ប្រែសម្រួល៖សហការី
សិង្ហបូរី៖ ជនជាប់ចោទបួននាក់ដែលជាប់ចោទពីបទឆបោកក្នុងការជួញដូរទំនិញប្រណីតក្នុងតម្លៃរាប់លានដុល្លារមិនអាចស្នើសុំដីការបស់តុលាការស្របតាមសំណើរបស់ជនជាប់ចោទដើម្បីបង្គាប់ទៅនាយកដ្ឋានកិច្ចការពាណិជ្ជកម្ម (CAD) នៃកងកម្លាំងប៉ូលិសសិង្ហបុរីឱ្យបញ្ចេញសាច់ប្រាក់ដែលរឹបអូសបានចំនួន ២.៨៤ លានដុល្លារសិង្ហបុរី ស្មើរនិង ២.០៧ លានដុល្លារអាមេរិកដែលជាតម្លៃទ្រព្យសម្បត្តិរឹបអូសបានពីពួកគេ។
ជនជាប់ចោទទាំងបួននាក់នោះមានឈ្មោះ Chng Zhun Teck Jackson, Lee Boon Ping, Chang Khang Lee និង Tan Jen Sen Hermen ពួកគេគឺជាអតិថិជនរបស់ Tradenation and Tradeluxury។
ក្រុមហ៊ុនទាំងពីរនេះគ្រប់គ្រងដោយជនជាតិសិង្ហបុរី Pi Jiapeng និងភរិយាជនជាតិថៃឈ្មោះ Siriwipa Pansuk ។ អ្នកទាំងពីរមានអាយុ ២៨ ឆ្នាំត្រូវបានគេចោទប្រកាន់ថាជាអន្តរការីឆបោកទំនិញប្រណីតដែលពាក់ព័ន្ធនឹងទឹកប្រាក់យ៉ាងហោចណាស់ ២០ លានដុល្លារសិង្ហបុរីដែលមានរបាយការណ៍ប៉ូលិសច្រើនជាង ១៨០ ករណី បានប្តឹងក្រុមហ៊ុនទាំងពីររបស់ពួកគេ។
បើយោងតាមសាលក្រមដែលបានធ្វើឡើងកាលពីចុងសប្តាហ៍ និងរបាយការណ៍របស់ប៉ូលិសបានចោទប្រកាន់ថាក្រុមហ៊ុនទាំងនោះបានខកខានក្នុងការផ្តល់ទំនិញតាមការបញ្ជាទិញនាឡិកាប្រណីតនិងកាបូបប្រណីតបន្ទាប់ពីទទួលបានការទូទាត់ពេញលេញរួចរាល់។
ប្តីប្រពន្ធទាំងពីរនាក់នេះបានរត់គេចខ្លួនប្រហែល ៥ សប្តាហ៍មុនពេលត្រូវបានចាប់ខ្លួននៅក្នុងប្រទេសម៉ាឡេស៊ី ហើយបានប្រគល់ខ្លួនឱ្យទៅប៉ូលិសសិង្ហបុរីកាលពីថ្ងៃទី ១១ ខែសីហាឆ្នាំមុន។
ក្រោយមក ពួកគេត្រូវបានគេឃុំខ្លួនក្រោមបទចោទប្រកាន់ចំនួនមួយរយករណី រួមទាំងការបោកប្រាស់ និងការជួញដូរក្លែងក្លាយផង។
ជនសង្ស័យទាំងបួននាក់នៅក្នុងករណីនេះបានទទួលការកាត់ទោសមិនត្រឹមត្រូវតាមច្បាប់ប្រឆាំងនឹងប្ដីប្រពន្ធជនជាប់ចោទនិងក្រុមហ៊ុនទាំងពីរនៅក្នុងដំណើរការនីតិវិធីរដ្ឋប្បវេណីនៅឯតុលាការកំពូល។
ពួកគេបានស្នើសុំចៅក្រមចេញសាលក្រមសម្រេចបញ្ចេញសាច់ប្រាក់ចំនួន ២.៨៤ លានដុល្លារសិង្ហបុរី ជាទ្រព្យសម្បត្តិដែលរឹបអូសដោយ CAD នៅក្នុងដំណើរការស៊ើបអង្កេតលើបទល្មើសព្រហ្មទណ្ឌរបស់ពួកគេ ស្របតាមសាលក្រមរដ្ឋប្បវេណីដែលពួកគេមានសិទ្ធទួលបានសាច់ប្រាក់ខាងលើនេះ។
ពួកគេមានមូលនិធិពីគណនីធនាគារចំនួនបួនដែលត្រូវបានរឹបអូសដោយ CAD ក៏ដូចជាប្រាក់ចំណេញពីការលក់សមតុល្យនៃរថយន្ត Chevrolet Corvette V8 ដែលត្រូវបានទិញដោយ Piផងដែរ ។
បើទោះបីជាមានការទទួលស្គាល់ពាក្យបណ្តឹងស្នើសុំក៍ដោយក៏អយ្យការបានសម្រេចជំទាស់ទៅនឹងបណ្តឹងស្នើសុំរបស់ពួកគេដោយនិយាយថាបណ្តឹងស្នើសុំមិនគួរត្រូវបានអនុញ្ញាតទេព្រោះវា “មិនស្របតាមគតិយុត្ត” ហើយ CAD គួរតែផ្តោតលើការស៊ើបអង្កេតវិញ។
តំណាងអយ្យការបាននិយាយថា ប្រសិនបើគេអនុញ្ញាតនោះនិងមានករណីផ្សេងទៀតធ្វើដូចគ្នាផងដែរ គឺ”ចង់ចំណេញលើប្រាក់ដែលបានរឹបអូស”។
លើសពីនេះ គណនីធនាគារចំនួន ៤ ត្រូវបានរឹបអូសមុនពេលគេដាក់បណ្តឹងសុំធ្វើការវិនិច្ឆ័យ។
ចៅក្រមសាលាដំបូង Cheng Yuxi បានច្រានចោលសំណើរបស់ជនជាប់ចោទក្នុងការស្នើសុំបញ្ចេញមូលនិធិរបស់ពួកគេ។
គាត់បាននិយាយថា គាត់យល់ពីការចង់បានរបស់ពួកគេក្នុងការស្នើសុំធ្វើការវិនិច្ឆ័យដែលពួកគេត្រូវតែទទួលបាន។
លោកស្រីបានបន្តថាទោះជាយ៉ាងណា រដ្ឋអាជ្ញាបានសម្រេចកំណត់ឆន្ទានុសិទ្ធិរវាងអំណាចរបស់ប៉ូលិសនៅក្នុងការរឹបអូសទ្រព្យសម្បត្តិ ដើម្បីធ្វើឲ្យមានប្រសិទ្ធភាពនៅក្នុងការស៊ើបអង្កេត និងជៀសវាងការបង្កឲ្យមានការលំបាកដែលបង្កឡើងចំពោះអ្នកដែលត្រូវបានរារាំងមិនឲ្យមានការដោះស្រាយលើករណីរឹបអូសទ្រព្យសម្បត្តិ។
“តួនាទីរបស់តុលាការគឺធ្វើឲ្យមានប្រសិទ្ធភាពក្នុងការអនុវត្តបទប្បញ្ញត្តិច្បាប់ឲ្យច្បាស់លាស់យោងតាមអង្គហេតុជាពិសេសក្នុងករណីនេះ អ្នកដាក់ពាក្យបណ្តឹងស្នើសុំគឺមិនស្ថិតនៅក្នុងកាលៈទេសៈនេះទេដែលថាត្រូវឲ្យមានការរំពឹងទុកក្នុងការបញ្ចេញមូលនិធិដែលបានរឹបអូសនោះទេ។”
ប្រភព៖ CNA