ប្រែសម្រួល៖ រតនា
![](https://cambodiaflashnews.com/wp-content/uploads/2021/06/top-banner.gif)
រដ្ឋជាសមាជិកសហភាពអឺរ៉ុបទាំង 27 បានបញ្ជូនមន្ត្រីទៅកិច្ចប្រជុំដ៏សំខាន់មួយនៅទីក្រុង Kyiv កាលពីថ្ងៃចន្ទ នេះបើតាមមន្ត្រីសហភាពអឺរ៉ុបបានប្រាប់ CNN ។
ទោះយ៉ាងណាក៏ដោយ មានតែប្រទេសចំនួន 23 ប៉ុណ្ណោះដែលបានបញ្ជូនរដ្ឋមន្ត្រីការបរទេសរបស់ពួកគេ។ ប្រទេសចំនួនបួនបានបញ្ជូនមន្ត្រីរដ្ឋាភិបាលផ្សេងទៀតជំនួសវិញ។
ប្រធានគោលនយោបាយការបរទេសរបស់សហភាពអឺរ៉ុប លោក Josep Borrell បានអះអាងមុននេះថា រដ្ឋមន្ត្រីការបរទេសមកពីប្រទេសសមាជិកទាំង 27 នឹងមានវត្តមាន។
ប្លុកនេះបានកោះប្រជុំនៅរដ្ឋធានីអ៊ុយក្រែនដើម្បីបញ្ជាក់ឡើងវិញនូវការគាំទ្ររបស់ពួកគេចំពោះទីក្រុង Kyiv ចំពេលមានការឈ្លានពានរបស់រុស្ស៊ី។
រដ្ឋមន្ត្រីការបរទេសមកពីប្រទេសខាងក្រោមគឺនៅទីក្រុងគៀវ៖ អូទ្រីស បែលហ្ស៊ិក ប៊ុលហ្គារី ក្រូអាត ស៊ីប សាធារណរដ្ឋឆេក ដាណឺម៉ាក អេស្តូនី ហ្វាំងឡង់ បារាំង អាល្លឺម៉ង់ ក្រិក អៀរឡង់ អ៊ីតាលី លីទុយអានី លុចសំបួរ ម៉ាល់តា ហូឡង់ ព័រទុយហ្គាល់ រូម៉ានី ស្លូវ៉ាគី ស្លូវេនី និងអេស្ប៉ាញ។
រដ្ឋលេខាធិការរដ្ឋឡាតវី និងស៊ុយអែតស្ថិតនៅក្នុងរដ្ឋធានីអ៊ុយក្រែន។ អនុរដ្ឋមន្ត្រីប៉ូឡូញ និងអនុរដ្ឋលេខាធិការរបស់ប្រទេសហុងគ្រី ស្ថិតក្នុងទីក្រុងគៀវ។
ជាមួយនោះដែរថ្មីៗនេះលោកប្រធានាធិបតីអាម៉េរិក Joe Biden បានបញ្ជាក់ពីជំហររបស់ខ្លួនថា ជំនួយសម្រាប់ប្រទេសអ៊ុយក្រែននៅតែបន្តរហូតសម្រាប់ពេលនេះ ខណៈដែលលោកកំពុងខិតខំស្វែងរកការធានាឡើងវិញដល់សម្ព័ន្ធមិត្តដើម្បីបន្តការគាំទ្រដល់កិច្ចខិតខំប្រឹងប្រែងប្រឆាំងនឹងសង្រ្គាមឈ្លានពានរបស់រុស្សីនៅក្នុងប្រទេសអ៊ុយក្រែន៕