ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
លោក Volodymyr Zelensky ប្រធានាធិបតីប្រទេសអ៊ុយក្រែន បានថ្លែងបញ្ជាក់ថាអ៊ុយក្រែនបានវាយបកមកលើរុស្ស៊ីវិញនៅក្នុងរយៈពេលប៉ុន្មានម៉ោងក្រោយពីវិមានក្រឹមឡាំងបានធ្វើការចោទប្រកាន់ថាអ៊ុយក្រែនបានកំណត់យកទីក្រុងមូស្គូជាគោលដៅវាយប្រហារចុងក្រោយបង្អស់ដោយយន្តហោះដ្រូន។
ក្រសួងការពារជាតិរុស្ស៊ីបានថ្លែងកាលពីថ្ងៃអាទិត្យថាមានការវាយប្រហារដោយយន្តហោះគ្មានមនុស្សបើកចំនួនបីគ្រឿងមកលើទីតាំងអាជីវកម្មនិងផ្សារទំនើបមួយនៅភាគខាងលិចនៃរដ្ឋធានីបន្ទាប់មកយន្តហោះដ្រូនទាំងនោះត្រូវបានស្ទាក់ចាប់និងកំទេចចោល។
ភ្នាក់ងារសារព័ត៌មានរដ្ឋរុស្សី TASS បានរាយការណ៍ថាអគារកម្ពស់ ៥០ ជាន់បានរងការខូចខាតនៅជាន់ទីប្រាំ និងទីប្រាំមួយតែមិនមានអ្នកស្លាប់និងរបួសត្រូវបានគេរាយការណ៍នោះទេ។
យោងតាមវីដេអូខ្លីបបានបង្ហាញពីបំណែកបាក់បែកនៃអគារនិងសកមហ្មភាពសេវាសង្គ្រោះបន្ទាន់នៅកន្លែងកើតហេតុ។
លោក Zelensky បានបញ្ជាក់នៅក្នុងសុន្ទរកថាប្រចាំថ្ងៃថា “អ៊ុយក្រែនកាន់តែរឹងមាំហើយសង្រ្គាមមួយនេះកំពុងបក់បោកទៅលើទឹកដីរុស្ស៊ីវិញជាបណ្តើរៗហើយដូចជាកាវាយបហារលើទីតាំងមជ្ឈមណ្ឌលខ្សែសង្វាក់ទំនាក់ទំនងតាមអិនធើណិតនិងមូលដ្ឋានកងទ័ពរុស្សី” ។ “នេះគឺជៀសមិនរួចនោះទេវាគឺជាច្បាប់ធម្មជាតិដែលនិងផ្តល់នូវយុត្តិធម៌ដ៏ពិតប្រាកដមួយសម្រាប់យើង”។
អ្នកនាំពាក្យរបស់កងទ័ពអាកាសអ៊ុយក្រែនបាននិយាយថា ការវាយប្រហារដោយយន្តហោះគ្មានមនុស្សបើកចុងក្រោយបង្អស់លើទីក្រុងមូស្គូគឺចង់ឲ្យប្រជាជនរុស្ស៊ីដែលតែងតែមានអារម្មណ៍ថាសង្រ្គាមនៅឆ្ងាយពីប្រទេសខ្លួនថាចាប់តាំងពីវិមានក្រឹមឡាំងបានឈ្លានពានអ៊ុយក្រែននៅក្នុងខែកុម្ភៈឆ្នាំ ២០២២នោះឥឡូននេះសង្រ្គាមមិននៅឆ្ងាយទៀតនោះទេ។
អ្នកនាំពាក្យ Yurii Ihnat បាននិយាយតាមទូរទស្សន៍រដ្ឋរបស់អ៊ុយក្រែនថា “យើងតែងតែប្រើប្រាស់ដ្រូនឲ្យហោះហើរវាយប្រហារលើទឹកដីរុស្ស៊ីជាពិសេសលើទីក្រុងមូស្គូ។ ឥឡូវនេះសង្រ្គាមកំពុងផ្ទុះឡើងនៅក្នុងទឹកដីរុស្សីជាហេតុធ្វើឲ្យប្រជាជនរុស្ស៊ីដែលតែងតែមានអារម្មណ៍ថាមិនដែលមិនខ្វល់ខ្វាយនោះមានអារម្មណ៍រំជើបរំជួលយ៉ាងខ្លាំង” ។
“ទោះជាអាជ្ញាធររុស្ស៊ីចង់បិទភ្នែកលើរឿងនេះដោយគ្រាន់តែលើកឡើងថាពួកគេបានស្ទាក់ចាប់នឹងកំទេចចោលទាំងអស់ហើយមិនមានការខូចខាតអ្វីក៏ដោយ” ។
យោធាអ៊ុយក្រែនបាននិងកំពុងប្រើប្រាស់យន្តហោះគ្មានមនុស្សបើកធ្វើការវាយប្រហារកាន់តែច្រើនឡើងនៅលើទឹកដីរុស្សីជាជាងប្រើវាសម្រាប់ស៊ើបការ។
លោក Mykhailo Fedorov រដ្ឋមន្ត្រីអ៊ុយក្រែនគ្រប់គ្រងក្រសួងលទ្ធកម្មប្រព័ន្ធឌីជីថលរបស់កងទ័ពផ្នែកយន្តហោះគ្មានមនុស្សបើកបាននិយាយថា “នឹងមានការវាយប្រហារដោយយន្តហោះគ្មានមនុស្សបើកបន្ថែមទៀតនៅពេលដែលក្រុង Kyiv បង្កើនការវាយលុកនៅរដូវក្តៅក្នុងគោលបំណងរុញច្រានកងទ័ពរុស្ស៊ីឲ្យចេញពីទឹកដីអ៊ុយក្រែនទាំងអស់។
យោធាអ៊ុយក្រែនបានកំណត់គោលដៅទីក្រុងមូស្គូនៅដើមសប្តាហ៍នេះ។ អ៊ុយក្រែនបានអះអាងទទួលខុសត្រូវចំពោះការវាយប្រហារកាលពីថ្ងៃចន្ទដែលបានបំផ្លាញអគារមិនមែនលំនៅឋានចំនួនពីរ រួមទាំងអគារមួយនៅក្បែរទីស្នាក់ការក្រសួងការពារជាតិ។ រុស្ស៊ីបានហៅឧបទ្ទវហេតុនោះថាជា “ការវាយប្រហារភេរវកម្ម”។
ការវាយប្រហារដោយកាំជ្រួចរបស់រុស្ស៊ីទៅលើទីក្រុង Sumy នៃភាគឦសាននៃប្រទេសអ៊ុយក្រែនកាលពីល្ងាចថ្ងៃសៅរ៍បានសម្លាប់មនុស្សយ៉ាងហោចណាស់ ២ នាក់ដែលជាជនស៊ីវិល និង ២០ នាក់ផ្សេងទៀតរងរបួស ខណៈដែលការវាយប្រហារដោយគ្រាប់រ៉ុក្កែតទៅលើទីក្រុង Zaporizhzhia បានធ្វើឲ្យមនុស្សពីរនាក់ផ្សេងទៀតត្រូវបានស្លាប់។
តំបន់ទាំងពីរនេះបានទទួលរងនូវការទម្លាក់គ្រាប់បែកដ៏សន្ធឹកសន្ធាប់កាលពីចុងសប្តាហ៍។ អាជ្ញាធរអ៊ុយក្រែននៅទីក្រុង Sumy បានថ្លែងឲ្យដឹងថា មានការបាញ់ផ្លោងចំនួន ២៥ លើកក្នុងមួយថ្ងៃក្នុងខណៈពេលដែលមេដឹកនាំយោធានៅ Zaporizhzhia បានបញ្ជាក់ថា កងទ័ពរុស្ស៊ីបានធ្វើការវាយប្រហារចំនួន ៧៧ លើកមកលើទីលំនៅជនស៊ីវិលចំនួន ២០ កន្លែងនៅទូទាំង Zaporizhzhia ដោយបានវាយប្រហារទៅលើអគារលំនៅដ្ឋានចំនួន ៣១ និងលើផ្នែកហេដ្ឋារចនាសម្ព័ន្ធផ្សេងទៀតផងដែរ។
ទោះបីជាមានការវាយប្រហារមកលើទីក្រុងមូស្គូមិនត្រូវបានគេរាយការណ៍អំពីរបួសឬក៏ស្លាប់ក៏ដោយក៏ពួកគេបានធ្វើឲ្យអ្នកស្រុកនៅក្នុងរដ្ឋធានីរុស្ស៊ីមានអារម្នណ៏ភិតភ័យយ៉ាងខ្លាំង។
សាក្សីម្នាក់នៅក្នុងហេតុការវាយប្រហារកាលពីថ្ងៃអាទិត្យកន្លងទៅនេះបានពន្យល់អំពីឧប្បត្តិហេតុកើតឡើងថាដូចជាបានគ្រោងទុកពេលវេលាជាមុន។
នាងបានប្រាប់រ៉យទ័រថា “មិត្តភក្តិរបស់ខ្ញុំ និងខ្ញុំបានជួលផ្ទះល្វែងមួយដើម្បីមករស់នៅទីនេះ ហើយនិងសម្រាកលំហែកាយក្នុងគ្រាណាមួយស្រាប់តែយើងបានឮសំឡេងផ្ទុះយ៉ាងខ្ទរខ្ទារធ្វើឲ្យយើងរន្ធត់និងតក់ស្លុតយ៉ាងខ្លាំងហើយមនុស្សម្នានាំគ្នាបានរត់ចេញពីអគារដោយភិតភ័យបំផុត” ។ “មានផ្សែងជះចេញមកធ្វើឲ្យមើលអ្វីមិនឃើញទាំងអស់នៅជាន់ខាងលើនឹងមានអណ្តាតភ្លើឆាបឆេះយ៉ាងសន្ធោសន្ធៅ។
កាលពីថ្ងៃអាទិត្យយន្តហោះគ្មានមនុស្សបើករបស់អ៊ុយក្រែនក៏បានវាយប្រហារលើគោលដៅឧបទ្វីបគ្រីមៀដែលកាន់កាប់ដោយរុស្ស៊ី។
ក្រសួងការពារជាតិរុស្ស៊ីបានថ្លែងថា ខ្លួនបានស្ទាក់ចាប់នឹងកំទេចយន្តហោះគ្មានមនុស្សបើកចំនួន ២៥ គ្រឿងនៅលើទឹកដីរបស់ខ្លួនដែលទីក្រុងមូស្គូបានបាញ់ទម្លាក់អស់ចំនួន ១៦ គ្រឿងនិងប្រាំបួនគ្រឿងផ្សេងទៀតបានធ្លាក់ចូលទៅក្នុងសមុទ្រខ្មៅ។ មិនមានអ្នករងរបួសឬស្លាប់ត្រូវគេបានរាយការណ៏នោះឡើយ សារពត៍ CNN មិនអាចផ្ទៀងផ្ទាត់ការអះអាងរបស់ក្រសួងការពារជាតិរុស្ស៊ីបានទេ។
កាលពីថ្ងៃសុក្រ រុស្ស៊ីបាននិយាយថា ខ្លួនបានបាញ់ទម្លាក់មីស៊ីលរបស់អ៊ុយក្រែនពីលើទីក្រុង Taganrog ភាគខាងត្បូងរបស់រុស្ស៊ី។ អ៊ុយក្រែនមិនបានធ្វើការបញ្ជាក់លើការវាយប្រហារនោះទេ ដែលជាករណីកម្រមួយដែលអ៊ុយក្រែនជាក់ស្តែងមិនដែលប្រើប្រាស់កាំជ្រួចវាយប្រហារមកលើទឹកដីរុស្ស៊ីនោះទេ៕
ប្រភព៖ CNN