ដោយ៖តុលា
![](https://cambodiaflashnews.com/wp-content/uploads/2021/06/top-banner.gif)
ក្រុមហ៊ុនផលិតរថយន្តជប៉ុន Suzuki Motor Corp (7269.T) បាននិយាយនៅថ្ងៃអង្គារនេះថា ខ្លួនបានឈានដល់កិច្ចព្រមព្រៀងជាមួយ SkyDrive Inc ដើម្បីបង្កើត “រថយន្តហោះ” ។
ក្រុមហ៊ុន Suzuki បាននិយាយនៅក្នុងសេចក្តីថ្លែងការណ៍មួយថ្ងៃចន្ទថា ក្រុមហ៊ុននឹងប្រើប្រាស់រោងចក្រ Suzuki Group នៅកណ្តាលប្រទេសជប៉ុន ដើម្បីជាកន្លែងសម្រាប់ធ្វើរថយន្តហោះប្រភេទ (eVTOL)នៅប្រហែលនិទាឃរដូវឆ្នាំក្រោយតែម្តង។ ក្រុមហ៊ុនផលិតរថយន្តបាននិយាយថា SkyDrive នឹងបង្កើតក្រុមហ៊ុនបុត្រសម្ព័ន្ធដែលគ្រប់គ្រងទាំងស្រុងដើម្បីធ្វើយន្តហោះ ហើយក្រុមហ៊ុន Suzuki ខ្លួនឯងនឹងជួយរៀបចំសម្រាប់ការផលិត រួមទាំងការធានានូវគុណភាព។
បើនិយាយពី SkyDrive ដែលមានទីស្នាក់ការកណ្តាលនៅភាគកណ្តាលប្រទេសជប៉ុន។ វាមានភាគហ៊ុនក្នុងដៃនូវពាណិជ្ជកម្ម Itochu Corp (8001.T) ភាគហ៊ុននៅក្រុមហ៊ុនបច្ចេកវិទ្យា NEC Corp (6701.T) និងនៅក្រុមហ៊ុនថាមពល Eneos Holdings Inc (5020.T) ក្នុងចំណោមម្ចាស់ភាគហ៊ុនសំខាន់ៗរបស់ខ្លួន។ SkyDrive និង Suzuki បានចុះហត្ថលេខាលើកិច្ចព្រមព្រៀងកាលពីខែមីនាឆ្នាំមុន ដើម្បីសហការក្នុងការស្រាវជ្រាវ ការអភិវឌ្ឍ និងទីផ្សាររថយន្តហោះ៕
ប្រភព៖ REUTERS