ប្រែសម្រួល៖រតនា
អាជ្ញាធររុស្ស៊ីបាននិយាយថា កាំជ្រួចរបស់អ៊ុយក្រែន ត្រូវបានបាញ់ទម្លាក់ពីលើស្ពានតភ្ជាប់តំបន់គ្រីមេ ដែលគ្រប់គ្រងដោយរុស្ស៊ី ទៅដីគោក។
ស្ពាន Kerch បានរងការវាយប្រហារម្តងហើយម្តងទៀតក្នុងអំឡុងពេលជម្លោះ។
“កាំជ្រួចសត្រូវចំនួនពីរត្រូវបានបាញ់ទម្លាក់ដោយកងកម្លាំងការពារដែនអាកាសនៅជិតច្រកសមុទ្រ Kerch ។ ស្ពាន Crimean មិនត្រូវបានរងការខូចខាតទេ” មន្រ្តីតែងតាំងរបស់រុស្ស៊ីនៅ Crimea លោក Sergey Aksyonov បាននិយាយ។
រូបថតនិងវីដេអូដែលផ្សព្វផ្សាយនៅលើបណ្តាញសង្គមបានបង្ហាញពីផ្សែងពណ៌សហុយចេញពីស្ពាន។ CNN មិនបានផ្ទៀងផ្ទាត់ដោយឯករាជ្យនូវរូបភាពទាំងនោះទេ។
ក្រុមមន្ត្រីបាននិយាយថា ចរាចរណ៍នៅលើស្ពានត្រូវបានបិទជាបណ្តោះអាសន្ន បន្ទាប់ពីមានការប៉ុនប៉ងវាយប្រហារ។
បរិបទខ្លះ៖ ស្ពាន Crimea គឺជាសរសៃឈាមដ៏សំខាន់សម្រាប់ផ្គត់ផ្គង់សង្រ្គាមរបស់រុស្ស៊ីលើអ៊ុយក្រែន ដែលអនុញ្ញាតឱ្យមនុស្ស និងទំនិញហូរចូលទឹកដីអ៊ុយក្រែន ដែលទីក្រុងម៉ូស្គូបានកាន់កាប់នៅភាគខាងត្បូង និងខាងកើតនៃប្រទេស។
ត្រូវបានគេស្គាល់ផងដែរថាជាស្ពាន Kerch ដែលមានតម្លៃផ្ទាល់ខ្លួនសម្រាប់ប្រធានាធិបតីរុស្ស៊ីលោក Vladimir Putin ។ នៅក្នុងនិទានរឿងរបស់វិមានក្រឹមឡាំងវាជាការ សម្គាល់ “ការបង្រួបបង្រួម” នៃគ្រីមៀជាមួយដីគោករុស្ស៊ី។
កាលពីខែតុលា ស្ពាននេះត្រូវបានបំផ្លាញមួយផ្នែក នៅពេលដែលមានការបំ ផ្ទុះ និងខូចខាតផ្នែកធំនៃផ្លូវ។ វិមានក្រឹមឡាំងបានស្តីបន្ទោសទីក្រុង Kyiv យ៉ាងរហ័សចំពោះការផ្ទុះនោះ ហើយលោកពូទីនបានចោទប្រកាន់ថា វាគឺជាសកម្មភាពនៃ “ការបំផ្លិចបំផ្លាញ” ដោយសេវាសន្តិសុខអ៊ុយក្រែន។ស្ពាននេះក៏ត្រូវរងការវាយប្រហារពីរលើកកាលពីខែកក្កដា ក្នុងការវាយប្រហារមួយដែលមន្ត្រីសន្តិសុខអ៊ុយក្រែនបានប្រាប់ CNN ថាទីក្រុងKyiv ជាអ្នកទទួលខុសត្រូវ៕