លោក Kyle Foreman អ្នកនាំពាក្យការិយាល័យប៉ូលិស Grant County បានថ្លែងនៅក្នុងសន្និសីទសារព័ត៌មានលើការបាញ់ប្រហារដ៏រន្ធត់មួយនៅជិត Gorge Amphitheatre ក្នុងទីក្រុងវ៉ាស៊ីនតោន។
![](https://cambodiaflashnews.com/wp-content/uploads/2021/06/top-banner.gif)
ការិយាល័យប៉ូលិ Grant County បានថ្លែងថានៅក្នុងការបាញ់ប្រហារដ៏សាហាវឃោឃៅនេះបណ្តាលឲ្យមនុស្សពីរនាក់បានស្លាប់និងជាច្រើននាក់ទៀតបានរងរបួសនៅកន្លែងបោះតង់ជិត Gorge Amphitheatre ក្នុងក្រុង Washington នៅពេលប្រារពពិធីបុណ្យតន្ត្រីរាំអេឡិចត្រូនិកកាលពីយប់ថ្ងៃសៅរ៍។
អាជ្ញាធរបាននិយាយថា មនុស្សបីនាក់បានរងរបួសដោយរួមទាំងជនដៃដល់ដែលជាអ្នកបាញ់ប្រហារផងដែរដែលក្រោយមកត្រូវបានសមត្ថកិច្ចចាប់ខ្លួន។
យោងតាមរបាយការណ៍ស្តីពីការបាញ់ប្រហារនេះបានកើតឡើងកាលពីវេលាម៉ោង៨និង២៥នាទីយប់ ថ្ងៃសៅរ៍។ ការិយាល័យប៉ូលិសបានបង្ហោះព័ត៌មានលើបណ្តាញសង្គមថាការបាញ់ប្រហារនេះបានកើតឡើងនៅកន្លែងបោះតង់ក្បែរក្រុង George។
បើយោងតាមអ្នកនាំពាក្យ លោក Kyle Foreman បានថ្លែងថា ជនសង្ស័យដែលជាអ្នកបាញ់ប្រហារបានគេចខ្លួនចេញពីកន្លែងកើតហេតុនៅខណៈពេលដែលក្រុមមន្ត្រីប៉ូលិសបានតាមចាប់ខ្លួនគាត់។ លោក Foreman បាននិយាយថា ជនសង្ស័យបានបាញ់ប្រហារដោយ “ចៃដន្យ” ចូលទៅក្នុងហ្វូងមនុស្ស ខណៈដែលជននេះកំពុងរត់គេចខ្លួន ហើយក្រោយមកគាត់ត្រូវប៉ូលិសចាប់ខ្លួន។
ក្នុងកិច្ចអន្តរាគមន៍របស់សមត្ថកិច្ចឆ្លើយតបនឹងការបាញ់ប្រហារនេះការវាយប្រហារពីសំណាក់មន្ត្រីប៉ូលិសទៅលើគោលដៅដែលពាក់ព័ន្ធក៏បានកើតឡើងនៅក្នុងខណៈពេលនោះផងដែនេះបើយោងតាមការិយាល័យប៉ូលិស។ ការិយាល័យប៉ូលិសបាននិយាយថា ឧប្បត្តិហេតុនេះអង្គភាពស៊ើបអង្កេតពិសេស North Central Washingtonកំពុងធ្វើការស៊ើបអង្កេត។
លោក Foreman បានថ្លែងថា រោងមហោស្រព Gorge Amphitheatre កំពុងរៀបចំប្រារព្ធពិធីបុណ្យតន្ត្រីរយៈពេលពីរថ្ងៃដែលមានឈ្មោះថា Beyond Wonderland នៅពេលនោះ ហើយកន្លែងបោះតង់ក៏ស្ថិតនៅចម្ងាយច្រើនរយម៉ែត្រពីកន្លែងនោះ។
អាជ្ញាធរមិនបានផ្តល់ព័ត៌មានលម្អិតអំពីជនសង្ស័យ ជនរងគ្រោះ និង អាវុធដែលជនសង្ស័យបានប្រើ ឬបញ្ជាក់អំពីហេតុផលនៃឧបទ្ទវហេតុនេះទេ។
ការិយាល័យប៉ូលិស Grant County បានធ្វើការព្រមានថា “កន្លែងដែលបានបោះតង់នៅ Gorge Gate H ត្រូវបានបិទដោយសារតែឧបទ្ទវហេតុ។ អ្នកគ្រប់គ្រងមហោស្រពនេះបានបង្ហោះសារនៅលើ tweet មួយកាលពីយប់ថ្ងៃសៅរ៍ថា អ្នកទៅចូលរួមក្នុងពិធីបុណ្យ ឬនៅកន្លែងបោះតង់មិនមានគ្រោះថ្នាក់អ្វីទេ។
នៅព្រឹកថ្ងៃអាទិត្យ មហោស្រពបានប្រកាសលុបចោលការសំដែងនៅថ្ងៃនោះ។
Beyond Wonderland បានប្រាប់ឲ្យដឹងថា “ដោយសារតែឧបទ្ទវហេតុដែលបានកើតឡើងនៅក្នុងកន្លែបោះតង់កាលពីយប់មិញ យើងខ្ញុំមានការសោកស្តាយចំពោះការជូនដំណឹងថាមហោស្រពសម្រាប់ថ្ងៃទី ២ នៃ Beyond Wonderland at the Gorge ត្រូវបានលុបចោលជាយថាហេតុ” ។ “យើងសូមថ្លែងអំណរគុណយ៉ាងជ្រាលជ្រៅដល់អាជ្ញាធរមូលដ្ឋាន និងបុគ្គលិកដែលបានចាត់វិធានអន្តរាគមឆ្លើយតបនឹងសភាពការបានយ៉ាងឆាប់រហ័សនឹងគ្រប់គ្រងស្ថានការណ៍បានល្អ។ យើងខ្ញុំសូមចូលរួមរំលែកទុក្ខដ៏ក្រៀមក្រំចំពោះក្រុមគ្រួសារ មិត្តភ័ក្តិ និងអ្នកដែលរងគ្រោះទាំងអស់ក្នុងឧបទ្ទវហេតុដ៏សោកសៅនេះ” ៕