ប្រែសម្រួល៖ រ៉ាម៉េត

ប្រធានាធិបតីរុស្ស៊ី លោក វ្ល៉ាឌីមៀ ពូទីន បាននិយាយថា ប្រទេសរុស្ស៊ីមានឃ្លាំងស្តុកគ្រាប់បែកចង្កោម ហើយនឹងពិចារណាប្រើប្រាស់វាប្រឆាំងនឹងអ៊ុយក្រែន «ប្រសិនបើពួកគេត្រូវបានប្រើប្រាស់ប្រឆាំងនឹងយើង»។

ការចេញមុខព្រមានរបស់លោកពូទីននេះគឺបានកើតឡើងតែប៉ុន្មានថ្ងៃបន្ទាប់ពីអ៊ុយក្រែនបានទទួលការចែកចាយគ្រាប់បែកចង្កោមផលិតដោយអាម៉េរិក បីទោះជាមន្ត្រីយោធាកំពូលអ៊ុយក្រែនបានប្រាប់ CNN ថាពួកគេមិនទាន់បានប្រើប្រាស់នៅឡើយក៏ដោយ។

មេដឹកនាំរុស្ស៊ីបាននិយាយក្នុងបទសម្ភាសន៍ជាមួយអ្នកកាសែតគាំទ្រវិមានក្រឹមឡាំងថា “រុស្ស៊ីមានការផ្គត់ផ្គង់គ្រប់គ្រាន់នៃប្រភេទផ្សេងៗនៃគ្រាប់បែកចង្កោម” ។

“ប្រសិនបើពួកគេត្រូវបានគេប្រើប្រាស់ប្រឆាំងនឹងយើង យើងរក្សាសិទ្ធិក្នុងការឆ្លុះបញ្ចាំងពីសកម្មភាព” ។

សូមបញ្ជាក់ដែរថា ការសម្រេចចិត្តរបស់ទីក្រុងវ៉ាស៊ីនតោនក្នុងការបញ្ជូនគ្រាប់បែកចង្កោមទៅឲ្យក្រែននោះ គឺមានភាពចម្រូងចម្រាស និងរិះគន់ខ្លាំងណាស់ដោយក្រុមសិទ្ធិមនុស្ស។ប៉ុន្តែមេដឹកនាំអាម៉េរិកJoe Biden បាននិយាយថាការសម្រេចចិត្តនេះគឺជារឿងដ៏លំបាកមួយ។

គ្រាប់បែកចង្កោមគឺវាមានគ្រោះថ្នាក់ខ្លាំងណាស់ជាពិសេសចំពោះជនស៊ីវិល និងអ្នកមិនប្រយុទ្ធ នៅពេលបាញ់នៅជិតតំបន់ណាមួយដែលមានប្រជាជនរស់នៅ ព្រោះវាខ្ចាត់ខ្ចាយសម្ភារផ្ទុះ ដែលហៅថា “គ្រាប់បែក” ពាសពេញតំបន់ធំៗ។ វត្ថុដែលមិនផ្ទុះដោយសារផលប៉ះពាល់អាចបំផ្ទុះជាច្រើនឆ្នាំក្រោយមកទៀត ដែលបង្កហានិភ័យរយៈពេលវែង។

• តើគ្រាប់បែកចង្កោមជាអ្វី?

គ្រាប់បែកចង្កោមមានផ្ទុកសារធាតុផ្ទុះជាច្រើនដែលត្រូវបានបញ្ចេញនៅលើផ្ទៃដីរហូតដល់ប៉ុនទំហំទីលានបាល់ទាត់ជាច្រើន។ ពួកគេអាចត្រូវបានទម្លាក់ពីលើយន្តហោះ ឬបាញ់ចេញពីដី ឬសមុទ្រ។

គ្រោះថ្នាក់ដែលបង្កឡើងដោយគ្រាប់បែកចង្កោមនេះបានជំរុញឱ្យប្រទេសជាង 100 រួមទាំងចក្រភពអង់គ្លេស បារាំង និងអាឡឺម៉ង់ចុះហត្ថលេខាលើសន្ធិសញ្ញាហាមឃាត់ការប្រើប្រាស់របស់ពួកគេ។

ប្រធានាធិបតីអាមេរិកលោក Joe Biden បានប្រាប់ CNN ថាការសម្រេចចិត្តថាតើត្រូវបញ្ជូនគ្រាប់បែកចង្កោមទៅអ៊ុយក្រែនគឺ “ពិបាកណាស់” ប៉ុន្តែគាត់បានជ្រើសរើសធ្វើដូច្នេះ ដោយសារអ៊ុយក្រែន ត្រូវការគ្រាប់រំសេវបន្ថែមទៀត ដើម្បីបន្តការប្រយុទ្ធរបស់ខ្លួន ដើម្បីរុញកងទ័ពរុស្ស៊ីចេញពីទឹកដីអ៊ុយក្រែន។

មន្ត្រីជាន់ខ្ពស់មួយរូបនៅក្រសួងការពារជាតិអាម៉េរិកបាននិយាយថា ទីក្រុង Kyiv បានផ្តល់ “ការធានាជាលាយលក្ខណ៍អក្សរ” ថា ខ្លួននឹងមិនប្រើប្រាស់គ្រាប់បែកចង្កោមនៅក្នុងតំបន់ទីក្រុងនោះទេ។

នៅក្នុងបទសម្ភាសន៍របស់គាត់ លោកពូទីនបាននិយាយថា លោកចាត់ទុកនិងបានហៅរដ្ឋបាលលោក Biden ចំពោះការប្រើប្រាស់គ្រាប់បែកចង្កោមនោះថាជាឧក្រិដ្ឋកម្មសង្រ្គាម ហើយថាលោកលោកត្រៀមនឹងសងសឹកប្រសិនបើអ៊ុយក្រែនប្រើវានោះ៕

ប្រភព៖ CNN