ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
ការបាត់បង់ឧត្តមសេនីយជាច្រើននាក់ជាបន្តបន្ទាប់នៅក្នុងអំឡុងពេលធ្វើសង្រ្គាមជាគ្រោះអាសន្នយ៉ាងធ្ងន់ធ្ងរ។ គិតត្រឹមតែរយៈពេល ២៤ ម៉ោងមេបញ្ជាការរុស្ស៊ីនៅភាគខាងត្បូងអ៊ុយក្រែនត្រូវបានសម្លាប់ដោយសារគ្រាប់មីស៊ិលរបស់អ៊ុយក្រែន ករណីទាំងពីរនេះបានបង្ហាញពីការខ្វះខាតដោយសារតែមានការខ្វែងគំនិតគ្នានៅក្នុងចំណោមថ្នាក់ដឹកនាំយោធារបស់រុស្ស៊ី។
កាលពីព្រឹកថ្ងៃអង្គារ មីស៊ីលរបស់អ៊ុយក្រែនបានធ្លាក់ចូលក្នុងសណ្ឋាគារមួយក្នុងទីក្រុងនៅតាមឆ្នេរសមុទ្រ Berdyansk ដែលជាតំបន់មួយស្ថិតនៅក្រោមការកាន់កាប់របស់យោធារុស្ស៊ី។
គេបានរាយការណ៍មកថាមានអ្នកស្លាប់ម្នាក់ក្នុងចំណោមអ្នកស្លាប់របស់កងទ័ពរុស្ស៊ីមានឋានៈជាឧត្តមសេនីយ៍ឯកដែលមានឈ្មោះថាឧត្តមសេនីយ៍ Oleg Tsokov ជាមេបញ្ជាការរងប្រចាំតំបន់ភាគខាងត្បូង និងជាឥស្សរជនដ៏សំខាន់របស់កងទ័ពរុស្ស៊ីទទួលខុសត្រូវលើតំបន់កាន់កាប់ភាគខាងត្បូងក្នុងទឹកដីអ៊ុយក្រែន។ គាត់ជាឧត្តមសេនីយឯកមួយរូបក្នុងចំណោមឧត្តមសេនីយ៍រុស្ស៊ីទាំង ១០ នាក់ដែលត្រូវបានស្លាប់នៅក្នុងសមរភូមិអ៊ុយក្រែនរហូតមកទល់នឹងបច្ចុប្បន្ននេះ។
វាគ្មានអាថ៌កំបាំងអ្វីនោះទេដែលកងយោធាចម្រុះលេខ ៥៨ របស់រុស្សីយកសណ្ឋាគារ Dune ធ្វើជាទីស្នាក់ការរបស់ខ្លួនដែលជាការចៃដន្យគឺលោកឧត្តមសេនីយឯក Tsokov បានផ្លាស់ទៅកាន់ទីនោះនៅក្រោយពេលដែលគាត់បានរងរបួសយ៉ាងធ្ងន់ធ្ងរកាលពីរដូវស្លឹកឈើជ្រុះកន្លងទៅក្នុងការវាយប្រហាររបស់អ៊ុយក្រែននៅជិតតំបន់ Svatove ។
កាលពីល្ងាចថ្ងៃពុធ សារជាសំឡេងចំនួន ៤ នាទីរបស់ឧត្តមសេនីយ៍ឯក Ivan Popov មេបញ្ជាការយោធាចម្រុះលេខ ៥៨ បានបង្ហោះឡើងដោយនិយាយចោទប្រកាន់ចំពោះព្រឹត្តិការនេះថាមានអ្នកលួចក្បត់ក្នុងជួកងទ័ពរុស្សីទើបបណ្តាលឲ្យសត្រូវវាយប្រហារចំគោលដៅធ្វើឲ្យមានការបាត់បង់ជីវិតកងទ័ពរុស្សីជាច្រើននាក់។
គាត់បានលើកឡើងពីចំណុចខ្វះខាតសំខាន់ៗក្នុងវិស័យការពារជាតិរបស់រុស្ស៊ី ដែលអ៊ុយក្រែនកំពុងចាប់បានចំណុចខ្សោយធ្វើឲ្យទ័ពរុស្សីធ្លាក់ក្នុងស្ថានភាពកាន់តែអាក្រក់ទៅៗ ធ្វើឲ្យមូលដ្ខានទ័ពជួក្រោយរងការវាយប្រហារដោយកាំជ្រួចរយៈចម្ងាយឆ្ងាយរបស់អ៊ុយក្រែន។
លោកឧត្តមសេនីយឯក Popov បានចោទជាសំណួរអំពី “កង្វះខាតថ្មអាគុយគាំទ្រប្រព័ន្ធប្រឆាំងមីស៊ិល” អវត្តមាននៃស្ថានីយ៍ឈ្លបយកការណ៍កាំភ្លើងធំដែលបណ្តាលឲ្យមានការស្លាប់និងរបួសកងទ័ពយ៉ាងច្រើនដោយសារតែរងនូវការបាញ់កាំភ្លើងធំរបស់សត្រូវ។ ខ្ញុំក៏បានលើកឡើងពីបញ្ហាខ្វះខាតមួយចំនួនទៀត ដែលមិនមានចំណាត់ការក្នុងកំរឹតខ្ពស់នៅឡើយ” ។
ការត្អូញត្អែររបស់ឧត្តមសេនីយឯក Popovលើបញ្ហាទាំងឡាយនេះ បើយោងតាមវិទ្យាស្ថានសិក្សាស្រាវជ្រាវអំពីសង្រ្គាម បានបង្ហាញឲ្យឃើញនូវបញ្ហាដ៏សំខាន់ៗសម្រាប់កងទ៍ពរុស្ស៊ីដែលពួកគេទំនងជា “ខ្វះទុនបម្រុងសម្រាប់គាំពារកិច្ចប្រតិបត្តិការ ដែលអាចធ្វើឲ្យពួកគេយកទ័ពនៅជួក្រោយមកទប់ទល់នឹងការវាយលុករបស់អ៊ុយក្រែនដែលធ្វើឲ្យខ្សែការពាររបស់រុស្ស៊ីស្ថិតក្នុងសភាពផុយស្រួយបំផុត ”។
ប៉ុន្តែ លោកឧត្តមសេនីយឯក Popov នៅមិនទាន់បានសម្រេចចិត្តរៀបផែនការប្រយុទ្ធបន្តយ៉ាងណានៅឡើយទេក្រោយពីបានធ្វើការស្តីបន្ទោសលោកអគ្គសេនាធិការយោធារុស្ស៊ីគឺលោក Valery Gerasimov ។
គាត់សង្កត់ធ្ងន់ថា “ កងកម្លាំងអ៊ុយក្រែនមិនអាចទម្លុះខ្សែការពាររបស់យើងបានទេ ប៉ុន្តែមេបញ្ជាការជាន់ខ្ពស់របស់យើងជាអ្នកលួចវាយយើងពីខាងក្រោយខ្នងគាត់បានក្បត់យើង និងកាត់ផ្តាច់ជំនួយដល់កងទ័ពក្នុងគ្រាដ៏លំបាក និងដ៏តានតឹងបំផុតនេះ” ។
គាត់ក៏បានចោទប្រកាន់ទាំងលោករដ្ឋមន្ត្រីក្រសួងការពារជាតិ Sergei Shoigu ថានៅក្នុងសម្ព័ន្ធភាពរបស់លោក Valery Gerasimov ។ លោកបានចោទប្រកាន់ថា “ជាក់ស្តែងភ្លាមៗនេះខ្លួនខ្ញុំមានអារម្មណ៍ថាខ្ញុំនឹងមានគ្រោះថ្នាក់ប្រសិនបើមានថ្ងៃណាមួយលោកមេបញ្ជាការជាន់ខ្ពស់នឹងបញ្ជាឲ្យរដ្ឋមន្ត្រីក្រសួងការពារជាតិដកខ្ញុំចេញពីតួនាទីមេបញ្ជាការ ហើយបណ្តេញខ្ញុំចេញពីជួកងទ័ព”។
- ‘ការគាំទ្រដ៏អស្ចារ្យ’
អ្នកសរសេរប្លក់យោធារុស្ស៊ីបានស្នើថា ទាំង Tsokov និង Popov ក្នុងចំណោមមេបញ្ជាការទាំងអស់គឺពួកគាត់ជាមេទាហានដែលមានសមត្ថភាព នឹងមានភាពស្មោះត្រង់ក្នុងចំណោមពួកគេ។ Tsokov អាយុ៥១ ឆ្នាំគាត់គឺជាតារាកំពុងរះនៅក្នុងជួរកងយោធារុស្ស៊ី។ កាលពីឆ្នាំ ២០២១ គាត់បានថ្លែងសុន្ទរកថានៅឯវិមានក្រឹមឡាំងដែលមានការចូលរួមដោយប្រធានាធិបតីវ្ល៉ាឌីមៀ ពូទីន នៅក្នុងការជួបជុំកម្មាភិបាលជាន់ខ្ពស់របស់កងយោធារុស្សី។
អ្នកសរសេរប្លុកយោធា Rybar បានកត់សម្គាល់នៅក្នុងការបញ្ជាក់ដ៏វែងមួយថា “Popov ទទួលបានការគាំទ្រយ៉ាងច្រើនពីកងទ័ព អ្នកប្រយុទ្ធនៅជួរមុខត្រូវបានខកចិត្តយ៉ាងខ្លាំងដោយឭព័ត៌មានមកថា ឧត្តមសេនីយ៍ Popov ដ៏សាមញ្ញរូបនេះត្រូវបានបណ្តេញចេញពីជួមេបញ្ជាការកងទ័ពរុស្សី។
សុន្ទរកថាចុងក្រោយរបស់ Popov ក្នុងនាមជាមេបញ្ជាការគឺបានឧទ្ទិសដល់កងទ័ពរបស់គាត់។ គាត់បាននិយាយថា “រាត្រីសួស្តី អ្នកប្រយុទ្ធជាទីស្រឡាញ់និងសាច់ញាតិជាទីស្រឡាញ់យើងដូចនៅក្នុងគ្រួសារតែមួយដូចៗគ្នា” ។ “ខ្ញុំតែងតែគិតដល់អ្នកគ្រប់ៗគ្នា វាជាកិត្តិយសសម្រាប់ខ្ញុំណាស់ដែលបានឈរជាមួយអ្នកនៅសមរភូមិជួរមុខ”។
ការធ្វើឲ្យបាត់បង់មេបញ្ជាការដែលបំផុសឲ្យកងទ័ពមានភក្ដីភាពចំពោះជាតិគឺជាការធ្វេសប្រហែសដ៏ធំមួយហើយជាគ្រោះថ្នាក់ដ៏ធ្ងន់ធ្ងរបំផុតនៅក្នុងសមរភូមិប្រយុទ្ធ។
ហើយវាមិនខុសពីដំណើររឿងរបស់កងពលទី ៥៨ នោះទេវាមិនមែនជាឧទាហរណ៍ដាច់ដោយឡែកនោះទេ។ ដូចជាការបះបោររបស់ក្រុម Wagner នៅចុងខែមិថុនា ក៏បានចោទជាសំណួរអំពីប្រសិទ្ធភាព និងភក្ដីភាពរបស់ឥស្សរជនជាន់ខ្ពស់មួយចំនួន ដែលភាគច្រើនមិនត្រូវបានគេមើលឃើញតាំងពីពេលនោះមក។
នៅចំពេលដែលការបះបោរត្រូវបានលាតត្រដាងឡើងលោក ឧត្តមសេនីយ Oleg Surovikin ដែលជាមេបញ្ជាការកងទ័ពអាកាសរបស់រុស្ស៊ីបានបង្ហាញខ្លួននៅក្នុងវីដេអូនិងបានអំពាវនាវដល់មេទាហាន Wagner លោក Yevgeny Prigozhin ឲ្យបញ្ឈប់ការបះបោររបស់គាត់។ លោក Surovikin បានដាក់លក្ខខណ្ឌជាមួយលោក Prigozhin ។
ជាការពិតណាស់ដែលថាលោក Surovikin ជាអ្នករៀបចំការដកទ័ពចេញពី Kherson កាលពីខែវិច្ឆិកាឆ្នាំមុន បន្ទាប់មកត្រូវបានតែងតាំងជាប្រមុខកងកម្លាំងរុស្ស៊ីទទួលខុសត្រូវលើសមរភូមិអ៊ុយក្រែន។
ប៉ុន្តែបន្ទាប់មកគាត់ត្រូវបានគេដកចេញពីតំណែងហើយដាក់អ្នកផ្សេងជំនួសវិញកាលពីខែមករាឆ្នាំនេះ។ ហើយគាត់ក៏មិនត្រូវបានគេឃើញចាប់តាំងពីមានការបះបោររបស់ក្រុម Wagnerង។
លោកប្រធានគណៈកម្មាធិការរដ្ឋឌូម៉ាស្តីនិងលោក Andrei Kartapolov មកពីក្រសួងការពារជាតិ បាននិយាយកាលពីថ្ងៃពុធថាគាត់ត្រូវបានគេឲ្យ “សម្រាក” នៅផ្ទះ។
វិមានក្រឹមឡាំងបានបង្វែរការចោទសួរអំពី Surovikin ទៅក្រសួងការពារជាតិជាអ្នកទទួលឆ្លើយនិងការចោទសួរខាងលើនេះជាជំនួសវិញ។
កាលពីថ្ងៃព្រហស្បតិ៍លោក Kartapolov បានឆ្លើយបន្ថែមទៀតទៅនឹងសំណួរដដែលលើបញ្ហារបស់លោកឧត្តមសេនីយឯក Popov ។
គាត់បានឆ្លើយថា៖ “ គេនឹងដោះស្រាយលើបញ្ហាលោកឧត្តមសេនីយឯក Popov” ។ លោកឧត្តមសេនីយឯក Popov គួរតែនៅបម្រើក្នុងជួរមេបញ្ជាការកងទ័ព។ គាត់គឺជាឧត្តមសេនីយទទួលបន្ទុកជាមេបញ្ជាការកងពលចម្រុះទី៥៨ដែលត្រូវបានសន្យាថានឹងផ្តល់ឲ្យគាត់នូវអ្វីៗគ្រប់យ៉ាងសម្រាប់សមរភូមិជួមុខរបស់គាត់។ លោក Kartapolov ធ្លាប់បានបញ្ជាឲ្យកងទ័ពរួមបញ្ចូលគ្នាក្នុងកងពលទី ៥៨។
គេមើលឃើញថា Kartapolov បានចេញសារលាក់បាំងសម្រាប់ក្រសួងការពារជាតិ ដោយបានបន្ថែមលើ Telegram ថា “ជំនាញសំខាន់បំផុតរបស់ចៅហ្វាយនាយនោះគឺត្រូវមានសមត្ថភាពក្នុងការមើលឃើញនូវរាល់បញ្ហានិងត្រូវស្តាប់អ្នកក្រោមបង្គាប់របស់គាត់។ ដូច្នេះខ្ញុំគិតថាអ្នកដែលត្រូវធ្វើបែបនេះបានឮបានឃើញហើយថាតើនឹងត្រូវចាត់វិធានការបែបណានោះសម្រាប់លោកឧត្តមសេនីយឯក Popov”។
- ភាពច្របូកច្របល់ដែលមិនប្រាកដប្រជា
អ្នកសរសេរប្លុកយោធារុស្ស៊ីមិនបានបញ្ចេញឥរិយាបទប្រតិកម្មអ្វីនោះទេ។
ហើយក៏មិនមែនជាលើកទីមួយនោះទេ ដែលពួកគេបានលើកឡើងពីទស្សនមួយថា ឋានានុក្រមក្នុងកងយោធារុស្សីកំពុងច្របូកច្របល់។ អ្នកសរសេរប្លុកដ៏លេចធ្លោម្នាក់ឈ្មោះ Rybar សរសេថាជោគវាសនារបស់ឧត្តមសេនីយឯក Popov គឺជាឧទាហរណ៍សម្រាប់ “ការប្រមាញ់មេធ្មប់” បន្ទាប់ពីការបះបោរ របស់លោក Prigozhin ។
គាត់បាននិយាយកាលពីថ្ងៃពុធថា “សង្រ្គាម” ផ្ទុះឡើងនៅក្នុងក្រសួងការពារជាតិនៅតែបន្តគាត់បានអះអាងថាគឺលោក Gerasimov ដែលជាអ្នកទាមទារឲ្យដកលោកឧត្តមសេនីយឯក Popov ដោយចោទប្រកាន់គាត់ពី “ការបង្កឲ្យមានគ្រោះអាសន្ននិងបានបង្ខូចកេរ្តិ៍ឈ្មោះថ្នាក់ដឹកនាំប្រទេស” ។
គាត់បានចោទប្រកាន់ថាលោក ឧត្តមសេនីយ៍ Popov បានគំរាមកំហែងប្រធានាធិបតីវ្ល៉ាឌីមៀពូទីនហើយថា Gerasimov ជាអ្នក “ដកគាត់ចេញពីមុខតំណែងហើយបញ្ជូនគាត់ទៅសមរភូមិជួរមុខ” ។
ទីកន្លែងរបស់ឧត្តមសេនីយឯក Popov មិនត្រូវបានគេប្រាប់ឲ្យដឹងនោះទេ។
ចំពេលមានភាពមិនប្រាកដប្រជានិងច្របូកច្របល់ផ្ទៃក្នុងមួយនេះ ក្រសួងការពារជាតិកំពុងតែខិតខំរក្សាភាពស្ងៀមស្ងាត់របស់ខ្លួន។ ក្រសួងការពារជាតិមិនបានរំលឹកអំពីការស្លាប់របស់ឧត្តមសេនីយឯក Tsokov ។ ក្រសួងការពារជាតិក៏មិនមានបានបញ្ជាក់អំពីការខូចខាតដោយសាការវាយប្រហានោះដែរហើយក៏មិនបានបញ្ជាក់អំពីការបណ្តេញឧត្តមសេនីយឯក Popov ចេញនោះ ទេ។ លើសពីនេះទៀតក៏មិនមានការបញ្ជាក់អំពីការបាត់ខ្លួនលោកឧត្តមសេនីយ Surovikin ដែលជាមេបញ្ជាការកងទ័ពអាកាសនោះទេ។
ក្រសួងការពារជាតិបានសម្តែងឆុតឆាកដោយលោករដ្ឋមន្ត្រីការពារជាតិ Shoigu និងលោកអគ្គមេបញ្ជាការ Gerasimov ដែលជាធម្មតាធ្វើជាមិនដឹងមិនឭលើរាល់បញ្ហាទាំងនេះ។ មិនយូរប៉ុន្មានក្រោយពីមានការបះបោរលោកប្រមុខការពារជាតិShoigu ត្រូវបានគេឃើញនៅក្នុងដំណើរចុះត្រួតពិនិត្យនៅកន្លែងមួយក្នុងប្រទេសអ៊ុយក្រែនហើយដំណើររបស់គាត់ត្រូវបានគេចោទជាសំណួរឡើងថាតើឃ្លីបវិដេអូនេះត្រូវបានគេថតទុកតាំងពីពេលណាមក?
មានពាក្យចចាមអារ៉ាមផ្ទុះឡើងថាលោក Surovikin, លោក Gerasimov ត្រូវបានគេឃើញហៅទូរសព្ទគ្នាទៅវិញទៅមកនៅក្នុងការធ្វើសន្និសីទសារពត៍មានមួយ ព័ត៌មាននេះគ្រាន់តែជាជំនួយក្នុងការពិចារណាលើបញ្ហាបាត់ខ្លួនលោក Surovikin ប្រហែលជាគាត់ធ្លាក់នរកបាត់ហើយមើលទៅព្រះអើយ។
លោក Dara Massicot អ្នកជំនាញខាងយោធារុស្ស៊ីនៅសាជីវកម្ម RAND បាននិយាយនៅពេលនោះថា “ដើម្បីធ្វើបច្ចុប្បន្នភាពរឿងមេទ័ពអាកាសបើយោងតាមពាក្យចចាមអារ៉ាមដែលផ្ទូះរាលដាលឡើងអំពីស្ថានភាពរបស់លោក Surovikin មើលទៅរឿងទាំងនេះទំនងជាគេមានចេតនាប្រឌិតវាឡើង។”
លោក Massicot បាននិយាយបន្ថែមថាប្រមុខការពារជាតិលោក Shoigu បានថ្លែងថា “អ្វីៗគ្រប់យ៉ាងគឺល្អប្រសើ រខ្ញុំជារដ្ឋមន្ត្រីការពារជាតិ” គោលដៅបន្តបានតម្រង់ទិសរួចរាល់ហើយ ចុងសប្តាហ៍នេះខ្ញុំនឹងទៅទស្សនាទីកន្លែងកងទ័ពហ្វឹកហ្វីន។
អ្នកសរសេរប្លុក Rybar បានបន្ទរលើប្រធានបទកាលពីថ្ងៃពុធថា “វាពិបាកណាស់ចំពោះការបដិសេធការពិតដែលថាឥឡូវនេះការដឹកនាំរបស់ក្រសួងការពារជាតិរុស្ស៊ីគឺផ្តោតទៅលើរបាយការណ៍វិជ្ជមានហើយមិនចង់ឭរបាយការណ៏អវិជ្ជមាននោះទេ” ។
បន្ទាប់មក Rybar លើកឡើងជាទស្សនៈថា “ជម្លោះរវាងលោកឧត្តមសេនីយឯក Popov និងលោកអគ្គមេបញ្ជាការ Gerasimov បានបង្ហាញអំពីចំណុចខ្សោយខ្លះៗ៖ ដូចជាកង្វះខាតលើការរួបរួមនៅក្នុងកងកម្លាំងប្រដាប់អាវុធរុស្ស៊ីដែលធ្វើឲ្យសត្រូវទាញយកប្រយោជន៍ដោយសារឿងនេះ។ វាជាការពិតណាស់ដែលថារុស្ស៊ីនឹងមានគ្រោះអាសន្នដោយសាបញ្ហានេះដែលជារឿងដ៏សោកស្តាយបំផុត។
អ្នកជំនាញលោកខាងលិចនិយាយថា វប្បធម៌ប្រជែងអំណាចគ្នាដែលមួយផ្នែកកើតឡើងពីអំពើពុករលួយដ៏រ៉ាំរ៉ៃដែលស្អុយរលួយពាសពេញក្រសួងការពារជាតិ និងកងកម្លាំងប្រដាប់អាវុធជាច្រើន បើទោះបីជាស្ថិតនៅក្នុងដំណាក់កាលធ្វើសង្គ្រាមនៅលើទឺកដីអ៊ុយក្រែនក៏ដោយ។
វាក៏មានគណនេយ្យភាពលើបញ្ហាអសមត្ថភាព និងភាពសាហាវឃោរឃៅក្នុងចំណោមមេបញ្ជាការជាន់ខ្ពស់រុស្សីផងដែរ។ ឧទាហរណ៍ដូចជា៖ មានការវាយប្រហារទៅលើទីប្រជុំជន Vuhledar កាលពីខែមករាជាដើម។
កាលពីឆ្នាំមុនក៏មានការប៉ុនប៉ងវាយប្រហារលើស្ពានឆ្លងទន្លេមួយនៅភាគខាងកើតអ៊ុយក្រែនផងដែ។
ហើយបន្ទាប់មកក៏លេចចេញមេបីសាចទាហានស៊ីឈ្នួល Prigozhin ធ្វើការបះបោរដោយបញ្ជាក់យ៉ាងច្បាស់ថា គោលដៅរបស់គាត់គឺចូលមកបណ្តេញ Shoigu ដែលជាប្រមុខការពារជាតិ និង Gerasimov ជាអគ្គមេបញ្ជាការកងទ័ពជាមុនុស្សដែលធ្វើឲ្យគាត់ស្អប់បំផុត។
ប្រាំថ្ងៃក្រោយមក យោងតាមវិមានក្រឹមឡាំង លោក Prigozhin និងមេបញ្ជាការជាន់ខ្ពស់របស់គាត់បានជួបប្រជុំរយៈពេលបីម៉ោងជាមួយប្រធានាធិបតីពូទីនក្រោយមកក៏មានការបះបោរដោយចោទលោក Prigozhin ថាក្បត់ជាតិ នេះជាការបិទបាំងបញ្ហាផ្ទៃក្នុងរបស់ពួកគេ។ ។
ការឈ្លានពានរបស់រុស្ស៊ីលើទឺកដីអ៊ុយក្រែនកម្រនឹងកត់សម្គាល់ឃើញថាអ្នកដឹកនាំមានភាពស៊ីចង្វាក់គ្នាណាស់។ យុទ្ធនាការយោធាណាមួយដែលបង្កប់នូវជម្លោះផ្ទៃក្នុងនឹងទទួលរងនូវការបរាជ័យ។
ការបាត់បង់មេបញ្ជាការដែលមានសមត្ថភាពដ៏ច្រើននេះជាសញ្ញាសឲ្យឃើញថា “ប្រតិបត្តិការយោធាពិសេស” របស់រុស្ស៊ីមើលទៅមិនសមនឹងពាក្យដែលថាពិសេសនោះទេដោយសាកងទ័ពរុស្សីបានបាត់បង់នូវភាពរហ័សរហួននិងសេចក្តីក្លាហានអស់ទៅហើយ៕
ប្រភព៖ CNN