ដោយ៖សហការី
រាយការណ៏ដោយ CNN- បើយោងតាមសន្និសីទសារព័ត៌មានកាលពីថ្ងៃព្រហស្បតិ៍ដែលរៀបចំឡើងដោយប្រធានាធិបតីបេឡារុស្ស Alexander Lukashenko បានបង្កើតជាចម្ងល់ថាប្រធាន Wagner លោក Yevgeny Prigozhin មិនត្រូវបានគេប្រទះឃើញជាសាធារណៈចាប់តាំងពីថ្ងៃទី ២៤ ខែមិថុនាដែលគេគិតថាគាត់ទំនងជាស្ថិតក្នុងស្ថានភាពដ៏គ្រោះថ្នាក់។
Lukashenko បានបង្វែសាច់រឿងរបស់លោក Prigozhin ដែលជាចៅហ្វាយ Wagner ឲ្យឆ្ងាយពីគាត់គាត់បាននិយាយថា ទាំងចៅហ្វាយ Wagner Prigozhin និងទាហានស៊ីឈ្នួលគឺស្ថិតនៅបេឡារុស្សក៏ប៉ុន្តែគេនៅមិនទាន់ដឹងច្បាស់ថាតើទាំងចៅហ្វាយ Wagner Prigozhin និងទាហានស៊ីឈ្នួលនឹងត្រូវផ្លាស់ទីនៅទីណានោះទេ។
Lukashenko បាននិយាយនៅក្នុងការឆ្លើយតបទៅនឹងសំណួររបស់ CNN ” ថា ចៅហ្វាយ Wagner Prigozhin គាត់នៅ St Petersburg ឬប្រហែលជាព្រឹកនេះ គាត់នឹងធ្វើដំណើរទៅទីក្រុងមូស្គូ ឬកន្លែងផ្សេងទៀត” ។ “ប៉ុន្តែឥឡូវនេះគាត់មិននៅក្នុងប្រទេសបេឡារុស្សីនោះទេ” ។
ខណៈដែល Lukashenko បានចុះកិច្ចព្រមព្រៀងក្នុងការបញ្ចប់ការបះបោររបស់ Prigozhin នៅប្រទេសរុស្ស៊ីកាលពីខែមុនលោក Dmitry Peskov អ្នកនាំពាក្យវិមានក្រឹមឡាំង បាននិយាយថា កិច្ចព្រមព្រៀងនេះបានកើតឡើងដោយសារតែ Prigozhin និង Lukashenko បានស្គាល់គ្នា “ផ្ទាល់ខ្លួនអស់រយៈពេលជាយូរ ប្រហែល ២០ ឆ្នាំមកហើយ ”។ផ្ទុយទៅវិញ Lukashenko បាននិយាយកាលពីថ្ងៃព្រហស្បតិ៍ថាគឺលោកពូទីនទេដែលជាមិត្តដ៏យូរអង្វែងរបស់ Prigozhin ច្រើនជាងពោលគឺ “ច្រើនជាងខ្ញុំហើយស្គាល់គាត់យូរជាងខ្ញុំជាង ៣០ឆ្នាំហើយ” ។
បើយោងតាមសំដីរបស់លោក Lukashenko ហាក់ដូចជាមេដឹកនាំទាំងពីរទាំងពូទិន នឹង និង Lukashenko មិនមែនជាមិត្តរបស់ Prigozhin ទៀតទេ។
រឿងនេះមិនខុសពីភ្លើងចំបើងនោះទេចុងក្រោយវារលត់បាត់ភ្លាមៗភាពតានតឹងដ៏យូរអង្វែងរបស់ Prigozhin ជាមួយក្រសួងការពារជាតិរុស្ស៊ីគឺការទទូចឲ្យទាហានស៊ីឈ្នួល Wagner ចុះហត្ថលេខាលើកិច្ចសន្យាជាមួយរដ្ឋាភិបាលរុស្ស៊ី ដែល Prigozhin គាត់បានបដិសេធ។
កាលពីថ្ងៃព្រហស្បតិ៍ Lukashenko បានស្នើដោយទទូចថាក្រុម Wagner មកប្រទេសបេឡារុស្ស ក្រុមទាហានស៊ីឈ្នួលរបស់ខ្លួននឹងត្រូវចុះហត្ថលេខាលើឯកសារជាមួយរដ្ឋាភិបាលរបស់ប្រទេសបេឡារុស្ស។
លោកបានបន្តថា៖” យើងនឹងរៀបចំកិច្ចសន្យាជាមួយពួកគេនៅពេលពួកគេសម្រេចចិត្តបោះទីតាំងនៅក្នុងប្រទេសបេឡារុស្ស”។
យើងបានដឹងហើយថាមុនការបះបោរលោក Prigozhin ស្ថិតនៅក្នុងប្រទេសរុស្ស៊ី មិនមែននៅក្នុងប្រទេសបេឡារុស្ស ដូចដែលយើងបានឃើញស្រាប់ហើយប្រព័ន្ធផ្សព្វផ្សាយរដ្ឋរុស្ស៊ីបានចេញផ្សាយនូវរូបភាពពីការវាយឆ្មក់របស់ប៉ូលីសមកលើការិយាល័យ និងលំនៅដ្ឋានរបស់ Prigozhin ក្នុងទីក្រុង St. វីដេអូបានបង្ហាញនូវ “រឿងអាស្រូវ” ដូចជាការកឃើញនូវឃ្លាំងមាស ប្រាក់ និងសក់ពាក់ រួមជាមួយនឹងអាវុធ និងលិខិតឆ្លងដែនជាច្រើនដែលជាក់ស្តែងជាកម្មសិទ្ធិរបស់ Prigozhin ក្រោមឈ្មោះក្លែងក្លាយផ្សេងៗគ្នា។
Lukashenko ដែលជាអ្នកស្មោះត្រង់ចំពោះប្រធានាធិបតីរុស្ស៊ី លោក វ្ល៉ាឌីមៀ ពូទីន បើទោះបីជាពេលខ្លះមានភាពតានតឹងនឹងគ្នាក៏ដោយក៏គាត់បាននិយាយថា “យើងមានបណ្តាញទំនាក់ទំនង ហើយក្នុងរយៈពេលត្រឹមតែប៉ុន្មាននាទីក៏មានការសន្ទនា ហើយក្នុងរយៈពេលប៉ុន្មានម៉ោងបានជួបមុខគ្នា។ យើងជិះទូកតែមួយបើយើងឈ្លោះគ្នាវាធ្វើឲ្យទូកលិចទឹកនោះយើងទាំងពីរនឹងលង់ទឹកទាំងអស់គ្នាហើយ” ។
លោកបានមានប្រសាសន៍ថា ប្រាកដណាស់ពេលនិយាយដល់អាវុធនុយក្លេអ៊ែររបស់រុស្ស៊ីដែលទើបដាក់នៅប្រទេសបេឡារុស ប្រទេសទាំងពីរបានចូលរួមដោយត្រង់ទៅត្រង់មក។
លោកបានមានប្រសាសន៍ថា “គឺក្នុងគោលបំណងការការពារតែប៉ុណ្ណោះ”។ បើរុស្ស៊ីប្រើអាវុធនុយក្លេអ៊ែរ “ ខ្ញុំនឹងប្រឹក្សាជាមួយសម្ព័ន្ធមិត្តមុននឹងប្រើប្រាស់វា” ៕