ដោយ:សុខុម
បាត់ដំបង៖ សមត្ថកិច្ចនិងប្រជាពលរដ្ឋជួយសង្គ្រោះបុរសម្នាក់រងរបួសធ្ងន់ទៅកាន់មន្ទីរពេទ្យបន្ទាប់ពីផ្ទុះគ្រាប់មីនកាលពីថ្ងៃទី១០ ខែកញ្ញា ឆ្នាំ២០២៣ នៅចំណុចខាងលិចល្អាងភ្នំបាដាក ស្ថិតក្នុងភូមិបាដាកត្បូង ឃុំរស្មីសង្ហា ស្រុករតនមណ្ឌល ខេត្តបាត់ដំបង។
លោកវរសេនីយ៍ឯក សន និល អធិការនគរបាលស្រុករតនមណ្ឌល បានរាយការណ៍អោយដឹងថា ជនរងគ្រោះឈ្មោះ សាក់ បូរ៉ា ភេទប្រុស អាយុ២៧ឆ្នាំ មានទីលំនៅភូមិអូរឃ្មុំ ឃុំរស្មីសង្ហា ស្រុករតនមណ្ឌល ខេត្តបាត់ដំបង ។
ជនរងគ្រោះបានទៅកាប់ឫស្សីនៅចំណុចកើតហេតុខាងលើរួចបានបោះឫស្សីឆ្លងអូរ បណ្តាលឲ្យឫស្សីធ្លាក់ចូលអូរបុកប៉ះគ្រាប់មីនទើបបណ្តាលឲ្យផ្ទុះរងរបួសគាត់។
ក្រោយកើតហេតុសមត្ថកិច្ចនិងប្រជាពលរដ្ឋដឹកបញ្ជូនជនរងគ្រោះទៅមន្ទីរពេទ្យបង្អែកខេត្តបាត់ដំបង ដើម្បីសម្រាកព្យាបាល៕