ដោយ៖រតនា
![](https://cambodiaflashnews.com/wp-content/uploads/2021/06/top-banner.gif)
នៅទីបំផុតក្រុមកាំភ្លើងធំArsenalបានសងសឹកបានសម្រេចហើយខណៈបានយកឈ្នះម្ចាស់ជើងឯកពានរង្វាន់Premier Leagueរដូវកាលមុនឈានទៅលើកពាន Community Shieldក្រោយពីមិនបានទទួលវាអស់ជាច្រើនឆ្នាំមកនោះ។
នៅក្នុងការប្រកួតដ៏អស្ចារ្យរវាងArsenalនិងMan Cityដែលបានធ្វើឡើងនៅកីឡដ្ឋាន Wembley ប្រទេសអង់គ្លេសកាលពីម៉ោង១០យប់ថ្ងៃអាទិត្យម៉ោងនៅកម្ពុជានោះ ក្រុមកាំភ្លើងArsenalបានយកឈ្នះMan Cityក្នុងលទ្ធផល៤ទល់នឹង១។ ក្រុមArsenalបានអបអរសាទរចំពោះពានCommunity Shieldជាពានដ៏ចំណាស់មួយដែលគេបានបង្កើតឡើងនៅប្រទេសអង់គ្លេស។
ក្នុងការប្រកួតយប់ថ្ងៃអាទិត្យដែលជាការប្រកួតបើកឆាកមុនរដូវកាលPremier Leagueនេះគេបានសង្កេតឃើញក្រុមកាំភ្លើងធំបានបញ្ចេញនូវទំរង់លេងដ៏ល្អឥតខ្ចោះជាមួយនឹងក្រុមមេឃខៀវMan Cityក្នុងលទ្ធផល១ទល់១ក្នុង៩០នាទី។ប៉ុន្តែក្រុមArsenalបានយកឈ្នះគ្រាប់បាល់ប៉េណាល់ទី៤ទល់១។
ប៉ុន្តែបើទោះជាយ៉ាងណាក៏ដោយផ្លូវដែលក្រុមកាំភ្លើងធំArsenalត្រូវធ្វើដំណើរដើម្បីឈានទៅដណ្តើមយកពានPremier Leagueសម្រាប់រដូវកាលនេះគឺនៅវែងឆ្ងាយណាស់។ពួកគេមិនអាចនឹងភ្លេចខ្លួនរីករាយជាមួយតែនឹងពានCommunity Shieldហើយធ្វេសប្រហែសចំពោះពានផ្សេងបាននោះទេ។
សូមរំលឹកដែរថា ក្រុមកាំភ្លើងធំ Arsenal ធ្លាប់បាននាំមុខតារាង Premier League រយៈពេល 248 ថ្ងៃឯណោះកាលពីរដូវកាលឆ្នាំ2022-23 ដែលជាចំនួនច្រើនបំផុតសម្រាប់ក្រុមដែលបរាជ័យក្នុងការឈ្នះពានក្នុងប្រវត្តិសាស្ត្រលីគកំពូលរបស់អង់គ្លេស។
ប៉ុន្តែសេចក្តីស្រមៃក្នុងការប្រជែងយកពាន Premier League រដូវកាលមុនរបស់ពួកគេបានរសាត់បាត់ទៅវិញបន្តិចម្តងៗខណៈដែល Manchester City បានបញ្ចប់ក្នុងទម្រង់លេងដ៏រឹងមាំ ធ្វើឲ្យកាំភ្លើងធំArsenalទទួលរងនូវការបរាជ័យយ៉ាងឈឺចាប់បំផុតទាំងខ្លួនឯងនិងអ្នកគាំទ្រដ៏ងប់ងល់មិននឹកស្មានដល់៕