ប្រែសម្រួល៖សហការី
![](https://cambodiaflashnews.com/wp-content/uploads/2021/06/top-banner.gif)
មន្ត្រីរៀបចំកិច្ចប្រជុំនេះបានបញ្ជាក់ថានៅក្នុងកិច្ចប្រជុំកំពូលរបស់អង្គការ NATO ក្នុងថ្ងៃពុធខាងមុខនេះ លោក ប្រធានាធិបតី Joe Biden នឹងជួបលោក Volodymyr Zelensky ប្រធានាធិបតីអ៊ុយក្រែន។
ការចូលរួមរបស់ Zelensky នៅក្នុងកិច្ចប្រជុំកំពូលបានក្លាយជាប្រធានបទចោទសួរថាតើវាជាសញ្ញាមួយបង្ហាញពីការរួបរួមកម្លាំងប្រឆាំងរុស្សីដែឬយ៉ាងណា ។ សង្រ្គាមរុស្ស៊ីក្នុងប្រទេសអ៊ុយក្រែនស្ថិតក្នុងរបៀបវារៈកំពូលរួមជាមួយនឹងការពិភាក្សាអំពីអនាគតអ៊ុយក្រែនដែលហែកហួរដោយសង្រ្គាមដើម្បីឈានទៅចូលរួមក្នុងសម្ព័ន្ធភាពណាតូ ដែលកំពុងផ្ទូះឡើងនូវការខ្វែងគំនិតគ្នាមួយចំនួនក្នុងចំណោមមេដឹកនាំរបស់អង្គការ NATO។
Politico ជាអ្នករាយការណ៍អំពីការរៀបកិច្ចប្រជុំដំបូងគេបាននិយាយថាបញ្ហាអ៊ុយក្រែននឹងស្ថិតនៅក្នុងរបៀបវារៈនៃកិច្ចប្រជុំកំពូលនេះ ខណះដែលមេដឹកនាំអាមេរិកសម្លឹងមើលលើការរួបរួមកម្លាំងនៅពីក្រោយលោក Zelensky ដើម្បីប្រឈមមុខនឹងការឈ្លានពានរបស់រុស្ស៊ី។ ការចោទជាសំណួរលើសម្ព័ន្ធភាពដែលកំពុងប្រឈមនឹងការខ្វែកគំនិតគ្នាក្នុងការឈានទៅកាន់សមាជិកភាពរបស់អង្គការណាតូដែលជាផ្លូវមួយប្រកបដោយសក្តានុពលសម្រាប់អ៊ុយក្រែនដែលរំពឺងថានឹងទទួលបាននូវជំនួយយោធាបន្ថែមទៀត នៅក្នុងខណៈពេលដែលការវាយលុករបស់ខ្លួនកំពុងតែបន្ត។
លោក Biden បានទម្លាក់ចោលនូវរឿងដ៏រសើបដែលគេរំពឹងថាអ៊ុយក្រែននឹងចូលជាសមាជិកណាតូ ខណៈសង្រ្គាមកំពុងតែបន្ត ហើយក៏បានបង្វែទិសដៅទៅលើកំណែទម្រង់ដែលប្រទេសនេះត្រូវធ្វើបន្ថែមទៀតដើម្បីចូលរួមជាសម្ព័ន្ធមិត្តរបស់អង្គការ NATO។
កាលពីសប្តាហ៍មុនលោក Biden បានប្រាប់ទូរទស្សន៍ CNN’s Fareed Zakaria ថា “ខ្ញុំមិនគិតថាអង្គការ NATO បានឯកភាពគ្នាថាត្រូវយកអ៊ុយក្រែនចូលជាសមាជិកគ្រួសាររបស់ខ្លួនក្នុងពេលឥឡូវនេះ ឬអត់នៅក្នុងពាក់កណ្តាលផ្លូវនៃសង្រ្គាមនោះទេ”។ ហើយក៏មិនមានគម្រោងចូលរួមកិច្ចប្រជុំកំពូល “ដ៏សប្បាយៗនោះទេ”គឺគាត់ត្រូវស្វែងរកយុទ្ធសាសឲ្យកាន់តែច្បាស់សម្រាប់ប្រទេសរបស់គាត់ក្នុងការចូលរួមជាសម្ព័ន្ធមិត្តដែលនឹងត្រូវឲ្យមានការការធានាលើបញ្ហាសន្តិសុខក្នុងតំបន់។
Zelensky បាននិយាយនៅក្នុងបទសម្ភាសន៍ជាមួយ ABC ថា “ NATO មិនខ្លាចរុស្ស៊ីនោះទេហើយអ៊ុយក្រែនគួរតែទទួលបាននូវការធានាសន្តិសុខមួយឲ្យច្បាស់លាស់ ក្នុងខណៈពេលដែលខ្លួនមិនស្ថិតក្នុងសម្ព័ន្ធរបស់អង្គការអូតង់។ មានតែលក្ខខណ្ឌទាំងនេះទេ ដែលអាចធ្វើឲ្យកិច្ចប្រជុំរបស់យើងមានអត្ថន័យ បើមិនដូច្នេះទេវាគ្រាន់តែជាល្បែងនយោបាយមួយប៉ណ្ណោះទេ” ។
នៅក្នុងរយៈពេលប៉ុន្មានខែចុងក្រោយនេះលោក Biden និង លោក Zelensky បានប្រជុំគ្នាជាច្រើនដងរួចមកហើយ។ ដំណើរទស្សនកិច្ចដំបូងរបស់ប្រធានាធិបតីអ៊ុយក្រែនទៅក្រុងវ៉ាស៊ីនតោនបានធ្វើឡើងនៅមុនបុណ្យណូអែលគឺចាប់តាំងពីសង្គ្រាមបានចាប់ផ្តើមគឺជាពេលដែលលោក Biden បានទទួលជួបលោក Zelensky ជាភ្ញៀវនៅការិយាល័យសេតវិមាននៅមុនពេលដែលលោក Zelensky ថ្លែងសុន្ទរកថាទៅកាន់សភាអាមេរិក។
ពីរបីខែក្រោយមក លោក Biden បានធ្វើដំណើរទស្សនកិច្ចដ៏គួរឲ្យភ្ញាក់ផ្អើលទៅកាន់ទីក្រុង Kyiv និងប្រកាសកញ្ចប់ជំនួយមានតម្លៃជាងកន្លះពាន់លានដុល្លារអាមេរិក។
នៅក្នុងខែឧសភាពួកគេបានជួបគ្នាដោយផ្ទាល់នៅក្នុងកិច្ចប្រជុំកំពូល G-7 នៅទីក្រុងហ៊ីរ៉ូស៊ីម៉ា ប្រទេសជប៉ុន ។លោក Zelensky បានប្រើឱកាសនេះដាក់សម្ពាធលើមេដឹកនាំពិភពលោកឲ្យជួយបន្ថែមទៀត បន្ទាប់ពីរុស្ស៊ីបានដណ្តើមយកទីក្រុង Bakhmut ក្រោយពីការប្រយុទ្ធគ្នាដ៏សាហាវអស់រយះពេលជាច្រើនខែមក។
នៅក្នុងអំឡុងពេលប្រជុំកំពូលរបស់អង្គការណាតូនេះ លោក Biden អាចរងនូវការស្តីបន្ទោសពីសំណាក់សម្ព័ន្ធមិត្តស្តីពីការសម្រេចចិត្តរបស់គាត់ក្នុងការផ្តល់គ្រាប់បែកចង្កោមដល់អ៊ុយក្រែនជាលើកដំបូង។ ចំណាត់ការដែលមានគោលបំណងពង្រឹងសមត្ថភាពវាយលុករបស់អ៊ុយក្រែនបានជំរុញឲ្យមានការខ្វែងគំនិតគ្នាមួយចំនួនក្នុងសម្ព័ន្ធមិត្តរបស់លោក Biden ដែលគេបានហៅវាថាជា “ការសម្រេចចិត្តដ៏ចម្រូងចម្រាស់មួយ” នៅក្នុងបទសម្ភាសន៍របស់គាត់ជាមួយ Zakaria គាត់បាននិយាយថាដោយសារតែអ៊ុយក្រែននៅសេសសល់គ្រាប់រំសេវតិចតួចនេះជាការចាំបាច់ណាស់។ លោក Zelensky បាននិយាយកាលពីថ្ងៃសុក្រថា អ៊ុយក្រែនសូមថ្លែងអំណរគុណចំពោះកញ្ចប់ជំនួយការពារជាតិ “ទាន់ពេលវេលាដែលអ៊ុយក្រែនកំពុងត្រូវការចាំបាច់បំផុត” ពីសហរដ្ឋអាមេរិក។
“កញ្ចប់ជំនួយផ្នែកការពារជាតិភ្លាមៗទាន់ពេលវេលានេះមានន័យទូលំទូលាយណាស់ដែលអ៊ុយក្រែនកំពុងត្រូវការច្រើនថែមទៀតពីសហរដ្ឋអាមេរិក។ យើងសូមថ្លែងអំណរគុណចំពោះប្រជាជនអាមេរិក និងលោកប្រធានាធិបតី Joseph Biden ចំបោះការសម្រេចចិត្តដ៏លំបាកដែលនឹងនាំឲ្យអ៊ុយក្រែនកាន់តែឈានទៅរកជ័យជម្នះលើសត្រូវឈ្លាពាន និងបង្រឹងលទ្ធិប្រជាធិបតេយ្យឈានទៅរកជ័យជម្នះលើរបបផ្តាច់ការ ” ។
លោកបាននិយាយថា “ការពង្រីកសមត្ថភាពការពារជាតិរបស់អ៊ុយក្រែនគឺជាឧបករណ៍វាបកប្រកបដោយសក្តានុពលក្នុងការវាយដណ្តើមទឺកដីពីការកាន់កាប់របស់រុស្សីដែលជាជំហានឆ្ពោះទៅកសាងសន្តិភាពឡើងវិញ” ៕