ប្រែសម្រួល៖ រតនា
![](https://cambodiaflashnews.com/wp-content/uploads/2021/06/top-banner.gif)
អ៊ីស្រាអែលបានបើកការវាយប្រហារផ្លូវអាកាសជាច្រើនដង លើតំបន់ហ្គាហ្សាស្ទ្រីបដែលឡោមព័ទ្ធ បន្ទាប់ពីក្រុមប្រដាប់អាវុធប៉ាឡេស្ទីនហាម៉ាសបានបើកប្រតិបត្តិការយោធាជើងគោកនិងផ្លូវអាកាសមិនធ្លាប់មានពីមុនមកប្រឆាំងនឹងអ៊ីស្រាអែល។
មន្ត្រីសុខាភិបាលនៅតំបន់ហ្គាហ្សាស្ទ្រីប បាននិយាយថា យ៉ាងហោចណាស់មានជនជាតិប៉ាឡេស្ទីនចំនួន 198 នាក់ត្រូវបានសម្លាប់នៅក្នុងការវាយប្រហារតាមអាកាសរបស់អ៊ីស្រាអែល និងជាង 1,600 នាក់បានរងរបួសនៅថ្ងៃសៅរ៍ទី១០ តុលា ២០២៣។
ចំណែកខាងអ៊ីស្រាអែលវិញអាជ្ញាធរបាននិយាយថា ចំនួនអ្នកស្លាប់បានកើនដល់យ៉ាងហោចណាស់ ១០០នាក់ និងរាប់រយនាក់ផ្សេងទៀតរងរបួស។
ក្រុមអ្នកវិភាគនិយាយថា ធម្មជាតិនៃការវាយប្រហាររបស់ពួកហាម៉ាសលើអ៊ីស្រាអែលគឺមិនមានពីមុនមកទេក្នុងប៉ុន្មានឆ្នាំចុងក្រោយនេះ ហើយអាចផ្លាស់ប្តូរទិដ្ឋភាពនៃជម្លោះដែលជាប់គាំង៕