ដោយ៖សុខុម
![](https://cambodiaflashnews.com/wp-content/uploads/2021/06/top-banner.gif)
ភ្នំពេញ៖ ក្រសួងសុខាភិបាល បានសហការជាមួយអាជ្ញាធរចុះទៅបិទទីតាំងលក់ឱសថបុរាណរបស់លោក ស៊ូ សេងហួរ គឺធ្វើបន្ទាប់ពីមានការរិះគន់ខ្លាំងពីមហាជនតាមបណ្ដាញសង្គមនិងលក់ឱសថតបុរាណមិនមានច្បាប់អនុញ្ញាតពីក្រសួង។
ក្រសួងសុខាភិបាលកាលពីថ្ងៃទី២៤ ខែកញ្ញា ឆ្នាំ២០២៣បានចេញលិខិតមួយថា នាយកដ្ឋានឱសថ ចំណីអាហារ បរិក្ខារពេទ្យ និងគ្រឿងសំអាង នៃក្រសួងសុខាភិបាល និងមន្ទីរសុខាភិបាល នៃរដ្ឋបាលរាជធានីភ្នំពេញ ធ្លាប់បានចុះទៅធ្វើការអប់រំ និងផាកពិន័យលោក ស៊ូ សេងហួរ ចំនួន២ដងរួចមកហើយ កាលពីខែមីនា និងឧសភា ឆ្នាំ២០២៣។
មហាជនមើលឃើញថាលោក ស៊ូ សេងហួរនៅតែបន្តសកម្មភាពដដែលហាក់មិនខ្លាចទៅនឹងចំណាត់ការរបស់ក្រសួងសុខាភិបាលនោះទេ។លុះមកដល់ថ្ងៃទី២៤កញ្ញានេះក្រសួងសុខាភិបាលមានចំណាត់ការជាថ្មីម្ដងទៀត៕