ដោយ:សុខុម
កំពង់ស្ពឺ:បុរសម្នាក់ត្រូវសមត្ថកិច្ចឃាត់ខ្លួនក្រោយពីបានយកកាំបិតផ្គាក់កាប់ទៅលើស្ត្រី ម្នាក់បណ្តាលឱ្យស្លាប់នៅនឹងកន្លែងកើតហេតុកាលពីថ្ងៃទី៥ ខែតុលា ឆ្នាំ២០២៣ នៅភូមិរលួស សង្កាត់ច្បារមន ក្រុងច្បារមន ខេត្តកំពង់ស្ពឺ។
![](https://cambodiaflashnews.com/wp-content/uploads/2021/06/top-banner.gif)
លោក សម សាក់ ស្នងការរងផ្នែកព្រហ្មទណ្ឌកំរិតធ្ងន់នៃស្នងការដ្ឋាននគរបាលខេត្តកំពង់ស្ពឺបានឲ្យដឹងថា ជនរងគ្រោះឈ្មោះ ស សុខេន ហៅស្រីឡឹង អាយុ ៣២ឆ្នាំរស់នៅក្នុងភូមិកើតហេតុ។
សាក្សីបានប្រាប់សមត្ថកិច្ចថា មុនពេលកើតហេតុ វេលាប្រហែលម៉ោង៧នាទីព្រឹក ជនរងគ្រោះបានឈ្លោះប្រកែកគ្នាជាមួយ ឈ្មោះ ហ៊ូ ហយ អាយុ ៦០ឆ្នាំហើយជនរងគ្រោះក៏បានយកកាំបិតផ្គាក់កាប់របងស័ង្កសីរបស់ជនបង្កខូចខាតបន្តិចបន្តួច។ពេលនោះជនដៃដល់បានដើរចេញទៅក្រៅផ្ទះហើយក៏ដើរត្រឡប់មកវិញបានកាន់កាំបិតផ្គាក់ដើរមក រួចក៏បានកាប់ទៅលើជនរងគ្រោះតែម្ដងទៅ។
ពេលនោះឈ្មោះមឿនវិសាលអ្នកជិតខាងបានស្រែកហៅឲ្យគេជួយតែមិនមានអ្នកណាហ៊ានចូលជួយនោះទេ។
ជនដៃដល់ក្រោយកាប់ស្ត្រីស្លាប់បានគេចខ្លួន តែត្រូវបានកម្លាំងសមត្ថកិច្ចឃាត់ខ្លួន៕