ដោយ៖ សហការី
![](https://cambodiaflashnews.com/wp-content/uploads/2021/06/top-banner.gif)
អ្នកនេសាទម្នាក់ត្រូវបានត្រីឆ្លាមដ៏ធំមួយក្បាល ខាំទាញធ្លាក់ពីលើទូកនៅ Everglades ក្នុងរដ្ឋផ្លរីដា ខណៈពេលដែលគាត់កំពុងលាងដៃ។
ខ្លីបវីដេអូមួយបានចែករំលែកនូវរឿងរាវដ៏គួរឲ្យរុន្ធត់ ពេលដែលគេថតបានពីសកម្មភាពអ្នកនេសាទម្នាក់ ត្រូវត្រីឆ្លាមខាំទាញធ្លាក់ពីលើទូកនៅ Everglades ក្នុងរដ្ឋផ្លរីដា។ ហេតុការណ៍ដ៏រន្ធត់នេះបានកើតឡើង បន្ទាប់ពីបុរសនោះបានលាងដៃនៅក្នុងទឹក ខណៈដែលមិត្តភ័ក្តិរបស់គាត់បានប្រាប់ថា ឲ្យប្រយ័ត្នចំពោះគ្រោះថ្នាក់ខាងលើនេះ។ បុរសជាអ្នកថតបាននិយាយថា “កុំដាក់ដៃចូលក្នុងទឹកប្រយ័ត្នគ្រោះថាក់ដោយត្រីខាំ”។ បុរសនោះឆ្លើយថា “វាមិនកើតអីនោះទេត្រឹមតែពីរវិនាទីនោះ” ខណៈដែលគាត់អោនទៅម្ខាងនៃទូក ហើយទម្លាក់ដៃទាំងពីរចូលក្នុងទឹក។
ភ្លាមៗនោះត្រីឆ្លាមមួយក្បាលបានខាំដៃស្តាំអ្នកនេសាទ ហើយអូសគាត់ធ្លាក់ចូលទៅក្នុងទឹក ខណៈនោះគាត់ក៏ស្រែកឡើងភ្លាត់មាត់យ៉ាងខ្លាំង។ ត្រីឆ្លាមក៏ហាមាត់ពីការខាំដៃបុរសនោះ ហើយគាត់ក៏ព្យាយាមតោងឡើងមកលើទូក ទាំងដៃមានរបួសប្រឡាក់សុទ្ធតែឈាម។
មិត្តភក្តិក៏ស្រែកឡើងទាំងភ័យស្លន់ស្លោថា “ឆាប់យកគាត់ទៅ ជួយទទួលគាត់ផង! ឆាប់ឡើងយកគាត់ទៅផង!” ខណៈមនុស្សម្នាក់ទៀតនៅលើទូកស្រែកថា “ឱព្រះអើយ”។ ដោយសាមានមិត្តភ័ក្តិជួយ បុរសនោះអាចតោងឡើងលើទូកវិញដោយសុវត្តភាព។
បើយោងតាមគណនី Instagram របស់ Florida លោក Michael Russo ដែលជាមិត្តភ័ក្តិរបស់គាត់ ជាអ្នកថតបានរូបភាពនៃការវាយប្រហារនេះបាននិយាយថា គាត់បានបើកទូកត្រឡប់ទៅ ដីគោកវិញយ៉ាងប្រញាប់ ហើយអ្នកនៅឧទ្យានក៏បានមកជួយជនរងគ្រោះទាន់ពេល៕