ប្រែសម្រួល៖ សហការី
ម្ចាស់ជ័យលាភីអូស្ការ Michelle Yeoh បានរៀបការជាមួយដៃគូសម្តែងដ៏យូរអង្វែងរបស់នាង Jean Todt នៅប្រទេសស្វីស ជិតពីរទសវត្សរ៍ហើយបន្ទាប់ពីអ្នកជំនួញជនជាតិបារាំងបានស្នើសុំនាងរៀបការជាលើកដំបូង។
លោកស្រី Yeoh មានអាយុ ៦០ ឆ្នាំហើយកាលពីដើមឆ្នាំនេះគាត់បានក្លាយជាស្ត្រីដែលមានដើមកំណើតមកពីអាស៊ីដំបូងគេដែលបានឈ្នះពានរង្វាន់ Academy Award ជាជើងឯកតារាសម្តែងដ៏ល្អបំផុតមួយដែលបានបញ្ជាក់ពីអាពាហ៍ពិពាហ៍របស់នាងជាមួយនឹងលោក Todt មានអាយុ ៧៧ ឆ្នាំជាអតីតប្រធានក្រុមហ៊ុន Ferrari។
គាត់និយាយាថា “១៩ឆ្នាំហើយចាស!! យើងរៀបការហើយ!! Thkq សម្រាប់’គ្រួសារ’យើងដែលស្រឡាញ់យើងរាប់ឆ្នាំទាំងអស់នេះ។ យើងស្រឡាញ់គ្នា ហើយមានរឿងជាច្រើនទៀតដែលនឹងមកដល់” តារាសម្ដែងម៉ាឡេស៊ីរូបនេះបានសរសេរនៅលើInstagram កាលពីចុងសប្តាហ៍។
ការបង្ហោះរួមគ្នានូវរូបភាពនិងចិញ្ចៀនផ្លាស់ប្តូរគ្នាទៅវិញទៅមកទាំងសងខាង និងរូបភាពមួយទៀតកំពុងអង្គុយឱបគ្នាលើគ្រែដែលតុបតែងដោយបាច់ផ្កាដ៏ធំ។
រូបថតអាពាហ៍ពិពាហ៍ដែលបានបង្ហោះលើ Instagram ដោយអ្នកបើកបរឡានប្រណាំង Felipe Massa ដែលជាភ្ញៀវនៅក្នុងពិធីនោះបានបង្ហាញពីរឿងរ៉ាវស្នេហាដ៏វែងអន្លាយរហូតនាំមកដល់ពិធីមង្គលការកាលពីសប្តាហ៍មុនកន្លងទៅនេះ។
ស្នេហ៍គ្រាដំបូងគឺ “យើងបានជួបគ្នានៅទីក្រុងសៀងហៃនៅថ្ងៃទី ៤ ខែមិថុនាឆ្នាំ ២០០៤ ។ នៅថ្ងៃទី ២៦ ខែកក្កដាឆ្នាំ ២០០៤ J.T. បានសុំរៀបការជាមួយ M.Y. ហើយនាងបាននិយាយថា ចាស! ថ្ងៃនេះបន្ទាប់ពី ៦,៩៩២ ថ្ងៃ គឺនៅថ្ងៃទី ២៧ ខែកក្កដា ឆ្នាំ ២០២៣ នៅទីក្រុងហ្សឺណែវ ដែលមានកាចូលរួមដោយក្រុមគ្រួសារ និងមិត្តភ័ក្តិជាទីស្រស្រឡាញ់ យើងមានសេចក្តីរីករាយណាស់ដែលបានប្រារព្ធពិធីដ៏ពិសេសនេះជាមួយគ្នា!” សាររបស់គាត់ត្រូវបានហ្វេនៗចូលអានយ៉ាងច្រើន។
Yeoh បានឈានដល់ភាពល្បីល្បាញថ្មីក្នុងឆ្នាំនេះក្នុងការសម្តែងដែលពោរពេញទៅដោយការសាទរពីទស្សនិកជនរបស់នាងក្នុងរឿង “Everything Everywhere All at Once”។
ភាពយន្តដែលយកលំនាំតាមសាច់រឿងរបស់ជនអន្តោប្រវេសន៍ចិន និងម្ចាស់ហាងបោកអ៊ុតដែលគេបានឃើញនាងជាចំណុចស្នូលនៃការតស៊ូក្នុងពហុវិស័យធ្វើឲ្យនាងបានឈ្នះពានរង្វាន់អូស្ការចំនួន ៧ ក្នុងចំណោម ១១ រឿងរួមទាំងរូបភាពដ៏ល្អប្រណិតក្នុងពិធីទទួលពានរង្វាន់ Academy កាលពីខែមីនាកន្លងមក។
ក្នុងខណៈពេលដែលនាងទទួលបានពានរង្វាន់អូស្ការ តារាៗបានហៅថាជា “លទ្ធភាពនៃក្តីសង្ឃឹម និង ” សម្រាប់ ក្មេងប្រុស និងក្មេងស្រីតូចៗទាំងអស់ដូចរូបខ្ញុំចឹងដែរ ” ។ Yeoh បានសម្ដែងរឿងជាច្រើនក្នុងភាពយន្តសកម្មភាពរបស់នាងបានប្រាប់ដល់ស្ត្រីឯទៀតថា៖” ស្ត្រីត្រូរតែជឿជាក់ថាអ្នកអាចធ្វើបានលើសពីការរំពឺងទុករបស់អ្នក ” ។
ក្រេឌីតភាពយន្តសម្រាប់ Yeoh ដែលត្រូវបានចាត់ទុកយ៉ាងទូលំទូលាយថាជារូបតំណាងឲ្យភាពយន្តក្បាច់គុន ក៏បានរួមបញ្ចូលផងដែរនូវរឿង “Shang-Chi and the Legend of the Ten Rings” របស់ Marvel Studio (2021), “Crazy Rich Asians” (២០១៨), “The Mummy: Tomb of Dragon Emperor” (២០០៨), “Memoirs Of A Geisha” (២០០៥) និង “Crouching Tiger, Hidden Dragon” (២០០០)។
នាងបានបង្កើតឈ្មោះឲ្យភាពយន្តហុងកុងនៅក្នុងទសវត្សរ៍ឆ្នាំ ១៩៨០ និង ៩០ មុនពេលនាងទទួលបានតំណែងជាតួសម្តែងលំដាប់អន្តរជាតិនៅក្នុងឆ្នាំ ១៩៩៧ ទល់នឹង Pierce Brosnan ក្នុងរឿង “Tomorrow Never Dies”។
ហើយ Yeoh បានយករូបភាពនៅក្នុងរឿង James Bond ក្នុងចំណោមរូបភាពដែលតារាស្រីបានចែករំលែកអំពីការប្រកាសអាពាហ៍ពិពាហ៍របស់នាងនោះគឺជាផ្ទាំងរូបភាពខ្សែភាពយន្តក្លែងក្លាយដែលមានចំណងជើងថា “Love Never Dies” ។
អ្នកបង្ហោះរូបនេះបានថតរូបពីការជិះម៉ូតូដ៏គួឲ្យរំភើបដូចនៅក្នុងការជិះកង់ក្នុងរឿង James Bond ខណៈ Yeoh បង្ហាញខ្លួននៅខាងក្រោយកង់។
Todt បានបង្ហោះរូបភាពដែលមានស៊ុមនៅលើវេទិកា X ដែលពីមុនត្រូវបានគេស្គាល់ថាជា Twitter កាលពីចុងសប្តាហ៍ដោយមានថ្លែងអំណរគុណដល់ផលិតកររឿង James Bond លោក Barbara Broccoli សម្រាប់ជាអំណោយអាពាហ៍ពិពាហ៍មួយនេះ ។
Todt ដែលបានដាក់ឈ្មោះគាត់ជាសហប្រកួតបើកបរដែលហៅថា World Rally Championship ក៏ជាអតីតប្រធានគ្រប់គ្រងស្ថាប័ន Formula 1 ដែលជាសហព័ន្ធ Internationale de l’Automobile ផងដែរ។ បច្ចុប្បន្នលោកជាបេសកជនពិសេសរបស់អគ្គលេខាធិការអង្គការសហប្រជាជាតិទទួលបន្ទុកសុវត្ថិភាពចរាចរណ៍៕