ដោយ៖តុលា
![](https://cambodiaflashnews.com/wp-content/uploads/2021/06/top-banner.gif)
ប្រធានាធិបតីអ៊ុយក្រែនហ្សេឡិនស្គីប្រកាសព្រមានមិនចូលរួមកិច្ចប្រជុំអង្គការណាតូបើមេដឹកនាំសម្ព័ន្ធនេះគ្មានភាពក្លាហាន ផ្តល់ជូននូវលទ្ធផលគាប់ចិត្តដល់ខ្លួន។
នេះបើយោងតាមប្រភព Ihor Zhovkva ជាអនុប្រធានការិយាល័យប្រធានាធិបតី និងជាទីប្រឹក្សាការទូតរបស់ Zelenskyyផ្ទាល់ក្នុងបទសម្ភាសន៍ជាមួយ Reuters រាយការណ៍ដោយ កាសែត European Pravda ។ នៅពេលសួរថាតើលក្ខខណ្ឌអប្បបរមាសម្រាប់វត្តមានរបស់ Zelenskyy នៅក្នុងកិច្ចប្រជុំកំពូលរបស់អង្គការណាតូ លោក Zhovkva បានឲ្យដឹងថា៖ “លោកប្រធានាធិបតីនឹងមិនធ្វើដំណើរទៅកាន់កិច្ចប្រជុំកំពូលទេ ប្រសិនបើមេដឹកនាំម្នាក់ៗមានទំនោរមិនហ៊ានចង់ ឬបង្ហាញពីភាពក្លាហានដាក់អ៊ុយក្រែន ខណៈអ៊ុយក្រែនដែលមានភាពក្លាហាន ឆន្ទៈ និងកម្លាំង និងសីលធម៌ខ្ពស់ កំពុងតែប្រឆាំងនឹងការឈ្លានពានរបស់រុស្ស៊ី”។
លោកបានបន្ថែមថា ប្រធានាធិបតីអ៊ុយក្រែន “មិនមានហេតុផល និងពេលវេលាដើម្បីទៅ” កិច្ចប្រជុំកំពូលនៅទីក្រុង Vilnius ប្រសិនបើ “គ្មានលទ្ធផល”ជាទីគាប់ចិត្តសម្រាប់អ៊ុយក្រែន។ ក្នុងន័យនេះ គេមិនច្បាស់ថាហ្សេឡិនស្គីចង់បានអ្វីពីណាតូទេ ខណៈដែលណាតូបានផ្តល់គ្រប់យ៉ាងទាំងជំនួយអាវុធរាប់ពាន់លានដុល្លារកន្លងមក លើកលែងតែសមាជិកភាព។ យោងតាមទីប្រឹក្សារបស់ Zelenskyy អ៊ុយក្រែនកំពុងខិតជិតទទួលបានការអញ្ជើញសម្រាប់កិច្ចប្រជុំហើយ៕
ប្រភព៖ Ukrianska Pravda