ដោយ៖រតនា
![](https://cambodiaflashnews.com/wp-content/uploads/2021/06/top-banner.gif)
ភ្នំពេញ៖សម្តេចហ៊ុនសែននាយករដ្ឋមន្រ្តីកម្ពុជាបានស្នើទៅដល់អ្នកលេងបណ្តាញសង្គម TikTokដែលកន្លងមកបានយកឈ្មោះសម្តេចទៅប្រើនោះត្រូវលុបចោលទាំងស្រុងនិងជាបន្ទាន់។
សម្តេចបានបញ្ជាក់នៅក្នុងសារជាសំឡេងនៅព្រឹកថ្ងៃទី៧ ខែកក្កដា ឆ្នាំ២០២៣ថា សកម្មភាពនេះវានឹងបង្កើតឲ្យមានការភាន់ច្រឡំមួយយ៉ាងធំ។ជាមួយនោះស្នើឲ្យជំនួយការសម្តេចធ្ចើការលើរឿងនេះជាបន្ទាន់ជាមួយនឹងក្រុមហ៊ុនTikTok។
សម្តេចបានបញ្ជាក់ទៀតថា បើអ្នកដែលយកឈ្មោះសម្តេចទៅប្រើប្រាស់នោះមិនព្រមលុបចោលទេ សម្តេចនឹងចាត់វិធានការទៅតាមផ្លូវច្បាប់ដោយមិនអាចលើកលែងបានឡើយ។
សម្តេចបានលើកឡើងថា ទង្វើនេះវាអាចនឹងធ្វើឲ្យមានការយល់ខុសនៅពេលដែលគេបង្ហោះសារឬរូបភាពផ្សេងៗចេញទៅតាមរយៈគណនីដែលបានប្រើប្រាស់ឈ្មោះរបស់សម្តេចដោយគ្មានការអនុញ្ញាតនោះ។ ឥឡូវនេះសម្តេចនឹងចេញមកប្រើប្រាស់TikTokដោយផ្ទាល់គឺបង្ហោះខ្លួនឯងឬក្រុមជំនួយការរបស់សម្តេច៕