ដោយ៖វិចិត្រ
![](https://cambodiaflashnews.com/wp-content/uploads/2021/06/top-banner.gif)
កណ្តាល៖ដុំកងដែកសរសៃធំៗបានរលំសង្កត់លើកម្មករម្នាក់ពេលកំពុងធ្វើការ បណ្តាលឱ្យស្លាប់ភ្លាមយ៉ាងអាណោចអាធ័ម។ហេតុការណ៍ដ៏តក់ស្លុតនេះបានកើតឡើងនៅកំពង់ផែមេគង្គ អតីតរោងចក្រក្តារបន្ទះ ក្នុងភូមិស្តៅកន្លែង ឃុំដីឥដ្ឋ ស្រុកកៀនស្វាយ ខេត្តកណ្តាល កាលពី រសៀលថ្ងៃទី៨ ខែមិថុនា។
តាមប្រភពព័ត៌មានបានឱ្យដឹងថា បុរសរងគ្រោះបាត់បង់ជីវិតឈ្មោះសាំង បូរ៉ាមី អាយុ២៩ឆ្នាំនៅភូមិស្តៅកន្លែង៤ ក្នុងឃុំដីឥដ្ឋ ស្រុកកៀនស្វាយ ខេត្តកណ្តាល។
មុនកើតហេតុជនរងគ្រោះកំពុងធ្វើការដូចសព្វដង ស្រាប់តែដំកងដែកសរសៃធំបានរលំសង្កត់លើជនរងគ្រោះ បណ្តាលឱ្យបាក់ក និងបាក់ស្មាស្លាប់ភ្លាមៗតែម្តង។ ក្រោយមកសមត្ថកិច្ចបានចុះពិនិត្យជុំវិញទីតាំងនិងធ្វើកំណត់ហេតុប្រគល់សពឱ្យក្រុមគ្រួសារសាច់ញាតិយកទៅធ្វើបុណ្យ៕