ដោយ៖រតនា
ព្រះសីហនុ៖ក្មេស្រីម្នាក់រើសបានអាវុធខ្លីមួយដើមនៅក្រោមទ្រើងននោងមិនដឹង នឹកស្មានថាជារបស់លេងបានយកកាន់ដើរលេងដូចជារបស់ធម្មតាបង្កឲ្យមានការភ្ញាក់ផ្អើលកាលពីម៉ោងជា៩ព្រឹកថ្ងៃទី២៨ ខែកក្កដា ឆ្នាំ២០២៣។
![](https://cambodiaflashnews.com/wp-content/uploads/2021/06/top-banner.gif)
សមត្ថកិច្ចបានឲ្យដឹងថា ករណីក្មេងស្រីតូចប្រទះឃើញអាវុធខ្លីរើសកាន់ដើរលេងនេះគឺបានកើតឡើងនៅត្រង់ផ្លូវបំបែកជាបួន ឡើងទៅវត្តលើ ក្នុងសង្កាត់លេខ១ ក្រុងព្រះសីហនុ ខេត្តព្រះសីហនុ។
ក្រោយពីហេតុការណ៍នេះបានកើតឡើង ជីដូនឲ្យយកអាវុធខ្លីនោះទៅទុកកន្លែងដើមវិញហើយក៏រាយការណ៍ជូនសមត្ថកិច្ច។
មន្រ្តីសមត្ថកិច្ចព្រហ្មទណ្ឌកម្រិតធ្ងន់បានចុះពិនិត្យនិងសាកសួរធ្វើកំណត់ហេតុតាមសាក្សីបានឃើញ។សមត្ថកិច្ចបានបញ្ជាក់ថាវាពិតជាអាវុធខ្លីពិតប្រាកដមែនមិនមែនកាំភ្លើងជ័រទេហើយក៏បាននាំយកទៅរក្សាទុកដើម្បីឈានទៅបើកការសើបអង្កេតក្នុងរឿងនេះ៕