ប្រែសម្រួល៖សហការី
ក្រុមមន្ត្រីអ៊ុយក្រែនបានរាយការណ៏ថាមានការវាយប្រហារដោយមីស៊ីលរបស់រុស្ស៊ីនៅក្នុងភូមិមួយនៅជិតទីក្រុង Kupiansk ភាគខាងកើតអ៊ុយក្រែនកាលពីថ្ងៃព្រហស្បតិ៍បានឆក់យកជីវិតមនុស្សយ៉ាងហោចណាស់ ៥១ នាក់ដែលក្នុងនោះមានកុមារផងដែរ។គេបានហៅថាជាការវាយប្រហារដ៏សាហាវបំផុតមួយប្រឆាំងនឹងជនស៊ីវិលចាប់តាំងពីមានការលុកលុយរបស់រុស្សីនៅលើទឹកដីអ៊ុយក្រែនបានចាប់ផ្តើម។
លោក Ihor Klymenko រដ្ឋមន្ត្រីមហាផ្ទៃរបស់ប្រទេសអ៊ុយក្រែន បានប្រាប់ឲ្យដឹងថាទីក្រុងម៉ូស្គូ បានកំណត់គោលដៅវាយប្រហារលើហាងកាហ្វេ និងហាងមួយនៅ Hroza ក្នុងតំបន់ Kharkiv ។
នៅក្រោយការវាយប្រហារដ៏រន្ធុតនេះគេសង្កេតឃើញបុគ្គលិកជួយសង្គ្រោះបន្ទាន់កំពុងដើរជីកកកាយរកជនរងគ្រោះនិងសាកសពក្នុងគំនរបាក់បែកយ៉ាងសកម្ម ក្រុមគ្រូពេទ្យក៏កំពុងព្យាបាលអ្នករបួសចំនួន៦នាក់ផងដែរ។
លោក Oleh Synehubov ដែលជាយោធាប្រចាំតំបន់ដែលរងគ្រោះនេះបានថ្លែងថា នៅក្នុងចំណោមអ្នកស្លាប់ក៏មានទាំងក្មេងប្រុសអាយុ ៦ ឆ្នាំម្នាក់ ដែលត្រូវបានគេយកចេញពីអគារបាក់បែកដែលត្រូវបានបំផ្លាញ។ លោក រដ្ឋមន្ត្រីមហាផ្ទៃរបស់អ៊ុយក្រែនបាននិយាយថា មានសាកសពជនរងគ្រោះចំនួន ២៩ នាក់ដែលត្រូវបានគេកំណត់អត្តសញ្ញាណរួចហើយ។ចំណែកសាកសពផ្សេងទៀតត្រូវបានបញ្ជូនទៅកាន់កន្លែងដទៃទៀតក្នុងទីក្រុងខាគីវ។
លោក រដ្ឋមន្ត្រីមហាផ្ទៃរបស់អ៊ុយក្រែនបាននិយាយថា នៅចំពេលមានកាំជ្រួចផ្លោងកំពុងធ្វើការវាយប្រហារមកលើតំបន់នេះនោះគឺមានអ្នកស្រុកមួយចំនួកំពុងតែនៅខាងក្នុងហាងដែលរងការវាយប្រហារនេះគាត់បានបញ្ជាក់ថា ហេតុនេះហើយវាបានបង្កឱ្យមានការបំផ្លិចបំផ្លាញជាទ្រង់ទ្រាយធំដែលមិនធ្លាប់មានចាប់តាំងពីមានការវាយប្រហារលើស្ថានីយរថភ្លើងក្នុងក្រុង Kramatorsk នៅដើមឆ្នាំ ២០២២កន្លងមកដែលបានសម្លាប់មនុស្សអស់ជាង ៦០នាក់។
ពិធីបុណ្យដែលបានប្រារប្រារព្ធឡើងសម្រាប់ទាហានអ៊ុយក្រែនដែលបានបាត់បង់ជីវិតនោះគឺកំពុងតែប្រព្រឹត្តទៅនៅហាងកាហ្វេក្នុងភូមិនេះ គឺនៅចំពេលដែលកាំជ្រួចបានវាយប្រហារមកលើតំប់នេះហើយបានសម្លាប់សមាជិកគ្រួសារទាហានជាច្រើននាក់។ លោក Dmytro Chubenko អ្នកនាំពាក្យរបស់ការិយាល័យរដ្ឋអាជ្ញាប្រចាំតំបន់ Kharkiv បានប្រាប់សារព័ត៌មាន RBC របស់អ៊ុយក្រែនយ៉ាងដូច្នេះ។
លោក Chubenko បាននិយាយថា ទាហានអ៊ុយក្រែនដែលបានបាត់បង់ជីវិតកន្លងមកគឺត្រូវបានគេបញ្ចុះសពនៅក្នុងទីក្រុង Dnipro ប៉ុន្តែសាច់ញាតិរបស់ទាហានអ៊ុយក្រែនដែលបានបាត់បង់ជីវិតចង់ឲ្យយកសាកសពរបស់ពួគេទៅបញ្ចុះនៅក្នុងភូមិដែលជាស្រុកកំណើតរបស់ពួកគេវិញប្រសើជាង។
លោកបានមានប្រសាសន៍ថា “ពិធីនេះមានការចូលរួមដោយកូនប្រុសរបស់អ្នកស្លាប់ ដែលជាទាហានផងដែរ”។ លោកបានបន្ថែមថា៖ “កូនប្រុសរួមទាំងប្រពន្ធ និងម្ដាយរបស់ពួកគេក៏កំពុងស្ថិតនៅក្នុងហាងកាហ្វេនោះហើយពួកគេទាំងអស់នោះត្រូវបានគ្រាប់រ៉ុក្កែតសម្លាប់ទាំងអស់”។
យោងតាមរាបាយការណ៏ចុងក្រោយបានឲ្យដឹងថាការវាយប្រហារនេះបានបំផ្លាញប្រហែលមួយភាគប្រាំនៃហេថារចនាសម្ព័ន្ធនៅក្នុងភូមិដែលជាផ្ទះរបស់ប្រជាជនអស់ចំនួន ៣៣០ ផ្ទះ ។
មានសេចក្តីរាយការណ៏មកថាការវាយប្រហារស្រដៀងគ្នានេះក៏បានកើតមានឡើងនៅក្នុងទីប្រជុំជន Pervomaiske ក្បែរតំបន់នោះផងដែរ គឺនៅចំពេលដែលគ្រួសារសពកំពុងឧទ្ទិសដល់វិញ្ញាណក្ខន្ធកងទ័ពដែលបានបាត់បង់ជិវិតហើយក្នុងខណៈនោះដែរក៏ “មានវត្តមានទាហានដែលជាមិត្តរបស់សពនៅទៅនោះផងដែរ“ ។ សព្វថ្ងៃនេះ មានតែជនស៊ីវិលទេដែលបន្តរស់នៅក្នុងតំបន់ដែលរងនូវការវាយប្រហារមួយនេះ“៕