ដោយ៖វិចិត្រ
ភ្នំពេញ៖យោងតាមបណ្តាញគណនីហ្វេសប៊ុកមួយឈ្មោះថា Kong ChanEng កាលពីថ្ងៃទី២១ ខែកញ្ញាឆ្នាំ២០២៣ បានបង្ហោះថា “ខ្លួនកំពុងប្រកាសស្វែងរកម្ចាស់ផាស្អេប ក្រោយជិះអស់តម្លែតែ៤ពាន់រៀល បែរជាច្រឡំបាញ់លុយឱ្យរហូតដល់ចំនួន៤.០០០ដុល្លារទៅវិញ។
![](https://cambodiaflashnews.com/wp-content/uploads/2021/06/top-banner.gif)
បុរសម្ចាស់ហ្វេសប៊ុកបានបង្ហោះភ្ជាប់មានរូបភាពជាច្រើនសន្លឹក ជាមួយសំណេរដែលមានខ្លឹមសារថា “បងប្អូនជួយ share រកបងប្រុសម្នាក់នេះផងខ្ញុំច្រឡំបាញ់លុយទៅគាត់ចំនួន ៤.០០០ដុល្លារ ពេលជិះGrab Tuk tuk របស់គាត់។ រយៈពេល២-៣ថ្ងៃក្រោយមកទើបបានដឹង តែជាក់ស្តែងគឺត្រូវឱ្យគាត់តម្លៃតែ៤.០០០រៀលប៉ុណ្ណោះ”។
ជាមួយគ្នានោះ ម្ចាស់គណនីខាងលើសង្ឃឹមថា ម្ចាស់ផាស្អេបបានឃើញនិងជួយផ្ញើត្រឡប់ឱ្យមកវិញ។ពេលនេះលោកកំពុងស្វែងរក និងទំនាក់ទំនងតាមលេខទូរសព្ទទៅម្ចាស់ផាស្អេបនោះអត់ចូលទេ។បើបងប្អូនស្គាល់ឬឃើញគាត់សូមផ្តល់ដំណឹងដល់គាត់ និងទាក់ទងមកលោកវិញផង៕