ប្រធានាធិបតីអ៊ុយក្រែន លោកហ្សេឡិនស្គី បានធ្វើដំណើរផ្ទាល់ទៅកាន់ទីក្រុងឡាអេ ទៅជំរុញចិត្តតុលាការ ឧក្រិដ្ឋកម្មអន្តរជាតិឲ្យតាមចាប់លោកពូទីនមេដឹកនាំរុស្ស៊ី។
ដំណើរទស្សនកិច្ចនេះបានធ្វើឡើងកាលពីថ្ងៃទី ៤ ខែឧសភា ឆ្នាំ២០២៣។ លោក Zelenskyy បាននិយាយក្នុងអំឡុងពេលនៅទីក្រុងឡាអេ ប្រទេសហូឡង់ ជាកន្លែងដែលតុលាការ ICC ស្ថិតថា “យើងទាំងអស់គ្នាចង់ឃើញវ្ល៉ាឌីមៀរពូទីន នៅទីនេះនៅទីក្រុងឡាអេ ដែលជាអ្នកសមនឹងទទួលបាននូវទណ្ឌកម្មចំពោះអំពើឧក្រិដ្ឋកម្មរបស់គាត់នៅក្នុងរដ្ឋធានី នៃច្បាប់អន្តរជាតិ”។ ប្រធានាធិបតីអ៊ុយក្រែនរូបនេះបាននិយាយទៀតថា៖ “ខ្ញុំប្រាកដថាយើងនឹងឃើញរឿងនោះកើតឡើងនៅពេលដែលយើងឈ្នះ។ មានន័យថា ការចាប់ខ្លួនលោកពូទីនអាចនឹងកើតឡើងមែន នៅពេលដែលអ៊ុយក្រែន បានឈ្នះសង្រ្គាមនេះ។
សូមជម្រាបថា កាលពីខែមីនា តុលាការ ICC បានចេញដីកាតាមចាប់ខ្លួនលោក ពូទីន ពីបទនិរទេសកុមារចេញពី ប្រទេសអ៊ុយក្រែន។ ដីកាចាប់នេះ នឹងធ្វើឡើងនៅពេលដែលពូទីនចេញបង្ហាញខ្លួននៅក្រៅប្រទេស ពិសេសនៅក្នុងរដ្ឋទាំង២៣ជាសមាជិកនៃតុលាការ។ បើទោះជាបែបនេះក៏ដោយ សមាជិកខ្លះ ដូចជាហុងគ្រីក្តី បានអះអាងថាខ្លួននឹងមិនចាប់ពូទីនជាដាច់ខាត៕
ប្រភព៖ REUTERS
ប្រភពរូប៖ REUTERS
ប្រែសម្រួល៖សុខ តុលា