ប្រែសម្រួល៖ រតនា
![](https://cambodiaflashnews.com/wp-content/uploads/2021/06/top-banner.gif)
កងទ័ពអាកាសអ៊ុយក្រែនបាននិយាយថា រុស្ស៊ីបានបើកការវាយប្រហារតាមផ្លូវអាកាសលើគោលដៅនៅភាគខាងត្បូង និងភាគខាងកើតអ៊ុយក្រែនដោយប្រើយន្តហោះគ្មានមនុស្សបើក និងអាចជាមីស៊ីលផ្លោង។
កំពង់ផែភាគខាងត្បូងនៃ Odesa និងតំបន់ Mykolaiv, Donetsk, Kherson, Zaporizhia និងតំបន់ Dnipropetrovsk ទាំងអស់ស្ថិតនៅក្រោមការគំរាមកំហែងនៃការវាយប្រហារដោយយន្តហោះគ្មានមនុស្សបើករបស់រុស្ស៊ី។ កងកម្លាំងអាកាសបាននិយាយនៅលើកម្មវិធីផ្ញើសារ តាមTelegram នៅព្រឹកថ្ងៃអង្គារនេះ។
អភិបាលក្រុងបាននិយាយថា អគ្គិភ័យបានឆាបឆេះនៅកំពង់ផែ Mykolaiv កាលពីល្ងាចថ្ងៃចន្ទ។ ទីក្រុងកំពង់ផែនោះគឺផ្តល់ឱ្យអ៊ុយក្រែននូវការចូលទៅកាន់សមុទ្រខ្មៅ។
លោក Oleksandr Senkevich អភិបាលក្រុង Mykolaiv បាននិយាយនៅលើកម្មវិធីផ្ញើសារ តាមTelegram ដោយបន្ថែមថា ព័ត៌មានលម្អិតបន្ថែមអំពីអគ្គិភ័យនឹងចេញផ្សាយនៅពេលព្រឹក។
ខ្សែវីដេអូដែលបានផ្សព្វផ្សាយតាមបណ្តាញសង្គមត្រូវបានគេអះអាងថាបង្ហាញពីយន្តហោះគ្មានមនុស្សបើក Shahed ផលិតដោយអ៊ីរ៉ង់វាយប្រហារគោលដៅក្នុងតំបន់ Mykolaiv។
មិនមានការបញ្ជាក់ដោយឯករាជ្យអំពីការវាយប្រហារឬភាពពិតនៃវីដេអូនោះនៅឡើយទេ។
ប្រភព៖ ALJAZEERA