ដោយ:សុខុម
ស្ទឹងត្រែង:ជាង១សប្តាហ៍ហើយមកដល់ថ្ងៃទី១២ខែកញ្ញាឆ្នាំ២០២៣ ដែលប្រជាពលរដ្ឋ រាប់សិបនាក់សុំឱ្យអាជ្ញាធរពាក់ព័ន្ធដោះស្រាយរឿងខាងក្រុមហ៊ុនដាំចេកដ៏ធំមួយរបស់ វៀតណាមបាញ់ថ្នាំពុលលើដំណាំ ជះក្លិនអាក្រក់សាយភាយប៉ះពាល់សុខភាពរបស់ ប្រពលរដ្ឋ សិស្ស លោកគ្រូអ្នកគ្រូ ។
![](https://cambodiaflashnews.com/wp-content/uploads/2021/06/top-banner.gif)
នៅក្នុងជំនួបតវ៉ាកាលពីពេលថ្មីកន្លងទៅនេះបានឲ្យដឹងថា សកម្មភាពបាញ់ថ្នាំចំប៉នដំណាំចេកនៅក្រុមហ៊ុនផលិតដំឡូងមីចំកាត់ បានធ្វើឲ្យប៉ះពាល់ក្លិនអាក្រក់ដល់ប្រជាពលរដ្ឋនៅភូមិឬទ្ធីសែនជ័យ២ ក្នុងឃុំអូរស្វាយ ស្រុកបុរីអូរស្វាយសែនជ័យ ខេត្តស្ទឹងត្រែង ។
ប្រជាពលរដ្ឋរងក្លិនអសោចពីថ្នាំដែលកម្មករក្រុមហ៊ុនផលិតដំឡូងមីចំកាត់ យកមកបាញ់លើដំណាំចេក ហើយបំភាយក្លិនមកតាមខ្យល់បង្កឱ្យប្រជាពលរដ្ឋ ជាពិសេសកុមាររៀននៅសាលាបឋមសិក្សា មានអាការថប់ដង្ហើម ពុលក្អួត និងបរិភោគអាហារមិនកើត ។
លោកសូមិត្ត តំណាងឱ្យអគ្គនាយកក្រុមហ៊ុនផលិតដំឡូងមីចំកាត់បានទទួលស្គាល់ថា៖កម្មករក្រុមហ៊ុនពិតជាបានបាញ់ថ្នាំ ដោយប្រើប្រាស់រថយន្តធំ ទៅតាមបច្ចេកទេសទៅលើដំណាំចេកពិតប្រាកដមែន ។
លោកបន្តថា៖ ថ្នាំនេះជាថ្នាំបំប៉នស្លឹកដំណាំគ្រប់ប្រភេទ វាមានក្លិនអាក្រក់មែន ហើយបញ្ហានេះក្រុមហ៊ុនបានទទួលដំណឹងពីប្រជាពលរដ្ឋនិងអាជ្ញាធរពាក់ព័ន្ធ ពីការធំុក្លិនអាក្រក់នេះ។ក្រុមហ៊ុននឹងធ្វើការកែប្រែគុណភាពថ្នាំមួយកម្រិត និងផ្លាស់ប្តូរពេលវេលាបាញ់ដើម្បីកុំឱ្យជះក្លិនមិនល្អទៅលើប្រជាពលរដ្ឋ ។
លោកលី មីណា អភិបាលស្រុកបុរីអូរស្វាយសែនជ័យបានបញ្ជាក់ថា៖ លោកនឹងឱ្យសមត្ថកិច្ចជំនាញបន្តតាមដានរឿននេះ ប្រសិនបើម្ចាស់ក្រុមហ៊ុននៅប្រព្រឹត្តមិនកែប្រែ នឹងដាក់ពាក្យបណ្តឹងទៅស្ថាប័នជំនាញ ឱ្យមកពិនិត្យនិងផាកពិន័យចំពោះទង្វើមិនគប្បីនេះ ព្រោះធ្វើអ្វីក៏ដោយត្រូវតែគិតពីសុខភាពសាធារណៈជាម្បង ៕