ដោយ:សុខុម
សៀមរាប៖ នគរបាលបានឃាត់ខ្លួនឪពុកបង្កើតក្រោយវាយកូនស្រីខ្លួនឯងរហូតស្លាប់នៅយប់ថ្ងៃទី២៥ ខែកញ្ញា ឆ្នាំ២០២៣ នៅត្រង់ចំណុចកញ្ចុះមុខផ្ទះស្ថិតនៅភូមិខ្នារជើង ឃុំក្រូចគរ ស្រុកក្រឡាញ់ ខេត្តសៀមរាប។
សមត្ថកិច្ចបានឱ្យដឹងថា ជនរងគ្រោះឈ្មោះ ង៉ិក ស្រីគីម អាយុ១៤ ឆ្នាំ។ ចំណែក ជនសង្ស័យជាឪពុក ឈ្មោះ ឈិត ង៉ែត អាយុ៥៥ ឆ្នាំ។
ក្រោយហេតុការណ៍ សមត្ថកិច្ចបានឲ្យដឹងភ្លាមថា ករណីហិង្សា ឪពុកវាយកូនរហូតដល់ស្លាប់នេះ មូលហេតុ ឪពុកខឹងនឹងកូនហាមមិនឱ្យនិយាយទូរសព្ទ ។កូនស្រីមិនស្ដាប់នៅតែបន្តនិយាយទូរសព្ទ ឪពុកនាងខឹងខ្លាំងក៏វាយចំកញ្ចឹងកពីក្រោយចំនួន៣ ដៃ បណ្តាលឲ្យជនរងគ្រោះស្លាប់តែម្ដង។
ក្រោយកើតហេតុ សមត្ថកិច្ចនគរបាលស្រុកក្រឡាញ់ បានឃាត់ខ្លួនជនសង្ស័យជាឪពុកមកសាកសួរអនុវត្តតាមនីតិវិធីច្បាប់៕