ឺននាក់ ដែលភាគច្រើនជាជនជាតិចិនក៏ប៉ុន្តែមិនមែនទាំងអស់គ្នានោះទេ ដែលបានផុងខ្លួននៅក្នុងបណ្តាញឆបោកតាមអ៊ីនធឺណិត ដែលគ្រប់គ្រងដោយក្រុមឧក្រិដ្ឋជនចិនដ៏មានឥទ្ធិពលនៅតំបន់អាស៊ីអាគ្នេយ៍។

អាជ្ញាធរនៅក្នុងតំបន់ និងរដ្ឋាភិបាលចិនបានចាប់ខ្លួនរាប់ពាន់នាក់នៅក្នុងការបង្រ្កាបមួយលើកៗ ក៏ប៉ុន្តែអ្នកជំនាញនិយាយថា ពួកគេបរាជ័យក្នុងការលុបបំបាត់ជនខិលខូចក្នុងស្រុក និងបណ្តាញឧក្រិដ្ឋជននៅតែទាក់ទងគ្នាជាបន្តបន្ទាប់គ្នា។

នៅពេលដែលមានកិច្ចប្រតិបត្តិការលើទីតាំងជាក់ស្តែងដែលជាកន្លែងដាក់ការសង្ស័យថាមានក្រុមឆបោកលាក់ខ្លួននោះត្រូវបានបិទ ហើយក៏ទៅបង្កើតនៅកន្លែងផ្សេងទៀត។ បញ្ហានេះគឺជាការអាម៉ាស់មួយសម្រាប់ទីក្រុងប៉េកាំង ហើយកំពុងបំបាក់ទឹកចិត្តជនជាតិចិនសមញ្ញៗធម្មតាពីការធ្វើដំណើរទៅកាន់តំបន់អាស៊ីអាគ្នេយ៍ ដោយសារមានការភ័យខ្លាចថាពួកគេអាចត្រូវបានគេលួចបន្លំ ឬចាប់ពង្រត់ ហើយត្រូវគេចាប់បាននៅក្នុងប្រតិបត្តិការបង្រ្កាបអំពើឆបោកតាមអ៊ីនធឺណិត។

នៅក្នុងរយៈពេលប៉ុន្មានឆ្នាំចុងក្រោយនេះ របាយការណ៍ក្នុងប្រព័ន្ធផ្សព្វផ្សាយបានរកឃើញករណីមនុស្សវ័យក្មេងដែលត្រូវបានគេបោកបញ្ឆោតឱ្យទៅកន្លែងនានានៅក្នុងប្រទេសកម្ពុជា ឬប្រទេសមីយ៉ាន់ម៉ាសម្រាប់ការងារដែលមានប្រាក់ខែខ្ពស់ ហើយក៏ត្រូវបានគេបង្ខំឱ្យធ្វើការជាអ្នកឆបោក។ អង្គការជួយសង្គ្រោះបាននិយាយថា មនុស្សទាំងនោះត្រូវបានគេវាយដំជាប្រចាំ ឬប្រឈមមុខនឹងការដាក់ទណ្ឌកម្មលើរាងកាយ ដូចជាត្រូវបានបង្ខំឱ្យរត់ប្រសិនបើពួកគេធ្វើមិនបានល្អ។

កាលពីខែសីហា ប្រទេសចិន ថៃ ឡាវ និងមីយ៉ាន់ម៉ាបានព្រមព្រៀងគ្នាបង្កើតមជ្ឈមណ្ឌលប្រតិបត្តិការប៉ូលិសរួមគ្នាមួយ ដើម្បីដោះស្រាយការបោកប្រាស់តាមអ៊ីនធឺណិតនៅក្នុងតំបន់។ កាលពីថ្ងៃទី ១០ ខែតុលា ក្រសួងសន្តិសុខសាធារណៈរបស់ប្រទេសចិនបានប្រកាសថា “ប្រតិបត្តិការរដូវក្តៅ” របស់ខ្លួនបានចាប់ខ្លួនមកវិញដោយជោគជ័យនូវជនសង្ស័យឆបោកបានចំនួន ២,៣១៧ នាក់ពីភាគខាងជើងប្រទេសមីយ៉ាន់ម៉ាទៅកាន់ប្រទេសចិន។

ចិនហៅមនុស្សបែបនេះថាជាជនសង្ស័យ ទោះបីជាអ្នកជំនាញនិយាយថាពួកគេភាគច្រើនជាជនរងគ្រោះដែលត្រូវបានគេបង្ខំឱ្យធ្វើការឱ្យឧក្រិដ្ឋជនក៏ដោយ។ ពួកគេចោទសួរថា តើពួកគេនឹងត្រូវបានគេចាត់ទុកជាមនុស្សប្រភេទណានៅពេលគេត្រឡប់មកប្រទេសចិនវិញ?

គម្រោងដែលមានទីតាំងជាមូលដ្ឋាននៅក្នុងប្រទេសមួយចំនួនដូចជា មីយ៉ាន់ម៉ា ឡាវ និងកម្ពុជា ត្រូវបានគ្រប់គ្រងដោយចៅហ្វាយជនជាតិចិន សហការជាមួយឥស្សរជនក្នុងស្រុក។ មនុស្សជាច្រើនមានមូលដ្ឋាននៅកន្លែងដែលប្រទេសចិនបានផ្តល់ហិរញ្ញប្បទានដល់គម្រោងសាងសង់ធំៗ តាមរយៈគំនិតផ្តួចផ្តើមខ្សែក្រវាត់ និងផ្លូវហត្ថលេខីរបស់មេដឹកនាំ Xi Jinping ។

តំបន់ព្រំដែននៃប្រទេសមីយ៉ាន់ម៉ា គឺជាឋានសួគា៍របស់ឧក្រិដ្ឋជនតាំងពីយូរយារណាស់មកហើយ ដែលរាប់បញ្ចូលទាំងអ្នកផលិត និងអ្នកជួញដូរគ្រឿងញៀន ដោយសារការអនុវត្តន៍ច្បាប់មានសភាពយឺតយ៉ាវ។ កន្លែងបែបនេះជាទូទៅស្ថិតនៅក្រោមការគ្រប់គ្រងរបស់ក្រុមប្រដាប់អាវុធជនជាតិភាគតិច ទាំងក្រុមប្រឆាំង ឬសម្ព័ន្ធមិត្តជាមួយរដ្ឋាភិបាលកណ្តាលរបស់ប្រទេសមីយ៉ាន់ម៉ា។ ខ្លះក៏សហការជាមួយក្រុមឧក្រិដ្ឋជនដែលមានរៀបចំរចនាសម្ព័ន្ធត្រឹមត្រូវ។

លោក Jason Tower អ្នកជំនាញផ្នែកឧក្រិដ្ឋកម្មឆ្លងដែននៅវិទ្យាស្ថានសន្តិភាពសហរដ្ឋអាមេរិកបាននិយាយថា “ចំណុចសំខាន់របស់រដ្ឋាភិបាលចិនគឺជាប្រភពនៃភាពអាម៉ាស់បំផុតដែលអ្នកមានជាឧក្រិដ្ឋជនចិនទាំងនេះជាច្រើនកំពុងប្រតិបត្តិការនៅទូទាំងតំបន់អាស៊ីអាគ្នេយ៍” ។

ក្រុមហ៊ុននេះក៏ត្រូវបានគេស្គាល់ផងដែរសម្រាប់គុណវិបត្តិ “ក្នុងអំពើរឆបោក” ដែលអ្នកបោកប្រាស់បានទាក់ទាញជាញឹកញាប់លើបុគ្គលម្នាក់់ៗជាងពាក់កណ្តាលនៅទូទាំងពិភពលោកឱ្យវិនិយោគប្រាក់របស់ពួកគេទៅក្នុងគម្រោងក្លែងក្លាយបន្ទាប់ពីពួកគេត្រូវគេបញ្ឆោតឲ្យផុងខ្លួនក្នុងល្បែងស្នេហាតាមប្រព័ន្ធឌីជីថល។

អ្នកបោកប្រាស់បានបែងចែកគោលដៅរបស់ពួកគេជាពីរប្រភេទគឺ ចិន និងមិនមែនចិន។ ពួកគេប្រើស្គ្រីប រូបភាពនៃម៉ូដែល និងអ្នកមានឥទ្ធិពល និងកម្មវិធីបកប្រែ ដើម្បីបញ្ឆោតមនុស្សដែលពួកគេទាក់ទងតាមទូរសព្ទ ឬតាមអ៊ីនធឺណិតឱ្យចាយប្រាក់របស់ពួកគេ។ជនរងគ្រោះអាចនៅគ្រប់ទីកន្លែងក្នុងពិភពលោក។

លោក Zhang Hongliang ថតរូប Selfie នៅទីក្រុង Wuhan ក្នុងខេត្ត Hubei ភាគកណ្តាលប្រទេសចិន កាលពីថ្ងៃទី 19 ខែតុលា ឆ្នាំ 2023។ (រូបថត៖ Zhang Hongliang តាមរយៈ AP)

Tower ដែលរៀបរាប់ពីទំនាក់ទំនងរវាងឧក្រិដ្ឋជន និងសហគ្រាសរដ្ឋចិន និងមន្ត្រីរដ្ឋាភិបាល។ នៅក្នុងរបាយការណ៍ឆ្នាំ ២០២០ ដែលសរសេរដោយវិទ្យាស្ថានសន្តិភាពសហរដ្ឋអាមេរិកបាននិយាយថា ឧក្រិដ្ឋជនបានលួច “ជិះលើខ្នងនៃគម្រោងផ្តួចផ្តើមខ្សែក្រវាត់ និងផ្លូវ” ។

Zhang កំពុងធ្វើការនៅប្រទេសថៃ និងកំពុងរត់ទិដ្ឋាការទៅប្រទេសឡាវ នៅពេលដែលគាត់បានជួបបុរសដែលល្បួងគាត់ឱ្យទៅកន្លែងឆបោកនៅប្រទេសមីយ៉ាន់ម៉ា។ ដោយប្រាប់ពីនាមត្រកូលរបស់គាត់ឈ្មោះ Gao គាត់បានអះអាងថាគាត់ជាមេខ្យល់ និងភ្នាក់ងារធ្វើដំណើរសម្រាប់ជនជាតិចិនដែលរស់នៅក្នុងប្រទេសថៃ។

លោក Zhang និងភរិយាចង់បានប្រាក់បន្ថែមដើម្បីចំណាយលើការបង្កកំណើតក្នុងវីរ៉ុស ដើម្បីឲ្យមានកូនម្នាក់ទៀត។ Gao បានស្នើឱ្យគាត់ទៅធ្វើការនៅ Myawaddy ក្នុងរដ្ឋ Kayin ភាគខាងកើតប្រទេសមីយ៉ាន់ម៉ា ដោយបង្រៀនមេចុងភៅក្នុងស្រុកពីរបៀបចម្អិនម្ហូបចិននៅក្នុងភោជនីយដ្ឋានថ្មីរបស់ Gao ។ ប្រាក់ខែនឹងកើនឡើងទ្វេដងច្រើនជាងលោក Zhang រកបាននៅប្រទេសចិន។

លោក Zhang មានការប្រុងប្រយ័ត្នចាប់តាំងពីរដ្ឋប្រហារឆ្នាំ ២០២១ មីយ៉ាន់ម៉ាដែលគ្រប់គ្រងដោយយោធាបានជាប់គាំងនៅក្នុងជម្លោះស៊ីវិល។ ប៉ុន្តែ Gao បានធានាគាត់ឡើងវិញថា គាត់នឹងមិនធ្វើអ្វីខុសច្បាប់ទេ ហើយបាននិយាយថា ភោជនីយដ្ឋាននេះនឹងមានអតិថិជនច្រើន ចាប់តាំងពីអាជីវកម្មឆបោកតាមអ៊ីនធឺណិតជាច្រើនកំពុងដំណើរការនៅក្នុងតំបន់នោះ។

វាគ្រាន់តែជាពេលដែលគាត់បានទៅដល់ប្រទេសមីយ៉ាន់ម៉ាប៉ុណ្ណោះដែល Zhang បានដឹងពីស្ថានភាពលំបាករបស់គាត់។គាត់បានសុំគេត្រឡប់ទៅផ្ទះវិញដោយប្រាប់ថាគ្រួសារមានគ្រោះអាសន្ន។ គ្រួសាររបស់គាត់បានជួយចេញលុយឲ្យគាត់ចំនួន ៤០,០០០ យ័នស្មើនឹង ៥,៤៧២ ដុល្លារអាមេរិក ដើម្បីសងបំណុលដែល Gao បានអះអាងថាគាត់ជំពាក់គេ ហើយគាត់បានរត់គេចចេញនៅក្នុងពេលយប់ដោយហែលទឹកឆ្លងទន្លេ Moei ចូលទៅក្នុងប្រទេសថៃ ហើយគាត់បានប្រគល់ខ្លួនជូនប៉ូលិសថៃ។

លោក Zhang បានបង្ហាញច្បាប់ចម្លង AP នៃសេចក្តីជូនដំណឹងអំពីការនិរទេសរបស់គាត់ពីប៉ូលិសអន្តោប្រវេសន៍ថៃ និងអត្តសញ្ញាណប័ណ្ណបណ្តោះអាសន្ន។ គាត់បានត្រឡប់ទៅប្រទេសចិនវិញកាលពីចុងខែមិថុនា ហើយត្រូវបានប៉ូលិសចិនសាកសួរ ប៉ុន្តែមិនត្រូវបានឃុំខ្លួននោះទេ។

គាត់បានចែករំលែករឿងរ៉ាវរបស់គាត់នៅលើ Douyin ដែលជាសំណេរអក្សរចិននៅលើ TikTok ដើម្បីជូនដំណឹងដល់អ្នកដទៃអំពីហានិភ័យ ហើយនិយាយថាមនុស្សតែងតែទាក់ទងគាត់អំពីសាច់ញាតិដែលជាប់នៅក្នុងចង្កោមជនឆបោកតាមអ៊ីនធឺណិត។

គាត់បាននិយាយថា “យើងទាំងអស់គ្នាបានចេញទៅធ្វើការនៅក្រៅប្រទេសជាមួយនឹងក្តីសង្ឃឹមដ៏អស្ចារ្យប៉ុន្តែផ្ទុយទៅវិញវាបានធ្វើឱ្យយើងប្រឈមមុខនឹងគ្រោះថ្នាក់” ។

សរុបមក ចិនបានឃាត់ខ្លួនជនសង្ស័យប្រមាណ ៤,០០០នាក់ ហើយបញ្ជូនពួកគេត្រឡប់ទៅប្រទេសវិញ។

ក្រសួងសន្តិសុខសាធារណៈបានអះអាងថា “លទ្ធផលទម្លាយចេញ” តាមរយៈប្រតិបត្តិការក្នុងការសម្របសម្រួលជាមួយអាជ្ញាធរមីយ៉ាន់ម៉ា។ កាលពីថ្ងៃចន្ទ ពួកគេបានប្រកាសថា ពួកគេបានធ្វើមាតុភូមិនិវត្តន៍មនុស្ស ២៣៤៩ នាក់ទៀត។ ក្រសួងមិនបានឆ្លើយតបនឹងសំណើតាមទូរសារដើម្បីសុំការអត្ថាធិប្បាយនោះទេ។

អតីតមេចុងភៅអាយុ ៣១ ឆ្នាំម្នាក់ដែលត្រូវបានរត់ពន្ធចូលទៅក្នុងរដ្ឋ Wa របស់ប្រទេសមីយ៉ាន់ម៉ាកាលពីដើមឆ្នាំនេះបាននិយាយថាគាត់បានឃើញក្រុមហ៊ុនរបស់គាត់ប្រគល់មនុស្សបួននាក់ទៅឱ្យប៉ូលិសចិនកាលពីខែកញ្ញា។

ក្រុមហ៊ុនផ្សេងទៀតបានធ្វើដូចគ្នានេះ គេបាននិយាយថា បុរសដែលត្រូវបានរត់ពន្ធចូលទៅក្នុងប្រទេសមីយ៉ាន់ម៉ា ហើយក្រោយមកត្រូវបានជួយសង្គ្រោះដោយអង្គការក្រៅរដ្ឋាភិបាល។ គាត់បដិសេធមិនបញ្ចេញឈ្មោះដោយសារការភ័យខ្លាចចំពោះការសងសឹករបស់រដ្ឋាភិបាល ហើយសារព័ត៌មាន Associated Press មិនអាចផ្ទៀងផ្ទាត់គណនីរបស់គាត់ដោយឯករាជ្យបានទេ។

អ្នកជំនាញនិយាយថា ជារួម សកម្មភាពអនុវត្តច្បាប់ហាក់ដូចជាមិនទូលំទូលាយទេ។ ដែលឥឡូវនេះមានមូលដ្ឋាននៅមីយ៉ាន់ម៉ាដើមឡើយមានទីតាំងនៅកម្ពុជា។ នៅពេលដែលប្រទេសកម្ពុជាបានបង្ក្រាបល្បែងស៊ីសងតាមប្រព័ន្ធអនឡាញ និងកាស៊ីណូខុសច្បាប់ក្នុងឆ្នាំ ២០១៩ មានក្រុមជាច្រើនទើបតែផ្លាស់ទៅកន្លែងដែលមានប៉ូលិសមិនល្អនៅក្នុងប្រទេសមីយ៉ាន់ម៉ា។ មួយចំនួនទៀតត្រូវបានក្រុមដែលជាដៃគូប្រជែងគ្នាក្នុងអពើឆបោកដណ្តើមយក។

លោក Thitinan Pongsudhirak សាស្ត្រាចារ្យផ្នែកវិទ្យាសាស្ត្រនយោបាយនៅសាកលវិទ្យាល័យ Chulalongkorn របស់ប្រទេសថៃបាននិយាយថា កិច្ចខិតខំប្រឹងប្រែងរបស់ប្រទេសចិនក្នុងការជួសជុលរូបភាពរបស់ខ្លួនរហូតមកដល់ពេលនេះមិនសូវមានដំណើរការនោះទេ។

គាត់បាននិយាយថា “អ្នកអាចបង្ក្រាបមុខសញ្ញាទាំងនេះតាមការចង្អុលបង្ហាញរបស់ចារកម្ម ដែលជួយអ្នកក្នុងការឃ្លាំមើលនៅតាមច្រករបៀងនៃតំបន់ព្រំដែន” ប៉ុន្តែពួកគេនឹងវិលមកវិញ លុះត្រាតែអ្នកពិតជាមានការខិតខំប្រឹងប្រែងប្រកបដោយនិរន្តរភាព”។

ប្រភព៖ AP