ប្រែសម្រួល៖សហការី
នៅក្នុងសុន្ទរកថាដែលបានថ្លែងកាលពីថ្ងៃអង្គារនៅក្នុងមហាសន្និបាតអង្គការសហប្រជាជាតិគឺជាសុន្ទរកថាដំបូងបង្អស់របស់គាត់ចាប់តាំងពីមានការឈ្លានពានរបស់រុស្ស៊ីនៅក្នុងឆ្នាំ២០២២ ដែលក្នុងនោះលោកប្រធានាធិបតី Volodymyr Zelensky បានជំរុញឲ្យពិភពលោកមានការរួបរួមគ្នាប្រឆាំងនឹងការឈ្លានពានរបស់រុស្ស៊ី។
លោក Zelensky បានថ្លែងថា “គោលដៅនៃសង្គ្រាមបច្ចុប្បន្នគឺប្រឆាំងនឹងអ៊ុយក្រែនដើម្បីយកទឹកដីរបស់យើង ប្រជាជនរបស់យើង ធនធានរបស់យើងដែលជាការប្រឆាំងទៅនឹងច្បាប់អន្តរជាតិនិងធមន្នុញរបស់អង្គការសហប្រជាជាតិ” សង្គ្រាមបច្ចុប្បន្ននេះគឺជាអាវុធប្រឆាំងនឹងអ្នកគ្រប់ៗគ្នា “ក្នុងនាមជារដ្ឋសមាជិកដែលមានអាសនៈជាច្រើននៅក្នុងសាលមហាសន្និបាតហើយនៅតែមិនអាចធ្វើអ្វីបានទាល់តែសោះដែលអាចបណ្តោយឲ្យរុស្សីចូលឈ្លាពានប្រទេសអ៊ុយក្រែន។
គេសង្កេតឃើញថាមានការអបអរសាទរយ៉ាងកងរំពងនៅពេលគាត់ឡើងថ្លែងសុន្ទរកថា លោក Zelensky បានប្រើរយៈពេល ១៥ នាទីដើម្បីធ្វើអធិប្បាយអំពីសកម្មភាពរបស់មេដឹកនាំរុស្ស៊ីថាជាអំពើភេរវកម្ម និងចេតនាប្រល័យពូជសាសន៍ ដោយលើកឡើងជាពិសេសថាដូចជាការចាប់បញ្ជូនកុមារអ៊ុយក្រែនចេញពីប្រទេសជាដើម។
អ៊ុយក្រែនបានចោទប្រកាន់រុស្ស៊ីជាយូរមកហើយថាបានចាប់បញ្ជូនកុមារអ៊ុយក្រែនចេញពីតំបន់កាន់កាប់ដែលការចោទប្រកាន់នេះមានមូលដ្ឋានច្បាស់លាស់ទើបតុលាការឧក្រិដ្ឋកម្មសង្រ្គាមអន្តរជាតិចេញដីកាចាប់ខ្លួនប្រធានាធិបតីរុស្ស៊ីលោកវ្ល៉ាឌីមៀ ពូទីន។
មន្ត្រីរុស្ស៊ីមួយចំនួនបានទទួលស្គាល់ការអនុវត្តដោយអះអាងជាសាធារណៈថាជាការខិតខំប្រឹងប្រែងរបស់ពួកគេក្នុងការនាំយកកុមារទៅប្រទេសរុស្ស៊ីដោយដាក់ពួកគេឲ្យរស់នៅជាមួយនឹងគ្រួសារជនជាតិរុស្ស៊ី ហើយក្នុងករណីខ្លះពួកគេត្រូវបានផ្តល់នូវលិខិតឆ្លងដែនរបស់រុស្ស៊ីផងដែ។
លោក Zelensky ក៏បាននិយាយផងដែរថា ប្រទេសនេះកំពុងប្រើប្រាស់ពាណិជ្ជកម្មស្បៀងអាហារពិភពជាមុខអាវុធដ៏ត្រជាក់បន្ទាប់ពីកិច្ចខិតខំស្តារឡើងវិញនូវកិច្ចព្រមព្រៀងនាំចេញនូវគ្រាប់ធញ្ញជាតិតាមសមុទ្រខ្មៅបានទទួលបរាជ័យ និង “ប្រែក្លាយរោងចក្រថាមពលរបស់អ៊ុយក្រែនទៅជាប្រភពបង្ហូរសាធាតុបំពុលបរិយាកាស” ។
“ការប្រើប្រាស់អាវុធត្រូវតែទប់ស្កាត់ ឧក្រិដ្ឋកម្មសង្គ្រាមត្រូវតែមានទោសទណ្ឌ ប្រជាជនដែលត្រូវនិរទេសត្រូវត្រឡប់មកស្រុកវិញ ហើយអ្នកឈ្លានពានត្រូវតែត្រឡប់ទៅទឹកដីរបស់ពួកគេវិញ យើងត្រូវតែរួបរួមគ្នាដើម្បីបណ្តេញអ្នកឈ្លានពាន ហើយយើងប្តេជ្ញាចិត្តធ្វើវាឲ្យបាន។
ហើយក៏មានការព្រមានដល់ប្រទេសផ្សេងៗទៀតជុំវិញរឿងសហប្រតិបត្តិការគ្មានស្រមោលជាមួយរុស្ស៊ី លោកប្រធានាធិបតីអ៊ុយក្រែនក៏បានលើកឡើងអំពីការស្លាប់ដ៏គួឲ្យភ្ញាក់ផ្អើលរបស់ថៅកែ Wagner ជនជាតិរុស្ស៊ីគឺលោក Yevgeny Prigozhin កាលពីខែមុនផងដែ។
“ខ្ញុំយល់ច្បាស់អំពីមហិច្ឆតារបស់ពួកគេក្នុងកិច្ចសហការជាស្រមោលនៅពីក្រោយឆាកដែលជាអំពើដ៏អាក្រក់ដែលយើងមិនអាចជឿទុកចិត្តបានទេ។ ប្រសិនបើយើងសួរទៅកាន់លោក Prigozhin ថាមាននរណាដែលហានភ្នាល់ទេចំពោះការសន្យារបស់ពូទីន” គាត់បានសង្កត់ធ្ងន់យ៉ាងដូច្នេះ។
ងាកមកមើលលោកឯកអគ្គរដ្ឋទូតរបស់រុស្ស៊ីនៅក្នុងសាលមហាសន្និបាតដែលត្រូវបានចាប់យករូបភាពដោយកាមេរ៉ារបស់អង្គការសហប្រជាជាតិឃើញថាគាត់កំពុងតែកត់ត្រា និងលេងទូរសព្ទដៃរបស់គាត់នៅក្នុងខណៈពេលដែលលោក Zelensky កំពុងថ្លែងសុន្ទរកថា។
លោក Zelensky ត្រូវបានគេរំពឹងថានឹងជួបជាមួយលោកប្រធានាធិបតីសហរដ្ឋអាមេរិក Joe Biden នៅក្រោយពេលធ្វើដំណើរទៅកាន់ទីក្រុងវ៉ាស៊ីនតោននៅចុងសប្តាហ៍នេះ៕