ដោយ ៖សិរីមតី
ភ្នំពេញ៖ វេទិកាជំនួបសាជីវកម្មទេសចរណ៏កម្ពុជា-ម៉ាឡេស៊ី បានត្រូវបើកធ្វើឡើងកាលពីព្រឹកថ្ងៃទី៨ខែសីហាឆ្នាំ២០២៣ នៅរាជធានីភ្នំពេញ ហើយវេទិកាដូចគ្នានេះដែរនឹងប្រារព្ធធ្វើនៅខេត្តសៀមរាបនាថ្ងៃទី១០ខែសីហាក្នុងគោលបំណងជំរុញកិច្ចសហប្រតិបតិ្តការវិស័យទេសចរណ៍រវាងប្រទេសទាំងពីរ ក៏ដូចជាបង្កើនចំនួនទេសចរទៅវិញទៅមក។
![](https://cambodiaflashnews.com/wp-content/uploads/2021/06/top-banner.gif)
ក្នុងកិច្ចខិតខំប្រឹងប្រែងផ្សព្វផ្សាយផលិតផលនិងកញ្ចប់ទេសចរណ៏របស់ប្រទេសម៉ាឡេស៊ី ក្រុមប្រឹក្សាផ្សព្វផ្សាយទេសចរណ៍ម៉ាឡេស៊ី បានរៀបចំកម្មវិធីសិក្ខាសាលា ទេសចរណ៍ម៉ាឡេស៊ី នៅរាជធានីភ្នំពេញ ថ្ងៃទី ៨ខែសីហា និងខេត្តសៀមរាប នៅថ្ងៃទី១០ខែសីហា ឆ្នាំ២០២៣។ កម្មវិធីសិក្ខាសាលាទាំងនេះបានប្រមូលផ្ដុំទៅដោយការណាត់ជួបរវាងសាជីវកម្មទេសចរណ៏កម្ពុជា-ម៉ាឡេស៊ី (B2B) រួមទាំងការពិសារអាហារថ្ងៃត្រង់ចងជាសក្ខីភាព រវាងភ្នាក់ងារទេសចរណ៍ តំណាងសណ្ឋាគារ រមណីយដ្ឋាន និងម្ចាស់ផលិតផលមកពីប្រទេសទាំងពីរផងដែរ។
សិក្ខាសាលាបានការចូលរួមពីក្រុមហ៊ុនឧស្សាហកម្មទេសចរណ៍ធំៗពីប្រទេសម៉ាឡេស៊ី ចំនួន ១៤ដែលក្នុងនោះមានក្រុមហ៊ុនអាកាសចរណ៍ចំនួនមក ពីប្រទេសកម្ពុជាមាន Hot Malaysia Airlines, AirAsia, Lanmei Airlines Cambodia, AnCasa Hotels & Resorts, Grand Ion Delemen Hotel Genting Highlands, Holiday Inn Express & Suites Johor Bahru, ibis Hotel Kuala Lumpur City Centre, Mercure Kuala Lumpur Shaw Parade, Asia Delight Tours & Travel, Columbia Leisure, E Like Travel & Tours, GIT Tours & Travels, Harvest Vacations និង Marine Discovery Holidays។សិក្ខាសាលាដ៏ធំនេះបានស្វាគមន៍ភ្នាក់ងារ ទេសចរណ៍កម្ពុជាចំនួន ៦៣ក៏ដូចជាប្រព័ន្ធផ្សព្វផ្សាយពត៌មានក្នុងស្រុក និងភ្នាក់ងារទេសចរណ៍កម្ពុជា។
កម្មវិធីនេះបានចូលរួមជាពិសេសដោយ ឯកអគ្គរាជទូតម៉ាឡេស៊ីប្រចាំកម្ពុជា H.E. Datuk Eldee Husaini Mohd Hashim និងលោកស្រីឆាយ ស៊ីវលីន ប្រធានសមាគមភ្នាក់ងារទេសចរណ៍កម្ពុជា (CATA) អញ្ជើញចូលរួមជាភ្ញៀវកិត្តិយស។
ឯកអគ្គរាជទូតម៉ាឡេស៊ីប្រចាំកម្ពុជា លោក Datuk Eldeen Husaini បានថ្លែងនៅក្នុងកម្មវិធីសិក្ខាសាលានាព្រឹកថ្ងៃទី៨ខែ សីហានាសណ្ឋាគារណាហ្គាវើល១ ថា:«យើងនឹងទន្ទឹងរង់ចាំដោយស្មោះនិងធ្វើការយ៉ាងជិតស្និទ្ធជាមួយភ្នាក់ងារទេសចរណ៍ក្នុងស្រុកនៅទីនេះក្នុងប្រទេសកម្ពុជា” ។
លោកបានបញ្ជាក់ថា៖គិតត្រឹមឆ្នាំ ២០២៤ប្រទេសម៉ាឡេស៊ីបានកំណត់គោលដៅរបស់ខ្លួនក្នុងការមក ដល់នៃភ្ញៀវទេសចរអន្តរជាតិចំនួន ជាង១៦លាននាក់ ជាមួយនឹងប្រាក់ចំណូលពីទេសចរណ៍ចំនួន ៤៩.២ ពាន់លាន រីងហ្គីត(RM) “។
លោកស្រីឆាយ ស៊ីវលី ន ប្រធានសមាគមភ្នាក់ងារទេសចរណ៍កម្ពុជា (CATA) បានថ្លែងថា៖វេទិកាភ្ជាប់បណ្តាញវិស័យទេសចរណ៍នេះ ជាព្រឹត្តិការណ៍ថ្មីមួយទៀតដ់ម្បីពង្រឹងកិច្ចសហប្រតិបត្តិការរវាងកម្ពុជា និងម៉ាឡេស៊ីនៅក្នុងឧស្សាហកម្មទេសចរណ៍។ជំនួបនេះដើរតួនាទីយ៉ាងសំខាន់ក្នុងការផ្តល់ឱកាសដ៏អស្ចារ្យធ្វើឱ្យកិច្ចសហការកាន់តែជិតស្និទ្ធនិងការយោគយល់គ្នាក្នុងចំណោមអ្នកប្រកបរបរទទួលទានលើវិស័យទេសចរណ៍។
លោកស្រី ឆាយ ស៊ីវលីន បានបញ្ជាក់ឱ្យដឹងថា៖ ម៉ាឡេស៊ី តែងតែជាជម្រើសTop 4 សម្រាប់ប្រជាជនកម្ពុជា សម្រាប់ការធ្វើដំណើរក្នុងគោលបំណងផ្សេងៗដូចជា សម្រាកលំហែ ក្រេបទឹកឃ្មុំ ពិនិត្យសុខភាព និងជំនួញ។
លោកស្រី Zalina Ahmad អនុប្រធាននាយកដ្ឋានផ្សព្វផ្សាយអន្តរជាតិ – អាស៊ីអាគ្នេយ៍ក្រុមប្រឹក្សាផ្សព្វផ្សាយទេសចរណ៍ម៉ាឡេស៊ី និងជាដឹកនាំអ្នកចូលរួមមកពីប្រទេសម៉ាឡេស៊ីក៏បានសម្តែងការកោតសរសើរចំពោះការគាំទ្រជាបន្តបន្ទាប់របស់ភ្នាក់ងារទេសចរណ៍ក្នុងស្រុកក្នុងការលើកកម្ពស់ប្រទេសម៉ាឡេស៊ី។
ជាមួយគ្នានេះដែរ លោកស្រី ពត រ៉ានី ប្រធានផ្នែកទីផ្សារនៃក្រុមប្រឹក្សាផ្សព្វផ្សាយទេសចរណ៍ម៉ាឡេស៊ីនៅកម្ពុជាក៏បានជូនពរឱ្យកម្មវិធី នេះទទួលបានជោគជ័យផងដែរ។
លោកស្រី បានមានប្រសាសន៍ថា:៖ «ពួកយើងនឹងផ្តល់ជាកម្លាំងចិត្តចាំជំរុញនិងគាំទ្រគំនិតផ្តួចផ្ដើមកញ្ចប់ទេសចរណ៍ថ្មីៗដើម្បីនាំភ្ញៀវទេសចរកម្ពុជាឱ្យកាន់តែច្រើនទៅកាន់ប្រទេសម៉ាឡេស៊ី។ យើងសង្ឃឹមថានឹងជំរុញទឹកចិត្តដៃគូពាណិជ្ជកម្មទេសចរណ៍របស់យើងឱ្យផ្សព្វផ្សាយវិស័យទេសចរណ៏ម៉ាឡេស៊ីប្រកបដោយទំនុកចិត្ត ដើម្បីជាលទ្ធផលជោគជ័យនៅកម្ពុជាវិញ» ។
លោកស្រី រ៉ានី ក៏បានលើកឡើងនូវព័ត៍មានដ៏អស្ចារ្យនៃជើងហោះហើរត្រង់ពីកម្ពុជាទៅកាន់ទីក្រុងគូឡាឡាំពួដែលនឹងត្រូវបានផ្ដល់ជូន បន្ថែមទៀតពីក្រុមហ៊ុនអាកាសចរណ៍ម៉ាឡេស៊ី Malaysia Airlinesក៏ដូចជាក្រុមហ៊ុនអាកាសចរណ៍ក្នុងស្រុកនាពេលខាងមុខនេះសម្រាប់ជម្រើសនៃទិសដៅ និងកញ្ចប់ដំណើរកម្សាន្តទៅកាន់ប្រទេសម៉ាឡេស៊ីហើយក៏ដើម្បីធានាថាការិយាល័យក្រុមប្រឹក្សាផ្សព្វផ្សាយទេសចរណ៍ម៉ាឡេស៊ីរបស់យើងនៅភ្នំពេញនឹងជួយជំរុញនិងគាំទ្រគំនិតផ្ដួចផ្ដើមកញ្ចប់ទេសចរណ៍ថ្មីៗ ដើម្បីនាំភ្ញៀវទេសចរកម្ពុជាអោយកាន់តែច្រើនទៅទស្សនាប្រទេសម៉ាឡេស៊ី។
ក្នុងឆ្នាំ២០១៩ម៉ាឡេស៊ីបានស្វាគមការមកដល់របស់ទេសចរណ៍ពីកម្ពុជាចំនួន ៩៧,០៩៧ នាក់។ ភ្ញៀវទេសចរកម្ពុជាចំនួន ៣៩,៨២៣ នាក់ត្រូវបានកត់ត្រាទៅកាន់ប្រទេសម៉ាឡេស៊ី បន្ទាប់ ពីការបើកព្រំដែនអន្តរជាតិរបស់ម៉ាឡេស៊ីឡើងវិញក្នុងខែមេសា ឆ្នាំ២០២២។
គួរជម្រាបថា:ក្រុមប្រឹក្សាផ្សព្វផ្សាយទេសចរណ៍ម៉ាឡេស៊ីត្រូវបានគេស្គាល់ផងដែរថាជាTourism Malaysia គឺជាទីភ្នាក់ងារមួយនៅ ក្រោមក្រសួងទេសចរណ៍សិល្បៈនិងវប្បធម៌ម៉ឡេស៊ី។ផ្តោតសំខាន់លើការផ្សព្វផ្សាយម៉ាឡេស៊ីដើម្បីជាគោលដៅទេសចរណ៍ដែលគួរជាទីពេញចិត្ត និងជាតួអង្គសំខាន់នៅក្នុងវិស័យទេសចរណ៍អន្តរជាតិចាប់តាំងពីបង្កើត ឡើងមក៕