ប្រែសម្រួល៖រតនា
ក្រុមកីឡាបាល់ទាត់តោកំណាចអង់គ្លេសបានបំបាក់សត្រូវចាស់ក្រុមអ៊ីតាលីក្នុងលទ្ធផល3-1ក្នុងការប្រកួតជម្រុះឆ្ពោះទៅEuro 2024 នៅថ្ងៃអង្គារ។
លទ្ធផលដ៏ត្រចះត្រចង់ដែលយកឈ្នះដោយស្រួលលើក្រុមអ៊ីតាលីនេះ វានឹងជួយឲ្យក្រុមអង់គ្លេសទទួលបានកៅអីរបស់ពួកគេសម្រាប់ទៅចូលរួមប្រកួតនៅ Euro 2024 ដែលនឹងរៀបចំធ្វើឡើងនៅក្នុងប្រទេសអាឡឺម៉ង់នៅពេលខាងមុខ។
ក្រុមតោកំណាចពួកគេគឺមិនទាន់ចាញ់សោះរហូតមកដល់ពេលនេះក្នុងវគ្គជម្រុះហើយបានចាញ់តែមួយប្រកួតប៉ុណ្ណោះក្នុងរយៈពេល 24 ឆ្នាំ – នៅពេលដែលពួកគេត្រូវបានផ្តួល 2-1 ដោយសាធារណរដ្ឋឆេកក្នុងឆ្នាំ 2019 ។
តាមពិតទៅវាមិនមែនជាក្រុមងាយស្រួលសម្រាប់អង់គ្លេសទេ។ ពួកគេត្រូវបានចាប់ឆ្នោតប៉ះជាមួយនឹងក្រុមការពារតំណែងជើងឯកអឺរ៉ុបអ៊ីតាលី ព្រមទាំងអ៊ុយក្រែន North Macedonia និង Malta។ ប៉ុន្តែនៅទីបញ្ចប់ ពួកគេមើលទៅងាយស្រួលជាមួយនឹងការឈ្នះ៥ ស្មើ១ និងមិនចាញ់។
ប៉ុន្តែទោះបីជាបែបនេះក្ដី លោក Southgate ដែលជាអ្នកដឹកនាំក្រុមអង់គ្លេសជឿជាក់ថាក្រុមរបស់លោកនៅតែមានសមត្ថភាពច្រើនជាងនេះ។
លោកបានបន្តថា៖«យើងត្រូវប្រាកដថាយើងជាគ្រាប់ពូជកំពូលមួយនៅខែក្រោយ។ “យើងត្រូវការឈ្នះពីរប្រកួតបន្ទាប់របស់យើងហើយយើងចង់គ្រប់គ្រងវា៕