ដោយៈ សហការី
![](https://cambodiaflashnews.com/wp-content/uploads/2021/06/top-banner.gif)
កូនឆ្កែ Rocky វៃឆ្លាតមួយក្បាលមានអណ្ដាតដ៏វែង ៥.៤៦ អ៊ីញ បានបំបែកឯតទគ្គកម្មពិភពលោក Guinness។
ឆ្កែ Rocky នេះមកពីភាគខាងលិចនៃប្រទេសអូស្តាលី វាបានបង្កើតឯតទគ្គកម្មពិភពលោក Guinness សម្រាប់អណ្ដាតវែងប្រវែងដល់ទៅ ៥.៤៦ អ៊ីញ ដែលអណ្ដាតរបស់វានេះគឺវែងបំផុតលើសសត្វឆ្កែដ៏ទៃទៀតនៅលើពិភពលោក។ មុននឹង Rocky ជាប់កំណត់ត្រានេះ ក៏មានកូនឆ្កែឈ្មោះ The Illinois មានអាយុ ៩ ឆ្នាំ វាគឺជាឆ្កែសំណព្វចិត្តរបស់ Brad និង Crystal Williams ហើយវាជាអ្នកកាន់កំណត់ត្រាកាលពីមុន បន្ទាប់ពី Mochi ដែលបានងាប់ទាត់ទៅហើយនោះ។
ម្ចាស់របស់ Rocky តែងតែដឹងថា កូនឆ្កែរបស់ខ្លួនមានអណ្តាតវែងខុសពីធម្មតា ប៉ុន្តែនៅមិនទាន់បានបញ្ជាក់ថា មានឱកាសឈ្នះកំណត់ត្រាពិភពលោកដែរឬយ៉ាងណានោះទេ។ នាងបានឮគេនិយាយថា ចំណាត់ថ្នាក់ឈ្នះកំណត់ត្រាថ្មីគឺចន្លោះពី ៣ ទៅ ៤ អ៊ីងតែប៉ុណ្ណោះ។ ខណៈនោះដែរនាងក៏បានគិតថា “ឱព្រះជាម្ចាស់អើយ ខ្ញុំគិតថាពួកយើងចាញ់ហើយ ខ្ញុំត្រូវតែពិនិត្យមើលរឿងនេះឡើងវិញ” នេះគឺជាសំដីរបស់ Crystal បានប្រាប់សារព័ត៌មានក្នុងស្រុក 25NewsNow យ៉ាងដូច្នេះ។
ក្នុងដំណើរការដាក់ពាក្យស្នើសុំចូលរួមប្រកួត មានសភាពទូលំទូលាយ ម្ចាស់កូនឆ្កែមានមោទនភាពចំពោះឆ្កែរបស់គាត់ខ្លាំងណាស់ គាត់បាននិយាយថា គាត់បានពិនិត្យពីរបីដងរួចមកហើយ មុនពេលដាក់ពាក្យចូលប្រកួត។ “ខ្ញុំបាននិយាយជាមួយពេទ្យសត្វ គាត់បានប្រាប់ខ្ញុំថា គាត់បានវាស់អណ្តាតវារួចហើយ ឃើញថាវែងល្អណាស់” វាធ្វើឲ្យខ្ញុំរំភើបយ៉ាងខ្លាំង យើងមានសាក្សីដែលជាអ្នកថតវីដេអូ និងអ្នកថតរូបផងដែ”។
Guinness បានបញ្ជូនពេទ្យសត្វរបស់ពួកគេ គឺលោកវេជ្ជបណ្ឌិត Bernard Bleem ទៅវាស់អណ្តាតគូប្រកួត។ Bleem បាននិយាយថា “Rocky គឺជាឆ្កែដ៏អស្ចារ្យដែលបានយកឈ្នះដៃគូប្រកួត វាពិតជាសមនឹងទទួលបានជ័យជំនះនេះណាស់” ៕