ដោយ៖ សហការី
ការប្រកួតរវាង Floyd Mayweather ជាមួយ John Gotti III បានបញ្ចប់ដោយមានការប៉ះទង្គិចគ្នា ដ៏ច្របូកច្របល់នៅលើសង្វៀន។
ការប្រកួតប្រដាល់រវាងលោក Floyd Mayweather ជាមួយលោក John Gotti III បានបញ្ចប់ទៅដោយការប៉ះទង្គិចគ្នាប្រកបដោយហិង្សារវាងក្រុមអ្នកប្រដាល់ទាំងពីរ កាលពីយប់ថ្ងៃអាទិត្យ ទី១១ ខែមិថុនា ឆ្នាំ២០២៣ នៅ FLA Live Arena ក្នុង Sunrise រដ្ឋ Fla។ ការប្រកួតបានធ្លាក់ទៅក្នុងសភាពជ្រួលច្របល់ ខណៈដែលអាជ្ញាកណ្តាលលោក Kenny Bayless បានបញ្ឈប់ការប្រកួតនៅវេលាដែលសេសសល់ តិចជាងមួយនាទីក្នុងទឹកទីប្រាំមួយ។
Gotti ដែលជាចៅប្រុសរបស់ចៅហ្វាយក្រុងញូវយ៉ក លោក John Gotti បានស្រែកជេ រMayweather ថា “ហ្វុក យូ” ។ នៅមុនពេលដែលអាជ្ញាកណ្តាលបញ្ឈប់ការប្រកួត ហើយបំបែកចេញពីគ្នា។ Gotti III អាយុ ៣០ ឆ្នាំ បានរំលងអាជ្ញាកណ្តាល Bayless ទៅដាល់ Mayweather អាយុ ៤៦ ឆ្នាំ ពីរបីដង ខណៈពេលនោះសមាជិកក្រុមរបស់ Mayweather បានហក់ឡើងលើសង្វៀន ដើម្បីតតាំងជាមួយនឹង Gotti បង្គោលក្រហម។ ហិង្សានេះមិនបានបង្កឲ្យមានរបួសស្នាមនោះទេ ខណៈដែលអ្នកគូប្រកួតទាំងសងខាងត្រូវបានគេនាំទៅកាន់បន្ទប់ចាក់សោរៀងៗខ្លួន។
ភ្លើងកំហឹងដំបូងបានផ្ទុះឡើងខណៈដែល Mayweather មានប្រៀបច្រើននៅក្នុងការប្រកួតហើយក្នុងខណៈនោះ Gotti ត្រូវបានអាជ្ញាកណ្តាលចាប់កំហុសក្នុងការប្រកួត ហើយមានប្រើពាក្យសំដីជេប្រមាថជាញឹកញាប់។ Mayweather បានវាយលេងសើចច្រើនជាមួយ Gotti នៅក្នុងទឹកទីមួយ។ នៅក្នុងការប្រកួតទឹកទីបួន Mayweather បានញញឹមបែបចំអកមុនពេលវាយបកមកលើ Gotti ខណៈដែល Gotti ត្រូវបានអាជ្ញាកណ្តាលព្រមានក្នុងការវាយខុសបច្ចេកទេស៕
