ដោយៈសុខុម
ភ្នំពេញ:បុរសអតីតមន្ត្រីយោធាម្នាក់បាត់បង់ជីវិតក្នុងភ្នក់ភ្លើងយប់សែននំផ្លែឈើថ្ងៃសីលកាលពីម៉ោងជិត១២ យប់ថ្ងៃ ទី២៩ ខែកញ្ញា ឆ្នាំ២០២៣ ស្ថិតនៅក្នុងភូមិតិក្ខប្បបញ្ញោ សង្កាត់សំរោងក្រោម ខណ្ឌពោធិ៍សែនជ័យ រាជធានីភ្នំពេញ។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឲ្យដឹងក្រោយហេតុការណ៍ថា ជនរងគ្រោះឈ្មោះ ឡាច សាម៉ុន អាយុ៦៥ឆ្នាំ ជនជាតិខ្មែរ មុខរបរលក់ដូរអីវ៉ាន់ចាប់ហួយ និងជាអតីតះមន្រ្តីយោធាចូលនិវត្តន៍បានស្លាប់។
លោកវរសេនីយ៍ឯក ព្រហ្ម យ៉ន នាយការិយាល័យនគរបាលបង្ការពន្លត់អគ្គិភ័យនិងសង្គ្រោះនៃស្នងការដ្ឋាននគរបាលរាជធានីភ្នំពេញបានបញ្ជាក់ថា ចំពោះករណីគ្រោះអគ្គិភ័យខាងលើនេះ ជាប្រភេទសំណង់ ថ្មក្រោមឈើលើ ទំហំ ៦ម៉ែត្រ គុណ ១២ម៉ែត្រ បានឆេះអស់ទាំងស្រុង និងពុំបណ្តាលឲ្យឆេះរាលដាលដល់ផ្ទះអ្នកក្បែរខាងឡេីយ។
លោកវរសេនីយ៍ឯក ព្រហ្ម យ៉ន បានបញ្ជាក់ទៀតថាកម្លាំងសមត្ថកិច្ចជំនាញបានធ្វើការគ្រប់គ្រងទាំងស្រុងរំលងអធ្រាត្រឈានចូលថ្ងៃទី៣០ ខែកញ្ញា ឆ្នាំ២០២៣។ ដោយក្នុងហេតុការណ៍នេះ បានបណ្តាលឲ្យមនុស្សម្នាក់ស្លាប់នៅក្នុងផ្ទះ រីឯមូលហេតុ បណ្តាលមកពីការឆ្លងចរន្តអគិ្គសនី។សម្ភារដែលបាត់បង់នៅក្នុងផ្ទះខូចខាតស្ទើរតែទាំងស្រុង៕