ដោយ៖រតនា

ទីភ្នាក់ងារសារព័ត៌មានផ្លូវការរបស់វៀតណាមបាននិយាយកាលពីថ្ងៃពុធថា មនុស្សជាច្រើននាក់បានស្លាប់ និងជាច្រើននាក់ទៀតរងរបួសនៅក្នុងអគ្គិភ័យនៅប្លុកផ្ទះល្វែងប្រាំបួនជាន់ក្នុងរដ្ឋធានីហាណូយរបស់ប្រទេសវៀតណាម ខណៈដែលអាជ្ញាធរមិនទាន់បញ្ជាក់ចំនួនអ្នកស្លាប់នៅឡើយ។

ទីភ្នាក់ងារសារព័ត៌មានវៀតណាម (VNA) បាននិយាយថា ភ្លើងបានឆាបឆេះនៅពាក់កណ្តាលអធ្រាត្រនៅក្នុងអគារដែលមានអ្នករស់នៅចំនួន 150 នាក់ ប៉ុន្តែត្រូវបានពន្លត់នៅម៉ោង 2 ទៀបភ្លឺ ម៉ោងក្នុងស្រុក។

រូបភាពទូរទស្សន៍បានបង្ហាញពីអ្នកពន្លត់អគ្គិភ័យដែលបំពាក់ដោយទុយោ និងកាំជណ្ដើរនៅកន្លែងកើតហេតុនៅពេលយប់ ខណៈដែលមានផ្សែងខ្មៅក្រាស់បក់ចេញពីអគារនៅពេលថ្ងៃ៕