ដោយ:សុខុម
ស្ទឹងត្រែង:តាមរយៈលិខិតស្នើសុំរបស់ឈ្មោះហាន់សុីណាត ជាពាណិជ្ជករម្នាក់នៅរាជធានីភ្នំពេញ បានដាក់លិខិតស្នើសុំអនុញ្ញាតពីក្រសួងពាក់ព័ន្ធដើម្បីស្វែងរុករករ៉ែដែកលើទឹកដីឃុំចំនួន២ គឺឃុំអន្លង់ភេនិងឃុំអន្លង់ជ្រៃ ស្រុកថាឡាបរិវ៉ាត់ ខេត្តស្ទឹងត្រែង។
យោងតាមលិខិតស្នើសុំក្រុមហ៊ុនក្លូប៊លហ្រ្គែន(ខេមបូឌា)អេនើជី ឌីវេឡុបមែន ដែលមានលោកហាន់ សុីណាត ជាអគ្គនាយកក្រុមហ៊ុន។ក្រុមហ៊ុនមានចំណាប់អារម្មណ៍បោះទុនវិនិយោគលើវិស័យរ៉ែ ជាមួយរាជរដ្ឋាភិបាលដើម្បីស្វែងរុករកធនធានរ៉ែដែកស្ថិតក្នុងភូមិសាស្ត្រឃុំអន្លង់ភេនិងឃុំអន្លង់ជ្រៃស្រុកថាឡាបរិវ៉ាត់ ខេត្តស្ទឹងត្រែងលើផ្ទៃដីទំហំ១១៩.៧០គីឡូម៉ែត្រការ៉េ។
សកម្មភាពស្វែងរករ៉ែដែកនៅក្នុងទីតាំងខាងលើនេះក្រុមហ៊ុននឹងចំណាយទុនវិនិយោគចំនួនប្រមាណ៤៣ ម៉ឺនដុល្លារអាម៉េរិក សម្រាប់រយៈពេលបីឆ្នាំដំបូងនិងសន្យាចូលរួមអភិវឌ្ឍន៍សហគមន៍ក្នុងមូលដ្ឋានតាមរយៈការឧបត្ថម្ភសាសនាវិស័យអប់រំនិងសុខុមាលភាពសង្គម៕
