ប្រែសម្រួល៖សហការី
ដោយសារងនូវការឈ្លានពានពីសំណាកប្រទេសរុស្ស៊ី អ៊ុយក្រែនបានដកផ្លាកសញ្ញាសម័យសូវៀតចេញពីវិមានMotherlandក្នុងទីក្រុងគៀវដោយយកនិមិត្តសញ្ញាត្រីកោណដាក់ជំនួសដើម្បីបញ្ជាក់នូវអត្តសញ្ញាណវប្បធម៌ជាតិរបស់ខ្លួនឡើងវិញ។
ទីក្រុង Kyiv កាលពីសប្តាហ៍មុនបានយកនិមិត្តសញ្ញាត្រីកោណជំនួសរូបសំណាកញញួរនិងកន្តៀវ សម័យសហភាពសូវៀតចេញពីវិមាន Motherlandក្នុងទីក្រុង Kyiv ។
ក្រសួងវប្បធម៌អ៊ុយក្រែនបានថ្លែងថា “យើងជឿជាក់ថាការផ្លាស់ប្តូរនេះនឹងក្លាយជាការចាប់ផ្តើមនៃដំណាក់កាលថ្មីមួយនៃការរស់ឡើងវិញនូវវប្បធម៌ និងអត្តសញ្ញាណជាតិរបស់យើង។ យោងតាមក្រសួងវប្បធម៌បានឱ្យដឹងថា កិច្ចប្រតិបត្តិការអស់ពេលជាងមួយសប្តាហ៍ដើម្បីរុះរើផ្លាកសញ្ញារុស្ស៊ីត្រូវបានបញ្ចប់នៅថ្ងៃទី ៦ ខែសីហា។
នៅលើវិមានMotherlandក្នុងទីក្រុងគៀវនេះមានរូបសំណាកកម្ពស់ ១០២ ម៉ែត្រធ្វើពីដែកដែលគេបានសាងសង់វានៅក្នុងឆ្នាំ ១៩៧៩ គឺជារូបស្ត្រីមានកាន់ដាវ និងខែលដែលមានញញួរ និងនិមិត្តសញ្ញារបស់រុស្សី។ ក្រសួងការបរទេសរុស្ស៊ីបានថ្លែងកាលពីថ្ងៃអាទិត្យថានិមិត្តសញ្ញាស្រ្តីតំណាងឱ្យមាតាពិភពលោកគឺ ” មិនអាចប្តូរឈ្មោះបាននោះទេ” ។
អ្នកនាំពាក្យរបស់ក្រសួងការបរទេសរុស្ស៊ី លោកស្រី Maria Zakharova បានបង្ហោះសារនៅលើ Telegram ថា “នៅទីក្រុងគៀវមានរូបសំណាកមួយត្រូវបានកសាងឡើងនៅលើវិមានដ៏ស្កឹមស្កៃ នៃ “មាតុភូមិយើង” ។ យុទ្ធនាការរបស់រដ្ឋាភិបាលអ៊ុយក្រែនដើម្បីប្តូរឈ្មោះអន្តរជាតិពីរុស្ស៊ី Kiev ទៅ Kiev អ៊ុយក្រែន គឺជាផ្នែកមួយនៃកិច្ចខិតខំប្រឹងប្រែងមុនសង្រ្គាម ដោយរដ្ឋាភិបាលអ៊ុយក្រែន ដើម្បីកម្ចាត់ឈ្មោះចាស់របស់សូវៀត និងបង្កើតអត្តសញ្ញាណជាតិរបស់ខ្លួនឱ្យកាន់តែរឹងមាំឡើង។
បំណងប្រាថ្នារបស់លោកពូទីនក្នុងការធ្វើឱ្យខូចអត្តសញ្ញាណជាតិនិងភាពស្វ័យភាពរបស់អ៊ុយក្រែននៅតែជាកត្តាសំខាន់ក្នុងសង្គ្រាមនេះ។
នៅក្នុងខែកុម្ភៈឆ្នាំ ២០២២ ជាពេលដែលវិមានក្រឹមឡាំងបានចាប់ផ្តើមការលុកលុយរបស់ខ្លួនចូលទៅក្នុងទឹកដីអ៊ុយក្រែនដែលលោកពូទីនបានដាក់គោលដៅមិនឱ្យអ៊ុយក្រែនមានសិទ្ធិជារដ្ឋឯករាជ្យហើយបានវាយយកតំបន់ភាគខាងកើតរបស់ប្រទេសអ៊ុយក្រែនជា “ទឹកដីរុស្ស៊ីកាលពីសម័យបុរាណ” ។
ការបាញ់ផ្លោងរបស់ទីក្រុងមូស្គូបានបំផ្លាញទីតាំងស្ថាបត្យកម្មសំខាន់ៗក្នុងប្រទេសអ៊ុយក្រែនកាលពីឆ្នាំមុននៅកណ្តាលទីក្រុងប្រវត្តិសាស្ត្រ Odesa ដែលអង្គការយូណេស្កូបានកំណត់ជាតំបន់បេតិកភណ្ឌពិភពលោក។
ការអះអាង ជាអត្តសញ្ញាណជាតិ
ទីក្រុង Kyiv មានការផ្លាស់ប្តូរជាច្រើននៅក្នុងប៉ុន្មានឆ្នាំចុងក្រោយនេះ។ ស្ពាន Moscow ដែលមានប្រវែង ៨១៦ ម៉ែត្រឆ្លងកាត់ទន្លេ Dnieper ត្រូវបានប្តូរឈ្មោះក្នុងឆ្នាំ ២០១៨ ជាស្ពានភាគខាងជើង។
អគារបួនជ្រុងដែលធ្លាប់បានប្រារព្ធពិធីរដ្ឋបុរសសូវៀត Andrei Ivanov ត្រូវបានផ្តូរទៅជាទីលាន Latvian តាំងពីឆ្នាំ ២០១៨ ។ ផ្លាហ្សារាងត្រីកោណត្រូវបានដាក់នៅចន្លោះផ្លូវ Butyshiv និងផ្លូវ Omelyanovich-Pavlenko ដែលពីមុនត្រូវបានគេស្គាល់ថាជាផ្លូវ Andriy Ivanov និងផ្លូវ Susorov Suvorov ។
ទង់ជាតិអ៊ុយក្រែនត្រូវបានបង្ហូតឡើងពាសពេញទីក្រុង ដោយមានផ្កាយពណ៌ក្រហមនៅលើសណ្ឋាគារដ៏ល្បីរបស់អ៊ុយក្រែនត្រូវបានលាបពណ៌ខៀវ និងលឿងជាជំនួសវិញ។
ផ្លូវប្រវែងមួយម៉ាយដែលលាតសន្ធឹងកាត់សង្កាត់មួយក្នុងទីក្រុង Kyiv ធ្លាប់ត្រូវបានគេស្គាល់ថាជាផ្លូវ Ivan Kudrya។ ត្រូវបានប្តូរឈ្មោះទៅជា John McCain Street ជាកិត្តិយសដល់អតីតបេក្ខជនប្រធានាធិបតីអាមេរិកនៅក្នុងឆ្នាំ ២០១៩ ។
លោក Andreyi Pobigay បុគ្គលិកយូរឆ្នាំនៃហាងលក់សម្ភារផ្ទះបាយនៅផ្លូវ John McCain បានប្រាប់ CNN ក្នុងខែកុម្ភៈឆ្នាំ ២០២២ ថា “មនុស្សជាច្រើនបានយល់ព្រមលើការផ្លាស់ប្តូរនេះ” ។
“វាជារឿងល្អ។ Kudryn កំពុងតែលប់បំបាត់ព្រះវិហារ និងវត្ថុប្រវត្តិសាស្ត្ររបស់យើង លោក McCain បានជួយយើង។
លោក McCain បានយកឈ្នះបេះដូងប្រជាជនអ៊ុយក្រែន នៅពេលដែលគាត់បានធ្វើដំណើរទៅកាន់ទីក្រុង Kyiv នៅចុងឆ្នាំ ២០១៣ ដោយបានជួបមេដឹកនាំប្រឆាំង និងថែមទាំងបានទៅទស្សនាទីលាន Maidan ដែលជាកន្លែងតវ៉ាប្រឆាំងរដ្ឋាភិបាលផ្តាច់ការរបស់អ៊ុយក្រែនផងដែរ។
ទន្ទឹមនឹងនោះ Kudrya គឺជាចារកម្មសូវៀត និងជាមេដឹកនាំក្រុមបំផ្លិចបំផ្លាញក្នុងទីក្រុង Kyiv កំឡុងសង្គ្រាមលោកលើកទីពីរ។ នៅពេលដែលក្រុមប្រឹក្សាក្រុង Kyiv បានប្រកាសពីការប្តូរឈ្មោះផ្លូវនេះ គាត់បាននិយាយថា ភារកិច្ចចម្បងរបស់គាត់គឺ “ប្រយុទ្ធប្រឆាំងនឹងអ្នកជាតិនិយមអ៊ុយក្រែន” ។
“លោក McCain គឺជាអ្នកដែលបាននិយាយទៅកាន់សមាជិកព្រឹទ្ធសភាអាមេរិក និងរដ្ឋាភិបាលសហរដ្ឋអាមេរិក ដូច្នេះហើយទើបរដ្ឋាភិបាលសហរដ្ឋអាមេរិកបានបញ្ជូនជំនួយទៅអ៊ុយក្រែនទន្ទឹមនឹងនោះ រុស្ស៊ី ដែលជាប្រទេសបងប្អូនរបស់យើង ឥឡូវនេះគឺជាអ្នកឈ្លានពានយើង។ ដូច្នេះខ្ញុំគិតថាវាជារឿងត្រឹមត្រូវសម្រាប់ការផ្តូរឈ្មោះទាំងនេះ” លោក Pobigay បានបន្ថែមដូច្នេះ៕