ប្រែសម្រួល៖ រ៉ាម៉េត
សម្ដេចតេជោ ហ៊ុន សែន នាយករដ្ឋមន្ត្រីនៃកម្ពុជា បានជំរុញប្រទេសអ៊ុយក្រែនកុំឱ្យប្រើប្រាស់គ្រាប់បែកចង្កោម បន្ទាប់ពីទីក្រុងវ៉ាស៊ីនតោន បានប្រកាសផែនការបញ្ជូនអាវុធទៅទីក្រុងគៀវ ដើម្បីប្រយុទ្ធជាមួយកងទ័ពរុស្ស៊ី។
ក្រុមមនុស្សធម៌បានថ្កោលទោសយ៉ាងខ្លាំងចំពោះការសម្រេចចិត្តរបស់សហរដ្ឋអាម៉េរិកក្នុងការផ្គត់ផ្គង់គ្រាប់បែកចង្កោម(cluster bombs)ដែលអាចមិនទាន់ផ្ទុះ និងអាចបង្កគ្រោះថ្នាក់ដល់ជនស៊ីវិលជាច្រើនឆ្នាំខាងមុខ។
សម្តេច ហ៊ុន សែន បានសរសេរថា៖ «វានឹងជាគ្រោះថ្នាក់ដ៏ធំបំផុតសម្រាប់ប្រជាជនអ៊ុយក្រែនក្នុងរយៈពេលជាច្រើនឆ្នាំ ឬរហូតដល់មួយរយឆ្នាំ ប្រសិនបើគ្រាប់បែកចង្កោមត្រូវបានគេប្រើប្រាស់នៅតំបន់កាន់កាប់ដោយរុស្ស៊ីក្នុងទឹកដីអ៊ុយក្រែន»។
សម្តេចបានលើកឡើងពី “បទពិសោធដ៏ឈឺចាប់” របស់កម្ពុជាអំពីគ្រាប់បែកចង្កោមរបស់សហរដ្ឋអាម៉េរិកដែលបានទម្លាក់នៅដើមទសវត្សរ៍ឆ្នាំ 1970 ដែលជាកេរដំណែលបរទេសដែលបានបន្សល់ទុកឲ្យមនុស្សស្លូតត្រង់រាប់ម៉ឺននាក់បានស្លាប់បាត់បង់ជីវិតនិងអ្នកខ្លះធ្លាក់ខ្លួនពិការ។ “វាមានរយៈពេលជាងកន្លះសតវត្សរ៍មកហើយ។
សម្តេចនាយករដ្ឋមន្រ្តី ហ៊ុន សែន បានបន្ថែមថា មកដល់នឹងពេលនេះគឺនៅមិនទាន់មានមធ្យោបាយណាមួយដើម្បីបំផ្លាញពួកវាទាំងអស់នោះនៅឡើយទេ៕
ប្រភព៖ ALJAZEERA