ដោយ៖រតនា
ក្រុមArsenal បានប្តេជ្ញាចិត្តថាពួកគេនឹងត្រូវតែប្រជែងជាមួយMan City ម្តងទៀតដើម្បីឈ្នះពានPremier Leagueនៅពេលដែលក្រុមទាំងពីរនឹងជួបគ្នាក្នុងការប្រកួត Community Shield នៅកីឡដ្ឋាន Wembley នៅ១០យប់ថ្ងៃអាទិត្យម៉ោងនៅកម្ពុជា។
សូមរំលឹកថា Arsenal ធ្លាប់បានដឹកនាំតារាង Premier League រយៈពេល 248 ថ្ងៃក្នុងរដូវកាលឆ្នាំ2022-23 ដែលជាចំនួនច្រើនបំផុតសម្រាប់ក្រុមដែលបរាជ័យក្នុងការឈ្នះពានក្នុងប្រវត្តិសាស្ត្រលីគកំពូលរបស់អង់គ្លេស។
ប៉ុន្តែសេចក្តីស្រមៃក្នុងការប្រជែងរបស់ពួកគេបានរសាត់បន្តិចម្តងៗបាត់ទៅខណៈដែល Manchester City បានបញ្ចប់ក្នុងទម្រង់លេងដ៏រឹងមាំ នៅពេលដែលការរងរបួស និងភាពនឿយហត់បានធ្វើឱ្យក្រុមកាំភ្លើងធំទទួលរងនូវការបរាជ័យដែលមិននឹកស្មានដល់។
អ្នកគាំទ្រនឹងចង់ឃើញយ៉ាងអន្ទះសាពីការផ្លាស់ប្តូរដ៏ធំមួយចំនួនក្នុងទីផ្សារដោះដូរកីឡាករនៅរដូវក្តៅដើម្បីធ្វើឲ្យវាប្រាកដថា ការប្រជែងមិនមែនជាការសម្រេចបានម្តងទេ ហើយពួកគេពិតជាបានធ្វើបែបនោះ។
ខ្សែបម្រើសញ្ជាតិអង់គ្លេស Declan Rice គឺជាកីឡាករដ៏លេចធ្លោមួយរូបសម្រាប់ក្រុម Arsenal ដោយបានទិញមកពីក្លិប West Ham ក្នុងតម្លៃ 100 លានផោន។
ការមកដល់របស់គាត់បានធ្វើឡើងបន្ទាប់ពីការជ្រើសរើសកីឡាករអន្តរជាតិអាឡឺម៉ង់ Kai Havertz ពី Chelsea ក្នុងកិច្ចព្រមព្រៀងតម្លៃ 65 លានផោន និងខ្សែការពារសញ្ជាតិហូឡង់ Jurrien Timber ពី Ajax សម្រាប់តម្លៃដែលអាចកើនឡើងដល់ 38.5 លានផោន។
- សត្រូវស្លាប់រស់
មកដល់ស្របពេលជាមួយគ្នានេះ Manchester Cityដែលជាគូសត្រូវស្លាប់រស់ក្នុងការដណ្តើមជ័យជំនះនោះ បានបង្កើតការចុះហត្ថលេខាដ៏សំខាន់ចំនួនពីរមកទល់ពេលនេះជាមួយនឹងខ្សែបម្រើសញ្ជាតិក្រូអាត Mateo Kovacic ពី Chelsea ក្នុងតម្លៃដំបូង 25 លានផោន និងមិត្តរួមក្រុមអន្តរជាតិរបស់គាត់គឺខ្សែការពារ Josko Gvardiol ចូលរួមក្នុងតម្លៃ 77 លានផោនពី RB Leipzig ។
Man City បានបញ្ចប់ 5 ពិន្ទុដាច់ពីក្រុម Arsenal កាលពីរដូវកាលមុន ដូច្នេះតម្រូវការក្នុងការពង្រឹងគឺមានសម្ពាធតិចជាងសម្រាប់ក្រុមកាំភ្លើងធំ ទោះបីជាពួកគេបានបាត់បង់ប្រធានក្រុម Ilkay Gundogan ក៏ដោយ។
ខ្សែបម្រើរូបនេះបានដើរតួយ៉ាងសំខាន់ក្នុងការឈ្នះ Treble របស់ Man City ដោយស៊ុតបញ្ចូលទីបាន 11 គ្រាប់ក្នុង 52 ប្រកួត ហើយទោះបីជាគាត់ត្រូវបានផ្តល់ជូនកិច្ចសន្យាថ្មីនៅ Etihad Stadium ប៉ុន្តែគាត់បានជ្រើសរើសចូលរួមជាមួយ Barcelonaបាត់ទៅហើយ៕