ប្រែសម្រួល៖សហការី
នាងបានសរសេរថា “ខ្ញុំជាបីសាច” គិលានុបដ្ឋាយិកាជនជាតិអង់គ្លេសម្នាក់នេះត្រូវបានគេរកឃើញថាមានពិរុទ្ធភាពពីបទចេតនាសម្លាប់ទារកអស់ប្រាំពីរនាក់ហើយថែមទាំងប៉ុនប៉ងសម្លាប់មនុស្ស ចំនួន៦ នាក់ផ្សេងទៀតនៅក្នុងមន្ទីរពេទ្យដែលនាងបំរើការធ្វើឲ្យនាងក្លាយជាឃាតករឈាមត្រជាក់ដ៏សាហាវឃោឃៅបំផុតនៅក្នុងប្រទេសអង់គ្លេស។
ស្ត្រីឈ្មោះ Lucy Letby មានអាយុ ៣៣ ឆ្នាំបានបង្កគ្រោះថ្នាក់ដល់ទារកនៅក្រោមការថែទាំរបស់នាងដោយបានចាក់ខ្យល់ចូលទៅក្នុងឈាមនិងក្រពះរបស់ទារកទាំងនោះហើយមានការវាយដំលើរាងកាយនៅពេលដែលនាងបំបៅទឹកដោះគោដល់ពួកគេនិងថែមទាំងបំពុលទារកដោយអាំងស៊ុយលីន។ តុលាការនៅរដ្ឋ Manchester Crown នៃភាគខាងជើងប្រទេសអង់គ្លេសបានបើកសវនាការលើករណីទាំងនេះ។
យោងតាមរបាយការណ៍របស់ទីភ្នាក់ងារសារព័ត៌មាន PA Media របស់ចក្រភពអង់គ្លេសបានឲ្យដឹងថា មានករណីមួយ ស្រ្តីឈ្មោះ Letby បានសម្លាប់ទារកដែលគេស្គាល់ថាជា Child E ដោយចាក់បញ្ចូលខ្យល់ចូលទៅក្នុងចរន្តឈាមរបស់ទារកនោះលុះដល់ថ្ងៃបន្ទាប់ នាងបានព្យាយាមសម្លាប់ប្អូនប្រុសភ្លោះរបស់ទរាកនោះទៀតផងវាមានឈ្មោះ Child F ដោយបំពុលវាជាមួយនឹងអាំងស៊ុយលីន។
យោងតាមដីការបស់តុលាការដែលពាក់ព័ន្ធនឹងរឿងក្តីសម្លាប់ទារកបានធ្វើការចោទប្រកាន់ Letbyពីបទមនុស្សឃាតដោយចេតនាដែលបានសម្លាប់ទារកស្ថិតនៅក្រោមការមើលថែរទាំបស់នាង។
ប៉ូលិសបានរកឃើញកំណត់ត្រាសរសេរដោយដៃរបស់នាងផ្ទាល់នៅពេលដែលចូលទៅឆែកឆេរផ្ទះរបស់ Letby នៅក្នុងអំឡុងពេលស៊ើបអង្កេតរួមទាំងសៀវភៅមួយដែលនាងសរសេរថា “ទង្វើរបស់ខ្ញុំបែបនេះខ្ញុំជាមនុស្សដ៏សែនអាក្រក់បំផុត”។
ព្រះរាជអាជ្ញារបស់ចក្រភពអង់គ្លេស (CPS) បាននិយាយនៅក្នុងសេចក្តីថ្លែងការណ៍មួយថា នាងបានធ្វើទារុណកម្មលើទារកចំនួន ១៣ នាក់ដោយសម្ងាត់នៅមន្ទីរពេទ្យ Countess of Chester ក្នុងចន្លោះឆ្នាំ ២០១៥ និង ២០១៦។
ព្រះរាជអាជ្ញាបានធ្វើការចោទប្រកាន់ថា ចេតនារបស់នាងគឺចង់សម្លាប់ទារក ខណៈដែលអ្នករួមការងាររបស់នាង ជឿថាជាហេតុផលរបស់ធម្មជាតិ។
Pascale Jones នៃ CPS បានហៅសកម្មភាពរបស់ Letby ថានាង “បានក្បត់ចំពោះការជឿទុកចិត្តមកលើរូបនាងក្នុងការមើលថែទារក” ។
នាងបាននិយាយថា “Lucy Letby បានព្យាយាមបោកបញ្ឆោតមិត្តរួមការងាររបស់នាងមិនឲ្យមានការសង្ស័យមកលើនាងរួចក៏បានលួចបង្កគ្រោះថ្នាក់ដល់ទារកទាំងនោះដែលធ្វើឲ្យទារកម្នាក់ៗទទួលរងគ្រោះរហូតដល់ស្លាប់”។
“វត្ថុដែលនៅក្នុងដៃរបស់នាងសម្រាប់ប្រើប្រាស់ក្នុងការធ្វើទារុណកម្មលើទារកមានដូចជា សារធាតុដែលគ្មានជាតិពុលដូចជា ខ្យល់ ទឹកដោះគោ វត្ថុរាវ ឬថ្នាំដូចជាអាំងស៊ុយលីនជាដើមគឺនាងសាហាវខ្លាំងណាស់។ នាងបានធ្វើឲ្យខូចដល់ការរៀនសូត្រដ៏ត្រឹមត្រូវរបស់នាង ហើយបានប្រើវត្ថុទាំងនោះជាឧប្បករណ៏ធ្វើទារុណកម្មលើទារករហូតដល់ស្លាប់” ។
ក្រុមគ្រួសារជនរងគ្រោះបាននិយាយថា ពួកគេ” មិនបានដឹងថាមកពីមូលហេតុអ្វីបានជាមានរឿងបែបនេះកើតឡើងនោះទេ” ។
សេចក្តីថ្លែងការណ៍រួមមួយបាននិយាយថា “ការស្លាប់របស់ទារកគឺជាបទពិសោធដែលពោពេញទៅដោយសោកនាដកម្មមួយដែលឪពុកម្តាយរបស់ពួកគេមិនគួរជួបប្រទះរឿងដ៏សោកសៅបែបនេះនោះទេ” ។សេចក្តីថ្លែងការណ៍បានបន្ថែមថា៖ “ ការបាត់បង់កូនពួកគេគឺមិនអាចនឹកស្មានដល់ឡើយ” ។
យោងតាមកំណត់ត្រាសរសេរដោយដៃរបស់ Lucy Letby បាននិយាយថា ‘គឺខ្ញុំជាអ្នកសម្លាប់ពួកគេ’ ។
PA បាននិយាយថានៅក្នុងឆ្នាំ ២០១៨ និង ២០១៩ ថា Letby ត្រូវបានប៉ូលិសចាប់ខ្លួនពីរដងរួចមកហើយក្រោយពីបានធ្វើការស៊ើបអង្កេតលើករណីទាំងនេះ។ នាងត្រូវបានប៉ូលិសចាប់ខ្លួនម្ដងទៀតក្នុងខែវិច្ឆិកា ឆ្នាំ ២០២០។អាជ្ញាធរបានរកឃើញកំណត់ហេតុដែល Letby បានសរសេរក្នុងអំឡុងពេលឆែកឆេលំនៅដ្ឋានរបស់នាង។
នាងនិយាយថា “ខ្ញុំមិនសមនឹងរស់នៅតទៅទៀតទេគឺខ្ញុំជាអ្នកសម្លាប់ពួកគេដោយចេតនាហើយខ្ញុំមិនមែនជាមនុស្សល្អក្នុងការមើលថែពួកគេនោះទេ” នាងបានសរសេរនៅក្នុងកំណត់ហេតុមួយ ដោយនាងបានបន្ថែមថា “ខ្ញុំជាមនុស្សដ៏សាហាវយង់ឃ្នងខ្លាំងណាស់” “ចំពោះទង្វើដ៏យង់ឃ្នងបែបនេះខ្ញុំគឺជាមនុស្សដ៏អាក្រក់បំផុត”។
ម្តាយរបស់ Child E និង Child F បាននិយាយនៅក្នុងខណៈពេលដែលផ្តល់សក្ខីកម្មដល់តុលាការថា “ខ្ញុំមានការជឿជាក់ទាំងស្រុងលើទង្វើដ៏សាហាវយង់ឃ្នងរបស់ Letby ” នេះបើយោងតាម PA Media ។នាងបាននិយាយថានាង “ដឹងថាមានអ្វីខុសប្រក្រតីបានកើតឡើងហើយ” ពីព្រោះនាងបានឭទារករបស់នាងឈ្មោះ Child E បានស្រែកខ្លាំងៗនៅក្នុងបន្ទប់ថែទាំ។
ហើយថានៅមុនពេល Letby សម្លាប់កុមារ E គាត់ឃើញមានឈាមហូរដោយសានាងព្យាយាមវាយលើទារករបស់គាត់។
ម្តាយរបស់ទារកបានប្រាប់តុលាការថា៖ “មិនបានចាប់អារម្នណ៏ថាជាសំឡេងដែលចេញពីទារកតូចៗនោះទេ”។ “ខ្ញុំមិនយល់ថាជាសំឡេងអ្វីនោះទេគឺវាគួរឲ្យរន្ធត់ខ្លាំងណាស់ចំពោះការស្រែកយំរបស់ទារកបែបនេះ” ។
ក្រោយការស្លាប់របស់កុមារ អ៊ី ពុំមានការធ្វើកោសល្យវិច័យទេ។ ស្ត្រីជាម្តាយបាននិយាយថា គាត់គិតថា ទារករបស់គាត់បានស្លាប់តាមហេតុផលធម្មជាតិ ។
កូនប្រុសភ្លោះរបស់នាងឈ្មោះ Child F ក្រោយមកបានរស់រានមានជីវិតពីការប៉ុនប៉ងសម្លាប់របស់ Letby ដោយការបំពុលអាំងស៊ុយលីន។
អ្នកប្រឹក្សាបានធ្វើការសុំទោសចំពោះហេតុការដ៏គួរឲ្យព្រួយបារម្ភ។លោកវេជ្ជបណ្ឌិតនៅមន្ទីរពេទ្យបានចាប់ផ្តើមមានការសង្ស័យដោយសារកត់សម្គាល់ឃើញថាមានការកើនឡើងយ៉ាងលឿននៃចំនួនទារកដែលបានស្លាប់ដែលមិនគួរឲ្យជឿទាល់តែសោះ។
PA Media បាននិយាយថា ការព្រួយបារម្ភដែលលើកឡើងដោយអ្នកប្រឹក្សាអំពីការកើនឡើងនៃអត្រាមរណភាពរបស់អ្នកជំងឺនៅក្រោមការថែទាំរបស់ Letby ត្រូវបានបដិសេធតាំងពីដំបូងដោយនាយកគ្រប់គ្រងរបស់មន្ទីរពេទ្យ។
នៅខែកញ្ញា ឆ្នាំ ២០១៦ Letby បានដាក់ពាក្យបណ្តឹងប្រឆាំងនឹងនិយោជករបស់នាង បន្ទាប់ពីនាងត្រូវបានគេផ្លាស់ពីកន្លែងមើលថែទារកទើបនឹងកើតក្នុងមន្ទីរពេទ្យ។ នាងត្រូវបានគេផ្លាស់ឲ្យបំពេញតួនាទីជាស្មៀនវិញ បន្ទាប់ពីទារកប្រុសបីនាក់បានស្លាប់ ហើយទារកម្នាក់បានដួលបីថ្ងៃជាប់ៗគ្នាក្នុងខែមិថុនា ឆ្នាំ ២០១៦។
ក្រោយមកនៅឆ្នាំនោះ នាងត្រូវបានគេជូនដំណឹងអំពីការចោទប្រកាន់មកលើរូបនាងដោយសហជីពនៃមហាវិទ្យាល័យគិលានុបដ្ឋាយិកា ប៉ុន្តែក្រោយមកពាក្យបណ្តឹងនេះត្រូវបានដោះស្រាយរួចរាល់។ វេជ្ជបណ្ឌិតត្រូវបានស្នើសុំឲ្យធ្វើការសុំទោសជាលាយលក្ខណ៍អក្សរជាផ្លូវការចំពោះ Letby ។
នាងត្រូវបានគេគ្រោងនឹងឲ្យត្រឡប់ទៅកាន់មន្ទីរមើលថែទារកវិញនៅក្នុងខែមីនា ឆ្នាំ ២០១៧ ប៉ុន្តែការវិលត្រឡប់របស់នាងមិនបានកើតឡើងនោះទេ។ មន្ទីរពេទ្យមានការសង្ស័យលើរូបនាងហើយក៏បានទាក់ទងប៉ូលិសដើម្បីបើកការស៊ើបអង្កេត។
ធ្វើឲ្យនាងមានការ ‘ខកចិត្តហើយខឹងយ៉ាខ្លាំង
រដ្ឋាភិបាលចក្រភពអង់គ្លេសបានបញ្ជាឲ្យបើកការស៊ើបអង្កេតឯករាជ្យលើករណីឃាតកម្មនេះ រួមទាំងជួយដោះស្រាយដល់ “អ្នកដែលមានការព្រួយបារម្ភដូចដែលមានការលើកឡើងដោយគ្រូពេទ្យត្រូវតែដោះស្រាយជាបន្ទាន់” ។
រដ្ឋាភិបាលបាននិយាយនៅក្នុងសេចក្តីថ្លែងការណ៍មួយកាលពីថ្ងៃសុក្រថា ការស៊ើបអង្កេតនឹងត្រូវអនុវត្តទៅតាម “កាលៈទេសៈជុំវិញឧបទ្ទវហេតុនៃការស្លាប់ទាំងនេះ” ។
ហើយត្រូវធ្វើការវាយតម្លៃផងដែរថាតើសកម្មភាពណាដែលត្រូវបានធ្វើឡើងដោយនិយតករ និងសេវាសុខភាពជាតិរបស់ចក្រភពអង់គ្លេសដើម្បីជាការឆ្លើយតបទៅនឹងការព្រួយបារម្ភដែលទាក់ទងនឹងករណីរបស់នាង Letby ។
រដ្ឋមន្ត្រីសុខាភិបាល Steve Barclay បានសន្យាថា សំឡេងអំពាវនាវរកយុត្តិធម៌របស់ឪពុកម្តាយជនរងគ្រោះ “ត្រូវបានទទួលយក” ដោយទទួលស្គាល់ថានៅមានបញ្ហាចាក់ស្រេះចោទឡើងជាសំណួរជាច្រើនដែលត្រូវបកស្រាយ។
គ្រួសារជនរងគ្រោះបាននិយាយនៅក្នុងសេចក្តីថ្លែងការណ៍រួមមួយកាលពីថ្ងៃសុក្រថា “យុត្តិធម៌ត្រូវបានលើកស្ទួយ ហើយគិលានុបដ្ឋាយិកាដែលមើលថែទារករបស់យើងត្រូវបានគេរកឃើញថាមានកំហុសក្នុងការធ្វើទុក្ខបុកម្នេញលើទារកទាំងនោះ” ។
សេចក្តីថ្លែងការណ៍បានបន្ថែមថា៖ “ ការស្វែងរកយុត្តិធម៌នេះគឺដើម្បីលុបបំបាត់ការឈឺចាប់ កំហឹង និងទុក្ខសោកដែលយើងទាំងអស់គ្នាកំពុងតែជួបប្រទះ” ។
“យើងខ្លោចផ្សាក្នុងចិត្តនិងមានអារម្មណ៍ថាស្ពឹកស្រពន់យ៉ាងខ្លាំង”។
Letby នឹងត្រូវទទទួលការផ្តន្ទាទោសដោយតុលាការ Manchester Crown នៅថ្ងៃទី ២១ ខែសីហានេះហើយ៕
ប្រភព៖ CNN