ដោយ៖វិចិត្រ
![](https://cambodiaflashnews.com/wp-content/uploads/2021/06/top-banner.gif)
បាត់ដំបង៖បុរសម្នាក់បានតខ្សែភ្លើងបូមទឹក ទំនងមិនប្រយ័ត្នក៏ប៉ះចំចរន្តអគ្គិសនី បណ្តាលឱ្យឆក់ស្លាប់ភ្លាមៗនៅភូមិអូរកំបុត ឃុំព្រែកខ្ពប ស្រុកឯកភ្នំ ខេត្តបាត់ដំបង កាលពីថ្ងៃទី៤ ខែមិថុនា។
លោកវរសេនីយ៍ឯក ឡុង យោធាវីរៈ អធិការនគរបាលស្រុកឯកភ្នំបានឱ្យដឹងថា ក្រោយកើតហេតុភ្លាមៗកម្លាំងជំនាញបានចុះទៅពិនិត្យលើដងខ្លួនបុរសដែលស្លាប់ឈ្មោះ ពេជ្រ ចំរើន អាយុ ៣៥ឆ្នាំ នៅភូមិអូរកំបុត ឃុំព្រែកខ្ពប ស្រុកឯកភ្នំ ខេត្តបាត់ដំបង។
លោកអធិការបានបន្តថា មុនកើតហេតុជនរងគ្រោះបានតខ្សែភ្លើងបូមទឹកមិនបានដកឌុយចេញពីព្រីភ្លើង ទើបបណ្តាលឱ្យប៉ះចរន្តភ្លើងឆក់ស្លាប់ភ្លាមតែម្តង។បន្ទាប់មកសមត្ថកិច្ចបានបញ្ជាក់ថា ជនរងគ្រោះស្លាប់ដោយសារឆ្លងចរន្តអគ្គិសនីពិតជាប្រាកដមែន។បច្ចុប្បន្នសពត្រូវក្រុមគ្រួសារយកទៅធ្វើបុណ្យ៕