ដោយ៖វិចិត្រ
ភ្នំពេញ៖បុរស៣នាក់ជិះម៉ូតូឌុបគ្នាបានជ្រុលទៅបុកសួនច្បារចែកផ្លូវ បណ្ដាលឱ្យម្នាក់ស្លាប់ភ្លាម និង២នាក់ទៀតរងរបួសធ្ងន់។ គ្រោះថ្នាក់ចរាចរនេះបានកើតឡើងនៅតាមផ្លូវបុរីអង្គរ ស្ថិតក្នុងសង្កាត់ ទួលសង្កែទី២ ខណ្ឌឫស្សីកែវ កាលពីយប់ថ្ងៃទី១២ ខែមិថុនា។
មន្ត្រីនគរបាលបានឱ្យដឹងថា បុរសបាត់បង់ជីវិតឈ្មោះ ផាន់ លិន អាយុ ២៧ ឆ្នាំ ជាអ្នកដាំផ្កាលក់ កន្លែងកំណើតស្រុកខ្សាច់កណ្ដាល ខេត្តកណ្ដាល។សព្វថ្ងៃស្នាក់នៅសង្កាត់ទួលសង្កែទី១ ខណ្ឌឫស្សីកែវ។ចំណែក២នាក់ទៀតរងរបួសធ្ងន់។
មុនកើតហេតុ ពួកគេបានជិះម៉ូតូម៉ាកហុងដាប៊ីត ផ្លាកលេខភ្នំពេញ 1KB-0151 ឌុបគ្នាចេញពី កន្លែងស្នាក់នៅ ហើយបានធ្វើដំណើរតាមផ្លូវបុរីអង្គរពីជើងទៅត្បូង។មកដល់ត្រង់ផ្លូវកោង ក៏ជ្រុលបុកសួនចែកផ្លូវបណ្ដាលឱ្យដួលបោកក្បាលស្លាប់ភ្លាមៗ។ចំណែក២នាក់ទៀតរងរបួសធ្ងន់ ត្រូវបានរថយន្តដឹកយកទៅមន្ទីរពេទ្យភ្លាមៗដើម្បីសង្គ្រោះ។ក្រោយកើតហេតុសមត្ថកិច្ចមូលដ្ឋាន បានប្រគល់សពឱ្យក្រុមគ្រួសារយកទៅធ្វើបុណ្យ៕
