ប្រែសម្រួល៖សហការី
លោកប្រធានាធិបតី Volodymyr Zelensky បានប្រាប់ CNN ព្រមជាមួយគ្នានឹងការធ្វើបទសម្ភាសន៍ជាមួយសារពត៍មាន Exclusive ដែលបានចាក់ផ្សាយកាលពីថ្ងៃពុធថាការវាយលុករបស់អ៊ុយក្រែនត្រូវបាន “កាត់បន្ថយ” ដោយសាររុស្ស៊ីបានពង្រឹងខ្សែការពារបានយ៉ាងរឹងមាំ ហើយអ៊ុយក្រែនត្រូវដាក់គៅលដៅវាយលុកឲ្យមានសន្ទុះ “លឿនជាងនេះ”ថែមមួយកម្រឹតទៀត ។
ថ្លែងទៅកាន់អ្នយកព័ត៌មានប្រជាំទូរទស្សន៍ CNN គឺErin Burnett មកពីក្រុង Odesa បាននិយាយថា លោក Zelensky បានត្អូញត្អែថាមិនមាន “អាវុធគ្រប់គ្រាន់” បណ្តាលឲ្យយោធារបស់គាត់មិនអាច “សូម្បីតែគិតអំពីការចាប់ផ្តើម” ធ្វើការវាយបកទៅលើរុស្សី។
គាត់បានប្រាប់ Burnett តាមរយៈអ្នកបកប្រែថា “ខ្ញុំសម្តែងការដឹងគុណដ៏ជ្រាលជ្រៅចំពោះសហរដ្ឋអាម៉េរិក ដែលបានដឹកនាំឈានមុខគេក្នុងការគាំទ្រយើង ប៉ុន្តែខ្ញុំបានប្រាប់ពួកគេហើយទាំងមេដឹកនាំអាម៉េរិកនឹងអឺរ៉ុបថា យើងចង់ធ្វើការវាយលុកឲ្យបានមុនពេលនេះ ហើយយើងត្រូវការសព្វាវុធគ្រប់ធុនទាំងអស់ និងគ្រឿងបរិក្ខារសិកសម្រាប់គាំទ្រដល់យុទ្ធនាការវាយលុកដ៏ខ្លាំងក្លាមួយនេះ” តែហេតុអ្វីទៅ? ដោយសារតែយើងដើរក្រោយសភាពការទើបវាយឺតបែបនេះ”។
មេដឹកនាំអ៊ុយក្រែនបានបន្ថែមថាឥឡូវនេះយើងកំពុងឈានដល់ការវាយលុកដែលមានស្ថានភាពយឺតយ៉ាវហើយបង្កការលំបាកស្មុកស្មាញនៅលើសមរភូមិជាក់ស្តែង ។
“ខ្ញុំចង់បានការវាយលុករបស់យើងធ្វើងបានលឿនជាងមុននេះបន្តិច ព្រោះគ្រប់គ្នាយល់ហើយថា ប្រសិនបើការវាយលុកធ្វើឡើងយីតនោះមួយផ្នែកធំនៃទឹកដីរបស់យើងនឹងត្រូវបានរុស្សីជីកយករ៉ែអស់។ យើងផ្តល់ពេលវេលា និងលទ្ធភាពគ្រប់គ្រាន់ដល់សត្រូវរបស់យើងក្នុងការដាក់គ្រាប់មីនបន្ថែមទៀត នឹងពង្រឹងខ្សែការពារជួរមុខបានយ៉ាងរឹងមាំជាទីបំផុត”។
មន្ត្រីអ៊ុយក្រែនបានទទូចម្តងហើយម្តងទៀតថាក្នុងពេលដែលការវាយលុកកំពុងប្រព្រិត្តទៅគ្រឿងឧបករណ៏យោធាដ៏សំខាន់ៗនៅមិនទាន់មកដល់នៅឡើយទេ។
អនុរដ្ឋមន្ត្រីក្រសួងការពារជាតិ លោក Hanna Maliar បាននិយាយកាលពីខែមុនថា អ៊ុយក្រែនកំពុងត្រៀមកម្លាំងបំរុងមួយចំនួនរបស់ខ្លួនដែលថា “ការវាយប្រហារជាចម្បង” នៅតែដាគោលដៅនៅពេលខាងមុខនេះ។
Zelensky បានប្រាប់ Burnett ថាគោលដៅដែលអ៊ុយក្រែនកំណត់ធ្វើការវាយប្រហារគឺនៅចាំតែពេលវេលានោះទេនេះគឺជាបញ្ហាចម្បងបំផុតសម្រាប់យើង។ “បើយើងចាប់ផ្តើមនៅពេលក្រោយនោះហើយវានឹងកាន់តែលំបាកសម្រាប់យើង”។
វាញយដងណាស់មកហើយបើគិតចាប់តាំងពីរុស្ស៊ីបានលុកលុយយ៉ាងពេញទំហឹងក្នុងទឹកដីអ៊ុយក្រែនកាលពីខែកុម្ភៈឆ្នាំ ២០២២ លោក ប្រធានាធិបតីបានទទូចសុំរដ្ឋាភិបាលលោកខាងលិចឲ្យផ្តល់សព្វាវុធទំនើបៗបន្ថែមទៀតដូចជាប្រព័ន្ធមីស៊ីលយុទ្ធសាស្ត្ររយៈចម្ងាយឆ្ងាយដែលផលិតដោយសហរដ្ឋអាមេរិកជាដើម។
លោកបានបន្តថា៖ “ នៅលើគោលដៅមួយចំនួន វានឹងផ្តល់ឱកាសសម្រាប់យើងចាប់ផ្តើមធ្វើការវាយលុកយ៉ាងសាហាវទៅលើសត្រូវរបស់យើង។ លោកបន្តថា៖ “ នៅក្នុងគោលដៅខ្លះ យើងមិនអាចគិតបានទេ ព្រោះយើងមិនមានអាវុធគ្រប់គ្រាន់។ ហើយការបណ្តោយឲ្យប្រជាជនយើងស្លាប់ក្រោមការវាយប្រហារដោយអាវុធរយះចម្ងាយឆ្ងាយរបស់រុស្ស៊ីនឹងហើយវាជារឿងអមនុស្សធម៌បំផុត”។
គាត់សង្កត់ធ្ងន់ថាចំពោះការត្អូញត្អែរស្នើសុំយន្តហោះចម្បាំង F-16 ដែលផលិតដោយអាមេរិក។ សហរដ្ឋអាមេរិកបានអនុញ្ញាតឲ្យសម្ព័ន្ធមិត្តរបស់ខ្លួនចាប់ផ្តើមបណ្តុះបណ្តាលអ្នកបើកយន្តហោះអ៊ុយក្រែនឲ្យចេះហោះហើរយន្តហោះទាំងនោះ ប៉ុន្តែនៅមិនទាន់បានអនុញ្ញាតឲ្យសម្ព័ន្ធមិត្តផ្តល់យន្តហោះទាំងនោះទៅកាន់អ៊ុយក្រែននៅឡើយទេ។
“នេះគ្រាន់តែជាការស្មើរបស់គាត់តែប៉ុណ្ណោះ យន្តហោះចម្បាំង F-16 មិនត្រឹមតែជួយអ្នកប្រយុទ្ធនៅលើសមរភូមិឲ្យមានសន្ទុះខ្លាំងក្លាក្នុងការេវាយរុលទៅមុខប៉ុណ្ណោះទេវាពិតជាពិបាកណាស់បើយើងគ្មានជំនួយពីទ័ពអាកាស” ។
- ‘តើពូទីនរត់ទៅណា?’
ក្នុងកិច្ចសំភាសន៍របស់ Burnett ជាមួយ Zelenskyបានធ្វើឡើងនៅចំពេលដ៏សំខាន់មួយដែលជាច្រើនសប្តាហ៍មកហើយការវាយលុករបស់អ៊ុយក្រែនបានកើតឡើងបន្ទាប់ពីមានការបះបោរប្រដាប់អាវុធរបស់ Wagner នៅក្នុងប្រទេសរុស្ស៊ីកាលពីខែមុន។
គាត់ក៏បានស្នើផងដែរថា មេដឹកនាំរុស្សី មានការចាប់អារម្មណ៍ជាសាធារណៈ ចាប់តាំងពីកិច្ចព្រមព្រៀងវិមានក្រឹមឡាំងសម្ងាត់ ដែលបានបញ្ចប់ការបះបោរដ៏វឹកវររបស់ Wagner ។
“បន្ទាប់ពីព្រឹត្តិការណ៍ទាំងអស់នេះ តើពូទីនទៅណា?” Zelensky បាននិយាយថា “គាត់កម្រនឹងចេញក្រៅណាស់។ យើងឃើញគាត់នៅក្នុងការិយាល័យរបស់គាត់ ប៉ុន្តែយើងមិនដែលឃើញគាត់ចេញមកក្រៅទេ” ។យោងតាមការស៊ើបអង្កេតរបស់អ៊ុយក្រែនបានបង្ហាញថា វិមានក្រឹមឡាំងកំពុងស្ទាបស្ទង់ការគាំទ្រចំពោះលោក Prigozhin។ “ពលរដ្ឋជាងពាក់កណ្តាលរបស់រុស្ស៊ីបានគាំទ្រ Prigozhin និងពាក់កណ្តាលទៀតគាំទ្រលោកពូទីន” លោក Zelensky បាននិយាយថា “តំបន់មួយចំនួននៃប្រទេសរុស្ស៊ីមានតុល្យភាពប្រហាក់ប្រហែលគ្នាដោយមិនដឹងថាអ្នកណាទទួលបានការគាំទ្រច្រើនជាងនោះទេ” ។
“ខ្ញុំអាចនៅជាមួយតន្ត្រីតែម្នាក់ឯងក៏បានដែ”
យើងមិនបាច់ឆ្ងល់នោះទេតាមពិតទៅលោក Zelensky ទំនងជាប្រឈមនឹងសភាពការតានតឹង ។ គាត់កំពុងខិតខំប្រឹងប្រែងធ្វើសង្រ្គាមប្រឆាំងនឹងរុស្សី ដោយជំរុញពលរដ្ឋនិងសម្ព័ន្ធមិត្តឲ្យព្យាយាមទប់ទល់ការប៉ុនប៉ងវាយប្រហាររបស់សត្រូវដែលនឹងខិតជិតមកដល់ហើយ។
គាត់បានប្រាប់ Burnett ថា “ខ្ញុំនៅតែស្មោះត្រង់ជាមួយប្រជាជន” “គិតអំពីប្រជាជនឥតឈប់ឈរ ខ្ញុំខឹងនឹងខ្លួនឯងនៅពេលដែលមិនអាចជួយប្រជាជនបានគឺមិនដូចពូទីនឥឡូវនេះដែលមិនចេញពីរូងលាក់ខ្លួននោះទេ” ។
លោក Zelensky បាននិយាយថាការគំរាមកំហែងឥតឈប់ឈរមកលើជីវិតរបស់គាត់ជាការរំខានគាត់ផងដែ។
“អ្នកអាចបង្ខាំងខ្លួនអ្នកនៅក្នុងទ្រុងដូចសត្វមួយក្បាល ហើយដាក់ច្រវាក់ខ្លួនឯងនៅទីនោះ ដោយគិតជានិច្ចថាអ្នកជិតត្រូវបានគេសម្លាប់ហើយ វាប្រាកដណាស់ហើយដែលថា អង្គរក្សរបស់ខ្ញុំគួរតែខិតខំការពារកុំឲ្យមានរឿងនេះកើតឡើងដែលជាភារកិច្ចរបស់ពួកគេ ខ្ញុំមិនខ្វល់ទេ” ។
លោក Zelensky បាននិយាយជាភាសាអង់គ្លេសទៅកាន់លោក Burnett ថាគាត់ឲ្យតម្លៃលើពេលវេលាដែលរស់នៅក្នុងសភាពឯកោ។
“វាជាការពិតខ្ញុំអាចរស់នៅម្នាក់ឯងជាមួយតន្ត្រី ឬជាមួយសៀវភៅ ហើយនៅពេលព្រលឹមគ្មានឭសំឡេង គ្មានមនុស្សម្នាគឺគ្មាននរណាម្នាក់នៅក្បែសោះឡើយ។
“ខ្ញុំគ្រាន់តែអាចអានសៀវភៅហើយគិតហើយគិតទៀតតន្ត្រីក៏ជាឧប្បករណ៏ដែលអាចជួយកំដរភាពឯកោរបស់ខ្ញុំបានផងដែរ” ។
Burnett បានសួរគាត់ថាតើគាត់ចូលចិត្តតន្ត្រីរអ្វី
“ខ្ញុំចូលចិត្ត AC/DC និងតន្ត្រីអ៊ុយក្រែនជាការពិតណាស់ ខ្ញុំចូលចិត្តតន្ត្រីអ៊ុយក្រែនខ្លាំងណាស់ ព្រោះអ៊ុយក្រែនជាភាសាកំណើតរបស់ខ្ញុំ នោះហើយជាមូលហេតុដែលអ្នកយល់មិនត្រឹមតែតន្ត្រីទេអ្នកយល់ ពាក្យថាAC/DC ខ្ញុំមិនយល់ពាក្យទាំងអស់នោះទេ ខ្ញុំចូលចិត្តមេឡូឌីរបស់ AC/DC ។
ការហាត់ប្រាណនៅម៉ោងប្រាំមួយឬប្រាំពីរព្រឹកតាមចង្វាក់តម្រ្តី AC/DC គាត់បាននិយាយថា “វាបានផ្តល់ឲ្យអ្នកនូវថាមពលពេញមួយថ្ងៃ” ៕